பொட்டாசியம் ஐப்போகுரோமேட்டு

பொட்டாசியம் ஐப்போகுரோமேட்டு
Potassium hypochromate

பெயர்கள்
வேறு பெயர்கள் பொட்டாசியம் குரோமேட்டு(V)
இனங்காட்டிகள்
யேமல் -3D படிமங்கள்	Image
SMILES O=[Cr-3](=O)(=O)=O.[K+].[K+].[K+]
பண்புகள்
மூலக்கூறு வாய்பாடு	K3CrO4
வாய்ப்பாட்டு எடை	233.2886 கி/மோல்
தோற்றம்	பச்சை நிறத் திண்மம்
உருகுநிலை	1,000 °C (1,830 °F; 1,270 K) (சிதைவடையும்)
நீரில் கரைதிறன்	கரையும், சிதைவடையும் (25 °செல்சியசு)[1]
கட்டமைப்பு
படிக அமைப்பு	பொட்டாசியம் ஐப்போமாங்கனேட்டு போன்றது
வெப்பவேதியியல்
Std enthalpy of formation ΔfHo298	−370 ± 2 கிலோகலோரி மோல்−1[2]
தீங்குகள்
தீப்பற்றும் வெப்பநிலை	தீப்பற்றாது
தொடர்புடைய சேர்மங்கள்
ஏனைய எதிர் மின்னயனிகள்	பொட்டாசியம் ஐப்போமாங்கனேட்டு
ஏனைய நேர் மின்அயனிகள்	சோடியம் ஐப்போகுரோமேட்டு
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

பொட்டாசியம் ஐப்போகுரோமேட்டு (Potassium hypochromate) என்பது K₃CrO₄ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். இச்சேர்மத்தில் அசாதாரண Cr⁵⁺ அயனி இடம்பெற்றுள்ளது. தண்ணீரில் நிலையற்றும் காரக் கரைசலில் நிலைப்புத்தன்மையோடும் காணப்படுகிறது.^[1] பொட்டாசியம் ஐப்போமாங்கனேட்டைப் போன்ற படிக அமைப்பைக் கொண்டிருக்கிறது.^[2]

பொட்டாசியம் ஐப்போகுரோமேட்டு சேர்மம் பொதுவாக குரோமியம்(III) ஆக்சைடு மற்றும் பொட்டாசியம் ஐதராக்சைடு சேர்மங்களை 850 °செல்சியசு வெப்பநிலையில் ஆர்கானின் கீழ் வினைபுரியச் செய்வதன் மூலம் தயாரிக்கப்படுகிறது.:^[2]

Cr₂O₃ + 6 KOH → 2 K₃CrO₄ + H₂O + 2 H₂

குரோமியம் ஆக்சைடை பொட்டாசியம் குரோமேட்டுடன் சேர்த்து வினைபுரியச் செய்தாலும் பொட்டாசியம் ஐப்போகுரோமேட்டைத் தயாரிக்கலாம். இவ்வினையில் Fe²⁺ அயனிகள் இல்லாதது முக்கியமாகும், ஏனெனில் இது Cr(V) அயனிகளை Cr(III) அயனிகளாகக் குறைக்கும்.^[1]

காரம் இல்லாதபோது அல்லது குறைவாக இருக்கும்போது பொட்டாசியம் ஐப்போகுரோமேட்டு தண்ணீரில் சிதைந்து குரோமியம்(III) ஆக்சைடு மற்றும் பொட்டாசியம் குரோமேட்டை உருவாக்குகிறது. பொட்டாசியம் ஐப்போகுரோமேட்டு ஐதரோகுளோரிக் அமிலம் போன்ற அமிலங்களுடன் வினைபுரிந்து குரோமியம்(III) ஆக்சைடு, பொட்டாசியம் குரோமேட்டு மற்றும் பொட்டாசியம் குளோரைடை உருவாக்குகிறது:

6 K₃CrO₄ + 10 HCl → 4 K₂CrO₄ + Cr₂O₃ + 5 H₂O + 10 KCl

ஐதரோபெராக்சைடுகள் போன்ற பிற குறைக்கும் முகவர்கள் ஐப்போகுரோமேட்டு அயனியை குரோமேட்டு அயனிகளாக ஆக்சிசனேற்ற முடியும்.^[1] மிக அதிக வெப்பநிலையில், இது பொட்டாசியம் குரோமேட்டு மற்றும் பொட்டாசியம் உலோகமாக சிதைகிறது.^[2]

பொட்டாசியம் ஐப்போகுரோமேட்டு சேர்மம், குரோமைல் குளோரோசல்பேட்டு போன்ற பல்வேறு சேர்மங்களை குளோரோசல்பூரிக் அமிலத்துடன் வினைபுரியச் செய்து ஒருங்கிணைக்கப் பயன்படுகிறது.^[3]