இட்ரியம் அயோடைடு

இட்ரியம் அயோடைடு

பெயர்கள்
வேறு பெயர்கள் மூவயோடோ இட்ரியம், இட்ரியம் மூவயோடைடு,[1] இட்ரியம்(3+) மூவயோடைடு
இனங்காட்டிகள்
சிஏஎசு எண்	13470-38-7 Y
ChemSpider	75345
EC number	236-737-1
InChI InChI=1S/3HI.Y/h3*1H;/q;;;+3/p-3 Key: LFWQXIMAKJCMJL-UHFFFAOYSA-K
யேமல் -3D படிமங்கள்	Image
பப்கெம்	83510
SMILES [Y](I)(I)I
UNII	IWJ2Y80D1J Y
பண்புகள்
மூலக்கூறு வாய்பாடு	YI 3
வாய்ப்பாட்டு எடை	469.6193 கி/மோல்
தோற்றம்	நிறமற்ற படிகங்கள்
உருகுநிலை	1,000 °C (1,830 °F; 1,270 K)
கொதிநிலை	1,310 °C (2,390 °F; 1,580 K)
நீரில் கரைதிறன்	கரையும்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

இட்ரியம் அயோடைடு (Yttrium iodide) என்பது YI₃ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். இட்ரியமும் ஐதரயோடிக் அமிலமும் சேர்ந்து இந்த உப்பு உருவாகிறது.^[2][3] நிறமற்ற படிகங்களாக உருவாகும் இது தண்ணீரில் கரையும்.

இட்ரியத்துடன் அயோடினைச் சேர்த்து மந்தவாயுச் சூழலில் சூடுபடுத்தினால் இட்ரியம் அயோடைடு கிடைக்கும்.

${\displaystyle {\ce {2Y + 3I2 -> 2YI3}}}$

இட்ரியம் ஆக்சைடுடன் அமோனியம் அயோடைடு சேர்த்து சூடுபடுத்தினாலும் இட்ரியம் அயோடைடு கிடைக்கும்:

${\displaystyle {\ce {Y2O3 + 6NH4I -> 2YI3 + 6NH3 + 3H2O}}}$

இட்ரியம் ஆக்சைடு அல்லது இட்ரியம் ஐதராக்சைடை ஐதரயோடிக் அமிலத்துடன் வினைபுரியச் செய்வதன் மூலமும் இட்ரியம் அயோடைடைத் தயாரிக்கலாம்.

இட்ரியம் அயோடைடு நிறமற்ற செதில் போன்ற படிகங்களாக உருவாகிறது. BiI₃ கட்டமைப்பின் வகையை இதன் படிக அமைப்பும் கொண்டிருக்கிறது.^[4]

தண்ணீர் மற்றும் எத்தனாலில் நன்றாக கரைகிறது. ஈரெத்தில் ஈதரில் கரையாது.

மூன்று மற்றும் அறுநீரேற்றுகளாகவும் இட்ரியம் அயோடைடு தோன்றுகிறது.^[5]

தாழ் வெப்பநிலைகளில் இட்ரியம் பேரியம் தாமிர ஆக்சைடு மீக்கடத்தி வேதிப் பொருட்களை தயாரிக்க உதவும் முன்னோடிச் சேர்மமாக இட்ரியம் அயோடைடு பயன்படுத்தப்படுகிறது.^[6]