Познаньскі ўніверсітэт мастацтваў імя Магдалены Абакановіч

Познаньскі ўніверсітэт мастацтваў імя Магдалены Абакановіч
Познаньскі ўніверсітэт мастацтваў імя Магдалены Абакановіч
	польск.: Uniwersytet Artystyczny im. Magdaleny Abakanowicz w Poznaniu
Арыгінальная назва	польск.: Uniwersytet Artystyczny im. Magdaleny Abakanowicz w Poznaniu
Міжнародная назва	University of the Arts Poznan
Заснаваны	1919
Год закрыцця	1939
Рэарганізаваны	1946
Тып	акадэмія мастацтваў
Рэктар	Войцех Хора
Рэктар	Wojciech Hora[d]
Студэнты	1 500
Краіна	Польшча;
Размяшчэнне	Познань
Юрыдычны адрас	Аллея Марцінкоўскага 29,; 60-967 г. Познань, Польшча
Сайт	uap.edu.pl
	Медыяфайлы на Вікісховішчы

Познаньскі ўніверсітэт мастацтваў імя Магдалены Абакановіч (польск.: Uniwersytet Artystyczny im. Magdaleny Abakanowicz w Poznaniu) — польская дзяржаўная вышэйшая навучальная ўстанова са статусам універсітэта і спецыялізацыяй у сферы культуры і мастацтваў, якая знаходзіцца ў Познані.

Агульная характарыстыка

Паўстаў у 1919 годзе як Дзяржаўная школа дэкаратыўна-прыкладнога мастацтва. З'яўляецца адным з двух універсітэтаў мастацкага профілю, якія функцыянуюць у Польшчы. Галоўны будынак універсітэта, дзе змяшчаецца рэктарат, знаходзіцца ў цэнтры горада на рагу Алеі Караля Марцінкоўскага і вуліцы 23 лютага ў будынку даваеннага краёвага староства.

У 1996 годзе вучэльня атрымала статус акадэміі мастацтваў, а ў 2010 годзе - статус мастацкага ўніверсітэта.

Універсітэт мае агулам 6 навучальных будынкаў, размешчаных у самым цэнтры горада. У 2020 і 2021 гадах плануецца адкрыццё яшчэ аднаго аб'екта на вуліцы Шкіперскай і на вуліцы Мельжынскага. Да універсітэту таксама адносіцца плэнэрны дом у Скоках.

З кастрычніка 2016 года дзейнічае пяць універсітэцкіх галерэй, створаных у супрацоўніцтве з уладамі горада: галерэя "Вялікая сцэна UAP", галерэя "Малая сцэна UAP", галерэя "Curators'lab", галерэя дызайну і галерэя R20 (у цяперашні час галерэя "Адкрытая сцэна"). У 2020 годзе да іх далучылася галерэя факультэта жывапісу і малявання – Шэўская галерэя 16. У гарадскіх галерэях вучэльні праводзяцца выставы, у першую чаргу студэнтаў, выпускнікоў і выкладчыкаў універсітэта, а таксама семінары як для дзяцей, так і для дарослых.