Рамігола

Рамігола
Герб	Сцяг
Краіна	Літва
Павет	Панявежыскі
Раён	Панявежыскі
Сянюнія	Рамігальская
Каардынаты	55°30′40″ пн. ш. 24°18′10″ у. д.HGЯO
Першая згадка	XIII стагоддзе
Горад з	1957
Вышыня цэнтра	69 м
Насельніцтва	▼1 198 чал. (1 студзеня 2023);
Часавы пояс	UTC+2, летам UTC+3
Паштовыя індэксы	LT-38031
Афіцыйны сайт	ramygala.lt (літ.)
	Медыяфайлы на Вікісховішчы

Раміго́ла^[2], часам Рэмігола^[3], таксама Рамі́гала (літ.: Ramygala) — горад у цэнтральнай Літве, на рацэ Упіта. Уваходзіць у склад Панявежскага раёна Панявежскага павета, размешчаны за 25 кіламетраў ад Панявежы^[4]. Горад адносіцца да этнаграфічнага рэгіёну Аўкштайція. Праз горад праходзіць аўтамабільная дарога Via Baltica.

Гісторыя

Упершыню паселішча з назвай Рамігола сустракаецца ў XIII стагоддзі. У 1370 годзе паселішча было разрабавана рыцарамі Тэўтонскага ордэна. Прыкладна ў 1500 годзе быў пабудаваны касцёл. Пасля гэтага пачалося развіццё паселішча. У канцы XVI стагоддзя Рамігола (ст.-бел.: Ромигола^[2]) атрымала права праводзіць штогадовыя кірмашы. Горад быў ва ўласнасці Віленскага касцёла, а потым Віленскага ўніверсітэта.

Пасля трэцяга падзелу Рэчы Паспалітай Рамігола трапіла ў склад Расійскай імперыі. У другой палове XIX стагоддзя аднайменныя вёска і мястэчка. У 1859 годзе было 63 дамы, жыдоўскі малітоўны дом, дом прытулку для ўбогіх^[5]. У 1888 годзе з’явілася першая аптэка, а з 1895 года пачала дзейнічаць пошта.

З сярэдзіны XIX стагоддзя да 1950 года Рамігола была валасным цэнтрам.

За часамі Першай сусветнай вайны ў 1915 годзе тэрыторыя акупавана войскамі Германскай імперыі. З 1918 года — у складзе Літвы. З 1940 года — у Літоўскай ССР.

З 1950 да 1962 года — цэнтр раёна. Правы горада мястэчка атрымала ў 1957 годзе.

З 1990 года — у складзе адноўленай незалежнай Літвы.