முக்கா பிரிவு

முக்கா பிரிவு
Mukah Division
சரவாக்
கொடி
சரவாக் மாநிலத்தில் முக்கா பிரிவு
ஆள்கூறுகள்: 02°53′46″N 112°04′43″E / 2.89611°N 112.07861°E / 2.89611; 112.07861
நாடு	மலேசியா
மாநிலம்	சரவாக்
பிரிவு	முக்கா பிரிவு
நிர்வாக மையம்	முக்கா
உள்ளூர் நகராட்சி	1. முக்கா மாவட்ட மன்றம் Majlis Daerah Dalat & Mukah (MDDM) 2. மாத்து டாரோ மாவட்ட மன்றம் Majlis Daerah Matu-Daro (MDMD)
அரசு
• ஆளுநர் (Resident)	அமிடா பாக்கிர் (Hajah Hamdiah binti Haji Bakir)
பரப்பளவு
• மொத்தம்	6,997.61 km2 (2,701.79 sq mi)
மக்கள்தொகை  (2010)
• மொத்தம்	1,10,543
• அடர்த்தி	12/km2 (30/sq mi)

முக்கா பிரிவு (மலாய் மொழி: Bahagian Mukah; ஆங்கிலம்: Mukah Division) என்பது மலேசியா, சரவாக் மாநிலத்தில் உள்ள 12 நிர்வாகப் பிரிவுகளில் ஒரு பிரிவாகும். இந்தப் பிரிவு 2002 மார்ச் 1-ஆம் தேதி நிறுவப்பட்டது. இதன் மொத்த பரப்பளவு 6,997.61 சதுர கி.மீ.

முக்கா பிரிவின் ஐந்து நிர்வாக மாவட்டங்களின் மொத்த மக்கள் தொகை 110,543 ஆகும்.^[1] இந்தப் பிரிவின் மக்கள்தொகை கலாசார அடிப்படையில் கலந்து உள்ளது. பெரும்பாலும் மெலனாவ், மலாய்க்காரர், இபான் மற்றும் சீனர்கள் அதிகமாகக் காணப் படுகின்றனர்.

முக்கா பிரிவில் உள்ள மாவட்டங்கள்:

• முக்கா மாவட்டம் (Mukah District)
• தலாத்து மாவட்டம் (Dalat District)
• தாரோ மாவட்டம் (Daro District)
• மாத்து மாவட்டம்
• தஞ்சோங் மானிஸ் மாவட்டம்
• பாலிங்கியான் துணை மாவட்டம் (Balingian Sub District)
• ஓயா இகான் துணை மாவட்டம் (Oya Igan Sub District)

கோலா பலிங்கியான் (Kuala Balingian); பாலிங்கியான்; முக்கா; தலாத்; ஓயா; இகான்; மாத்து; தாரோ ஆகிய நகரங்களை இணைக்கும் ஒரு கடற்கரை சாலை ரிங்கிட் 48 மில்லியன் செலவில் அண்மையில் உருவாக்கப்பட்டு உள்ளது.

2005-ஆம் ஆண்டில் பத்தாங் முக்காவின் மீது 170 மீட்டர் இரட்டை வளைவு தொங்கு பாலம் பொதுமக்களுக்கு திறக்கப்பட்டது.

முக்கா பிரிவின் முக்கியத் தொழில், வேளாண்மைப் பொருட்கள்; செம்பனை, சவ்வரிசி, நெல், அன்னாசி மற்றும் மீன் வளர்ப்பு.

2010-ஆம் ஆண்டு நிலவரப்படி, முக்கா பிரிவில் மெலனாவ் மக்களே மிகப்பெரிய இனக்குழுவாகும். மக்கள் தொகையில் பாதிக்கும் மேற்பட்டவர்கள் தங்களை மெலனாவ் என்று அடையாளப் படுத்திக் கொள்கின்றனர்.[10] இபான் மக்கள் 18.6%. இரண்டாவது பெரிய இனக்குழு.^[2]

• மலேசியாவின் மாநிலப் பிரிவுகள்