பாடவான் மாவட்டம்

பாடவான் மாவட்டம் Padawan District Daerah Padawan
மாவட்டம்
பாடவான் நகரம் (2020)
பாவு மாவட்டம்       மலேசியா
ஆள்கூறுகள்: 1°25′39″N 110°19′34″E / 1.427597°N 110.326150°E / 1.427597; 110.326150
நாடு	மலேசியா
மாநிலம்	சரவாக்
பிரிவு	கூச்சிங் பிரிவு
மாவட்டம்	பாடவான்
பரப்பளவு
• மொத்தம்	1,771.3 km2 (683.9 sq mi)
இணையதளம்	mpp.sarawak.gov.my

பாடவான் மாவட்டம் (மலாய்: Daerah Padawan; ஆங்கிலம்: Padawan District) என்பது மலேசியா, சரவாக் மாநிலத்தில் கூச்சிங் பிரிவில்; உள்ள ஒரு மாவட்டம். முன்பு இது மாவட்டத் தகுதி பெறாத நகர்ப் பகுதியாக இருந்தது. இருப்பினும் 2023-ஆம் ஆண்டில், பாடவான் பகுதிக்கு மாவட்டத் தகுதி வழங்கப்பட்டது. ^[1]

கூச்சிங் பிரிவில்; உள்ள மற்ற மாவட்டங்களான பாவு மாவட்டம், இலுண்டு மாவட்டம், கூச்சிங் மாவட்டம் ஆகிய 3 மாவட்டங்களத் தவிர பாடவான் துணை மாவட்டத்தைத் தனி ஒரு மாவட்டமாக வகைப்படுத்தலாம். அதற்கான சட்ட விதிமுறைகள் நடைமுறைக்கு கொண்டு வரப்பட்டுள்ளன.

பாடவான் மாவட்டத்திற்கான பாடவான் நகராட்சி (Majlis Perbandaran Padawan) (MPP); பாடவான் மாவட்டப் பகுதியில் செயல்படுத்தப்பட வேண்டிய வளர்ச்சித் திட்டங்களைக் கண்காணிக்கிறது; மேலும் அந்தத் திட்டங்களை ஒழுங்கமைத்துச் செயல்படுத்துகின்றது.^[2]

பாடவான் மாவட்டம் மூன்று முக்கிம் நகர்ப்புறப் பகுதிகளாகப் பிரிக்கப்பட்டுள்ளது:

• பத்து காவா
• பாடவான் நகரம்
• பத்து கித்தாங்

11 ஆகத்து 1983-இல் துணை மாவட்டமாக அறிவிக்கப்பட்டது. அந்த வேளையில் பாடவான் துணை மாவட்டப் பகுதிக்கான தலைமையகம், தெங் புக்காப்பில் (Teng Bukap) அமைந்திருந்தது. பின்னர் கோத்தா பாடவானில் உள்ள அதன் புதிய தலைமையகத்திற்கு மாற்றப்பட்டது.