அரிச்சந்திரபுரம் சந்திரமௌலீஸ்வரர் கோயில்

சந்திரமௌலீசுவரர் கோயில்
அமைவிடம்
நாடு:	இந்தியா
மாநிலம்:	தமிழ்நாடு
மாவட்டம்:	தஞ்சாவூர்
அமைவிடம்:	அரிச்சந்திரபுரம், பட்டீஸ்வரம்
கோயில் தகவல்
மூலவர்:	சந்திரமௌலீசுவரர்
சிறப்புத் திருவிழாக்கள்:	மகா சிவராத்திரி
கட்டிடக்கலையும் பண்பாடும்
கட்டடக்கலை வடிவமைப்பு:	திராவிடக் கட்டிடக்கலை
கோயில்களின் எண்ணிக்கை:	ஒன்று

அரிச்சந்திரபுரம் சந்திரமௌலீஸ்வரர் கோயில் என்பது தஞ்சாவூர் மாவட்டம் பட்டீஸ்வரம் அருகே அமைந்துள்ள ஒரு சிவன் கோயில் ஆகும். இக்கோயில் தேவார வைப்புத்தலமாகும். அப்பர் பாடிய பெருமையுடையது.

பட்டீஸ்வரம் அருகே இக்கோயில் உள்ளது. இத்தலம் சோழன்மாளிகை என்ற ஊருக்குப் பக்கத்தில் அமைந்துள்ளது.

கருவறையில் உள்ள மூலவர் சந்திரமௌலீஸ்வரர் ஆவார். இறைவி சௌந்தரவல்லி ஆவார்.^[1] சிறியதாக அமைந்துள்ள இக்கோயில் மூலவர் சன்னதி, இறைவி சன்னதி மற்றும் அந்தந்த சன்னதிக்குரிய விமானங்களைக் கொண்டு அமைந்துள்ளது. மூலவர் கருவறை கோஷ்டத்தில் தட்சிணாமூர்த்தி உள்ளார். இக்கோயிலில் சூரீயன், சந்திரன், பைரவர் உள்ளனர். திருசசுற்றில் மூலவர் சன்னதிக்குப் பின்புறமாக விநாயகர், வள்ளி தெய்வானையுடன் சுப்பிரமணியர், மகாலட்சுமி ஆகியோர் தனித்தனி சன்னதிகளில் உள்ளனர். இக்கோயில் வளாகத்தின் இடது புறம் மகாகாளி சன்னதி தனிக்கோயிலாக அமைந்துள்ளது.

ரௌத்திர ஆண்டு ஆனி மாதம் வியாழக்கிமை 26 சூன் 1980இல் குடமுழுக்கு ஆனதற்கான கல்வெட்டு உள்ளது. அண்மையில் ஏவிளம்பி ஆண்டு கார்த்திகை மாதம் 24 நவம்பர் 2017இல் குடமுழுக்கு நடைபெற்றது. ^[2]

• தேவார வைப்புத்தலங்கள்
• அரிச்சந்திரபுரம் பரணிடப்பட்டது 2017-12-23 at the வந்தவழி இயந்திரம்