Беларуска-таджыкістанскія адносіны

Беларуска-таджыкістанскія адносіны — двухбаковыя дыпламатычныя адносіны паміж рэспублікамі Беларусь і Таджыкістан. Дыпламатычныя адносіны ўстаноўлены 5 верасня 1996 г.

У студзені—красавіку 2018 года тавараабарот паміж дзяржавамі склаў 14,5 млн долараў. Аснову беларускага экспарту складаюць пастаўкі спецыфічных тавараў, цукру, трактароў і седлавых цягачоў, дываноў і падлогавых тафтынгавых пакрыццяў, пліт драўнянавалакністых, пліт драўнянастружкавых і шын. Таджыкскі экспарт прадстаўлены ў асноўным пражай баваўнянай, садавіной сушанай, сумессю арэхаў або сушаных пладоў, валакном баваўняным нячэсаным.

Пералік беларуска-таджыскістанскіх культурных падзей і мерапрыемстваў:

• 1 студзеня 2011 г. утворана Таварыства дружбы «Таджыкістан-Беларусь» на базе Таджыкскага тэхнічнага ўніверсітэта імя акадэміка М. С. Асімі.
• У сакавіку 2012 г. утворана Беларуска-таджыкская арганізацыя дружбы і культурных сувязяў.
• У 2014 годзе ў Таджыкістане прайшлі Дні беларускага тэлебачання.
• У 2007, 2015 і 2018 гг. у Таджыкістане прайшлі Дні культуры Рэспублікі Беларусь.
• У 2008 і 2016 гг. ў Беларусі прайшлі Дні культуры Рэспублікі Таджыкістан.

У 2008, 2009, 2010, 2015 і 2018 гадах Беларусь аказвала Таджыкістану гуманітарную дапамогу.

• Беларусы ў грамадзянскай вайне ў Таджыкістане

• Посольство Беларуси в Таджикистане