Беларуска-турэцкія адносіны

Беларуска-турэцкія адносіны
Беларусь Турцыя

Беларуска-турэцкія адносіны — двухбаковыя дыпламатычныя адносіны паміж Беларуссю і Турцыяй, усталяваныя 25 сакавіка 1992 года^[1].

У 2018 годзе тавараабарот паміж дзвюма дзяржавамі склаў 983 млн долараў. Асноўныя пазіцыі беларускага экспарту сталі калійныя ўгнаенні, ільняныя тканіны, полікарбанавыя кіслоты; сінтэтычныя валокны; дрот з нелегіраванай сталі, драўніна, газетная папера^[2].

Парламентамі Беларусі і Турцыі заснавана сумесная група дружбы^[3].

У 2016 годзе ў Турцыі прайшлі Дні беларускай культуры. У 2017 годзе ў Беларусі праведзены дні турэцкай культуры^[4].

У лістападзе 2016 года падчас візіту Прэзідэнта Турэцкай Рэспублікі Рэджэпа Эрдагана ў Мінск падпісана пагадненне аб супрацоўніцтве ў галіне навукі і тэхналогій. На дадзены момант ідзе рэалізацыя сумесных праектаў фундаментальных навуковых даследаванняў у галіне мікрабіялогіі і фізікі, а таксама праводзяцца кансультацыі аб новых інавацыйных праектах у сферах нана- і IT-тэхналогій, звышновых матэрыялаў^[5].

Турцыя з’яўляецца адным з самых папулярных турыстычных маршрутаў для грамадзян Беларусі. Штогод краіну наведваюць каля 200 000 беларусаў, чаму спрыяе пагадненне аб узаемнай адмене віз 2013 года^[6].

• У 1994 годзе КДБ абвінаваціў двух беларускіх журналістаў у шпіянажы на карысць Турэцкай Рэспублікі. Паралельна былі высланы двое аташэ турэцкага пасольства. У адказ Турцыя часова прыпыніла ўсе кантакты з Беларуссю і выдзяленне крэдыту ў 100 мільёнаў долараў^[7].

• Беларусь мае пасольства ў Анкара^[8] і Генеральнае консульства ў Стамбуле^[9].
• Турцыя мае пасольства ў Мінску^[10].

• Мікалай Ляпешка (1997—2002)
• Наталля Жылевіч (2002—2008)
• Валерый Калеснік (2008—2013)
• Андрэй Савіных (2013—2019)
• Віктар Рыбак (2019—2025)
• Анатоль Глаз (з 2025 года)

• Джэм Ышык^[11]