Беларуска-венгерскія адносіны
Беларуска-венгерскія адносіны — двухбаковыя дыпламатычныя адносіны паміж Беларуссю і Венгрыяй, якія былі ўсталяваныя 12 лютага 1992 года. Двухбаковыя адносіныЭканамічная сфераУ 2016 годзе ў Венгрыю было экспартавана тавараў на 51,7 млн. USD[1]. Імпарт тавараў з Венгрыі склаў 104 млн. USD. Найбуйнейшая пазіцыя імпарту — лекі (25 млн. USD)[2]. Агульны таваразварот за 2018 год склаў 180 млн дол[3]. Энергетычная сфера22 мая 2025 года Беларусь і Венгрыя падпісалі дарожную карту супрацоўніцтва ў атамнай энергетыцы на 2025—2027 гады (ўключае мерапрыемствы па абмене вопытам па пытаннях развіцця ядзерна-энергетычнай інфраструктуры, забеспячэння ядзернай і радыяцыйнай бяспекі, абыходжання з радыеактыўнымі адходамі і адпрацаваным ядзерным палівам, навукова-тэхнічнай падтрымкі эксплуатацыі АЭС). Дакумент падпісаны Дэпартаментам па ядзернай энергетыцы Міністэрства энергетыкі, Беларускай АЭС і АЭС «Пакш ІІ» у рамках рэалізацыі мемарандума аб узаемаразуменні паміж Міністэрствам энергетыкі Беларусі і Міністэрствам замежных спраў і знешняга гандлю Венгрыі аб паглыбленні партнёрства ў сферы атамнай энергетыкі.[4] Культурная сфераУ 2009 годзе падпісана двухбаковае міжурадавае пагадненне аб супрацоўніцтве ў галіне адукацыі, навукі і культуры. З 2014 года на базе Мінскага дзяржаўнага лінгвістычнага ўніверсітэта вядзецца выкладанне венгерскай мовы. Беларуская мова факультатыўна выкладаецца ў Будапешцкім універсітэце імя Лоранда Этвеша з 1994 года. У 2015—2016 гадах у рамках міжнароднага тэатральнага фестывалю «ТэАрт» выступалі венгерскія тэатральныя калектывы. 13 мая 2016 года ў Будапешце на сцэне Акадэміі музыкі імя Ф. Ліста выступіў студэнцкі хор БДАМ. У 2010 і 2017 гадах прайшлі Дні культуры Беларусі ў Венгрыі, а ў 2014 — Дні культуры Венгрыі ў Беларусі[5]. Ваенная сфераУ 1996 годзе Сухапутныя сілы Венгрыі купілі ў Беларусі 100 адзінак асноўных баявых танкаў Т-72[6]. У маі 2005 інспекцыйная група Беларусі правяла інспекцыю двух ваенных аб’ектаў Венгрыі на прадмет захавання абавязацельстваў па ДЗУСЕ[7]. У сакавіку 2018 гады 6-я асобная гвардзейская механізаваная брыгада прайшла аналагічную інспекцыю венгерскіх прадстаўнікоў[8]. Работа па лініі ЕСВенгрыя зацікаўлена ў больш цесным кантакце паміж Еўрапейскім Саюзам і Рэспублікай Беларусь, што неаднаразова падкрэслівалі венгерскія дыпламаты. Яна прывітала зняцце Еўрасаюзам санкцыяў з Беларусі і актыўна падтрымлівае перамовы аб спрашчэнні візавага рэжыму паміж Беларуссю і ЕС. Кіраўнік МЗС Венгрыі Петэр Сіярта ў чэрвені 2017 года заявіў, што адной з прыярытэтных задач у беларуска-венгреском супрацоўніцтве з’яўляецца прыцягненне еўрапейскіх інвестыцый у развіццё беларускай эканомікі[9][10]. Дыпламатычныя прадстаўніцтвыПасольства Беларусі ў Венгрыі адкрыта ў студзені 2000 года, венгерскае пасольства ў Мінску — у снежні 2007 года[5]. З 2014 года у Брэсце функцыянуе ганаровае венгерскае консульства[11]. Крыніцы
Літаратура
Спасылкі |
||||||||||
Portal di Ensiklopedia Dunia
