Уладзімір Мікалаевіч Арлоўскі

Уладзімір Мікалаевіч Арлоўскі
7-ы Старшыня Дзяржаўнага мытнага камітэта Рэспублікі Беларусь з 21 снежня 2020
Прэзідэнт	Аляксандр Лукашэнка
Кіраўнік урада	Раман Галоўчанка Аляксандр Турчын
Папярэднік	Юрый Сянько
Нараджэнне	12 сакавіка 1968(1968-03-12)[1] (57 гадоў) Магілёў, Магілёўская вобласць, БССР, СССР[1]
Адукацыя	Магілёўскі машынабудаўнічы інстытут (1993)[1] Інстытут нацыянальнай бяспекі Рэспублікі Беларусь (2002)[2] Акадэмія кіравання пры Прэзідэнце Рэспублікі Беларусь (2014)[2]
Ваенная служба
Званне	Дзяржаўны саветнік мытнай службы III рангу
Узнагароды

Уладзімір Мікалаевіч Арлоўскі (12 сакавіка 1968, Магілёў) — беларускі мытнік, старшыня Дзяржаўнага мытнага камітэта Рэспублікі Беларусь (з 21 снежня 2020), Дзяржаўны саветнік мытнай службы III рангу.

Нарадзіўся 12 сакавіка 1968 года ў Магілёве.

У 1993 годзе скончыў Магілёўскі машынабудаўнічы інстытут, у 2002 годзе — Інстытут нацыянальнай бяспекі Рэспублікі Беларусь, у 2014 годзе — Акадэмію кіравання пры Прэзідэнце Рэспублікі Беларусь.

Працоўную дзейнасць пачаў у 1988 годзе на Магілёўскім ліфтабудаўнічым заводзе, дзе працаваў вучнем токара, токарам, майстрам рамонтна-тэхнічнага цэха, інжынерам-тэхнолагам, майстрам рамонтна-механічнага цэха. З завода сышоў у 1994 годзе.

Паступіў на службу ў мытныя органы ў 1994 годзе на пасаду інспектара Магілёўскай мытні і прайшоў шлях да намесніка начальніка мытні па арганізацыі мытнага афармлення і кантролю.

З 2007 па 2010 год працаваў намеснікам начальніка Брэсцкай мытні па арганізацыі мытнага афармлення і кантролю, з 2010 па 2014 год — начальнікам упраўлення арганізацыі мытнага кантролю Дзяржаўнага мытнага камітэта Рэспублікі Беларусь. З верасня 2014 года па сакавік 2015 года — начальнік Брэсцкай мытні. 11 сакавіка 2015 года прызначаны намеснікам Старшыні Дзяржаўнага мытнага камітэта Рэспублікі Беларусь^[3]. З чэрвеня 2016 года па 21 снежня 2020 года^[4] працаваў першым намеснікам старшыні Дзяржаўнага мытнага камітэта Рэспублікі Беларусь.

21 снежня 2020 года прызначаны Старшынёй Дзяржаўнага мытнага камітэта Рэспублікі Беларусь^[4].

• Медаль «За бездакорную службу» III ступені (2012)^[5].
• Медаль «За бездакорную службу» II ступені.
• Медаль «За бездакорную службу» I ступені (2020)^[6].
• Медаль «За ўклад у стварэнне Еўразійскага эканамічнага саюза» II ступені (2015)^[7].
• Юбілейны медаль «65 год Перамогі ў Вялікай Айчыннай вайне 1941—1945 гг.»
• Юбілейны медаль «70 год вызвалення Рэспублікі Беларусь ад нямецка-фашысцкіх захопнікаў»
• Юбілейны медаль «70 год Перамогі ў Вялікай Айчыннай вайне 1941—1945 гг.»