Пушкінскі мост (Віцебск)

Пушкінскі мост
Каардынаты: 55°11′41″ пн. ш. 30°12′10″ у. д.HGЯO
Перасякае	Віцьба
Месца размяшчэння	Віцебск
Агульная даўжыня	28 м
Медыяфайлы на Вікісховішчы

Пушкінскі мост (першапачатковая назва: Тэатральны) — пешаходны мост цераз раку Віцьбу. Размешчаны ў цэнтры Віцебска, злучае вуліцу Пушкіна і вуліцу Талстога. Пабудаваны ў 1961 годзе. Перайменаваны ў гонар рускага паэта А. С. Пушкіна.

Першы мост на гэтым месцы (толькі на 30-40 метраў бліжэй да вусця Віцьбы) быў пабудаваны ў 1860-70-х гадах. Гэта быў драўляны мост на палях. З-за няякаснай пабудовы мост даволі хутка прыйшоў у нягодны стан. Да канца XIX стагоддзя, з-за пастаянных рамонтаў, ён уяўляў сабой, небяспечны, вузкі пешаходны масток. У канцы 1890-х гадоў быў пабудаваны зноў, таксама з дрэва.

Новы мост пабудаваны ў 1961 годзе. Ён мае арачную канструкцыю, апорнай канструкцыі выкананы з жалезабетону. Даўжыня моста — 28 метраў. У другой палове 2000-х гадоў з’явілася вясельная традыцыя ў знак вечнай любові і непарушнага шлюбу вешаць на мост замок, а ключ ад яго выкідваць у Віцьбу. У 2010 годзе праведзена рэканструкцыя моста. Асфальтавае пакрыццё заменена на плітку, абноўлена маставое палатно, рэстаўрыраваныя парэнчы. Каля ўвахода на мост бетонныя дэкаратыўныя шары заменены на 4 металічныя скульптуры львоў. Мост зрабіўся пешаходным. У 2010—2011 гадах на мосце ўстаноўлена дэкаратыўная ілюмінацыя.

• Витебск. Энциклопедический справочник. — Мн.: Изд. «БелСЭ», 1988. — ISBN 5-85700-004-1

• На Вікісховішчы ёсць медыяфайлы па тэме Пушкінскі мост (Віцебск)