Прилепец

Прилепец
Стари куќи во Прилепец
Прилепец Местоположба на Прилепец во Македонија Прилепец на карта
Координати 41°17′44″N 21°35′8″E / 41.29556°N 21.58556°E / 41.29556; 21.58556
Општина	Прилеп
Население	4 жит. (поп. 2021)[1]
Шифра на КО	20086
Надм. вис.	840 м
Прилепец на општинската карта Атарот на Прилепец во рамките на општината
Прилепец на Ризницата

Прилепец — село во Општина Прилеп, во околината на градот Прилеп.

Селото Прилепец е планинско село. Се наоѓа на Дрен Планина, јужно од градот Прилеп. Соседни населби се Волково и Чумово.

Во XIX век селото било дел од Прилепската каза на Отоманското Царство.

На 20 декември 1942 година во Прилепец бил опколен и разбиен партизанскиот одред „Ѓорче Петров“ од страна на бугарската војска. Во борбата загинале Стеван Базеркоски - Лански, Борка Спасески-Влачарот, Стеван Димески, Димче Мирчески, Гога Јанкуловски, Пројче Најдоски-Сокле, Бошко Јосифовски и Менде Бошкоски, а Киро Фетак бил фатен и одведен во касарната во Прилеп, каде подоцна бил сурово мачен и убиен.

Според статистиката на Васил К’нчов („Македонија, Етнографија и статистика“) од 1900 година, во Прилепец живееле 140 жители, сите Македонци.^[2] Според егзархискиот секретар Димитар Мишев, („La Macédoine et sa Population Chrétienne“) во 1905 година во Прилепец имало 176 Македонци, под врховенството на Бугарската егзархија.^[3]

На Етнографската карта на Битолскиот Вилает од 1901 г. Прилепец е претставен како чисто македонско село во Прилепската каза на Битолскиот санџак со 22 куќи.^[4]

Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.^[5]

Според пописот од 2002 година, во селото Прилепец живеат 9 жители, сите Македонци.^[6]

Според последниот попис од 2021 година, во селото живееле 4 жители, сите Македонци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Прилепец е македонско село.

Родови во селото се:

• Староседелци или со непознато потекло: Ѓондевци (1 куќа) они се многу стар род, возможно е да се староседелци.
• Доселеници: Вишиновци (13 куќи) доселени се од селото Мало Илино во Железник. Од таму избегале „од албанците“. го знаат следното родословие: Наум (жив на 73 г. во 1954 година) Тасе-Наум-Кочо-Вишин, предокот кој се доселил во селото, тоа било почетокот на XIX век; Џамеровци (9 куќи) доселени се од Дебарско. Во местото на старина Турци сакале да им земат некоја девојка и затоа избегале, најпрво во Лагово па во Волково и на крај во Прилепец, го знаат следното родословие: Цветан (жив на 82 г. во 1954 година) Богоја-Митре, се доселил неговиот татко; Милошевци (5 куќи) и они се доселени од дебарска страна.^[11]

Во селото постои избирачкото место бр. 1437 според Државната изборна комисија, сместени во просториите на приватна куќа.^[12]

На претседателските избори во 2019 година, на ова избирачко место биле запишани вкупно 4 гласачи.^[13]

Цркви

• Црква „Св. Димитриј“ — селска црква
• Црква „Св. Никола“ — црква на Прилепечкиот манастир

Манстири

• Прилепечки манастир („Св. Никола“)

Археолошки наоѓалишта^[14]

• Безистен — населба од брозеното време
• Глува Долна — светилиште од римско време
• Камберица — населба од доцноантичко време
• Корита — населба од хеленистичко и римско време
• Марков Ѕид — тврдина и некропола од антиката и средниот век
• Маркова Стапалка — некропола од доцноантичко време
• Св. Димитрија — црква од непознат период
• Долиште — некропола од хеленистичко време

Езера

• Прилепечко Езеро — вештачка акумулација југозападно од селото
• Големо Волковско Езеро — акумулација во атарите на Прилепец и Волково

Родени

• Трајан Илиев Секулоски — револуционер од МРО
• Атанас Џамов - Џамот — револуционер од ВМОРО, подоцна бугароман, предавник на партизаните во манастирот „Свети Илија“ на 20 декември 1942.
• Рада Тодорова Бошкоска — учесник во НОВ на Македонија.

• Прилепец на Ризницата

п р у Населени места во Општина Прилеп Алинци Беловодица Беровци Бешиште Бонче Вепрчани Веселчани Витолиште Волково Галичани Голем Радобил Големо Коњари Дабница Дрен Дуње Ерековци Загорани Кадино Село Кален Канатларци Клепач Крушевица Леништа Лопатица Мажучиште Мало Коњари Мало Рувци Манастир Марул Никодин Ново Лагово Ореовец Пештани Плетвар Подмол Полчиште Прилеп Прилепец Присад Ракле Селце Старо Лагово Тополчани Тројаци Тројкрсти Чаниште Чепигово Чумово Шелеверци Штавица Раселени Врпско Гуѓаково Живово Кокре Крстец Мал Радобил Смолани Топлица Царевиќ Историски Заград Клекоперци Мелница Пештерица Писокал