Топлица (Прилепско)

Топлица
Топлица Местоположба на Топлица во Македонија Топлица на карта
Координати 41°24′2″N 21°44′30″E / 41.40056°N 21.74167°E / 41.40056; 21.74167
Општина	Прилеп
Население	0 жит. (поп. 2021)[1]
Шифра на КО	20102
Слава	Свети Мина
Топлица на општинската карта Атарот на Топлица во рамките на општината
Топлица на Ризницата

Топлица — целосно раселено село во областа Раец, во Општина Прилеп, во околината на градот Прилеп.

Подрачјето на Топлица е населено уште од римско време, за што сведочат бројните наоѓалишта околу селото.

Во XIX век селото било дел од Прилепската каза на Отоманското Царство.

Селото се наоѓа во областа Раец, во територијата на Општина Прилеп, во една од јужните падини на планината Бабуна и од левата страна на регионалниот пат Прилеп-Кавадарци. Расположено е на надморска височина од 900 метри и од градот Прилеп е оддалечено 25 километри.

Според статистиката на Васил К’нчов („Македонија, Етнографија и статистика“) од 1900 година, во Топлица живееле 420 жители, сите Македонци. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 384 Македонци, под врховенството на Бугарската егзархија, додека според пописот во 2002 година во селото живеат само 5 жители, Македонци.

На Етнографската карта на Битолскиот Вилает од 1901 г. Топлица се води како чисто македонско село во Прилепската каза на Битолскиот санџак со 65 куќи.^[2]

Според германска карта издадена во 1941 година, а заснована на пописот на Кралството Југославија од 1931 година, селото имало 300 Македонци.^[3]

Според последниот попис од 2021 година, во селото Топлица немало жители.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[4]; за 1905 г.: La Macédoine et sa Population Chrétienne.^[5]; за 1948-2002 г.: Државен завод за статистика на РМ.^[6]; за 2021 г.: Државен завод за статистика на РМ.^[7]

Топлица е македонско село.

Според истражувањата од 1920-тите, родови во селото се:

• Староседелци: Стојановци (23 к.) и Војчевци (9 к.)
• Доселеници: Навртковци (10 к.) доселени се во средината на XVIII век од селото Магарево кај Битола; Мијаковци (8 к.) доселени се на крајот од XVIII век од некое село во мијачкиот крај; Кишковци (1 к.) доселени се во 1867 година од селото Ракле; Вакановци (1 к.) доселени се во 1895 година од селото Кокре во Мариово.^[8]

Селото е опфатено во избирачкото место бр. 1426 според Државната изборна комисија, сместени во просториите на приватна куќа на селото Тројаци.^[9]

На претседателските избори во 2019 година, на ова избирачко место биле запишани вкупно 6 гласачи.^[10]

Цркви

• Црква „Св. Никола“ од 1860 г.

Археолошки наоѓалишта^[11]

• Градиште — осамен наод од римско време
• Грамаѓе — населба од римско време
• Дукова Вода — населба од римско време
• Канда — осамен наод од римско време
• Река — населба од римско време
• Селиште — црква и некропола од непознат период
• Црква Св. Никола — осамени наоди од римско време
• Чардак — населба од римско време

Родени во Топлица

• Мијо Темелков Богдановски — македонски револуционер од ВМОРО.^[12]
• Илија Јовановски (1920-1944) — македонски партизан, борец за слобода на Македонија и учесник во НОВ
• Пеша Јованоска Димоска (1915-) — учесник во НОВ на Македонија.

Од 1900 до 1912 година од ова село се иселиле на следните места. Прилеп (12 семејства), Крагуевац, Русе, Романија и САД.^[8]

• Топлица (Прилепско) на Ризницата

Оваа статија за место во Македонија е никулец. Можете да помогнете со тоа што ќе ја проширите. п р у

п р у Населени места во Општина Прилеп Алинци Беловодица Беровци Бешиште Бонче Вепрчани Веселчани Витолиште Волково Галичани Голем Радобил Големо Коњари Дабница Дрен Дуње Ерековци Загорани Кадино Село Кален Канатларци Клепач Крушевица Леништа Лопатица Мажучиште Мало Коњари Мало Рувци Манастир Марул Никодин Ново Лагово Ореовец Пештани Плетвар Подмол Полчиште Прилеп Прилепец Присад Ракле Селце Старо Лагово Тополчани Тројаци Тројкрсти Чаниште Чепигово Чумово Шелеверци Штавица Раселени Врпско Гуѓаково Живово Кокре Крстец Мал Радобил Смолани Топлица Царевиќ Историски Заград Клекоперци Мелница Пештерица Писокал