ஆதம்பூர் வானூர்தி நிலையம்

ஆதம்பூர் வானூர்தி நிலையம்
ஆதம்பூர் வானூர்தி நிலையம்
	ஐஏடிஏ: AIP; ஐசிஏஓ: VIAX;
சுருக்கமான விபரம்
வானூர்தி நிலைய வகை	இந்திய வான்படை/பொது
உரிமையாளர்	இந்திய விமானப் போக்குவரத்து அமைச்சகம்
இயக்குனர்	இந்திய வானூர்தி நிலையங்கள் ஆணையம், இந்திய வான்படை
சேவை புரிவது	ஜலந்தர், ஹோஷியார்பூர்
அமைவிடம்	ஆதம்பூர், ஜலந்தர் மாவட்டம், பஞ்சாப், இந்தியா
உயரம் AMSL	776 அடி ft / 236 மீட்டர் m
ஆள்கூறுகள்	31°25′59″N 075°45′38″E / 31.43306°N 75.76056°E
இணையத்தளம்	Adampur Airport
நிலப்படம்
	AIP இந்தியாவின் பஞ்சாப் மாநிலத்தில் ஆதம்பூர் வானூர்தி நிலையத்தின் அமைவிடம் AIP AIP (இந்தியா)
ஓடுபாதைகள்
புள்ளிவிவரங்கள் (ஏப்ரல்2024 - மார்ச் 2025)
பயணிகள்	35,220 ( 194%)
இந்திய வான்படை இயக்கங்கள்	772 ( 192.8%)
சரக்கு போக்குவரத்து	—
	ஆதாரம்: AAI

ஆதம்பூர் வானூர்தி நிலையம் (Adampur Airport) (நிலையக் குறியீடு|AIP & VIAX) உள்நாட்டு பயணிகள் வானூர்தி நிலையமாகவும், இந்திய வான்படையின் தளமாகவும் செயல்படுகிறது. இது இந்தியாவின் பஞ்சாப் மாநிலத்தின் ஜலந்தர் மாவட்டத்தில் உள்ள ஆதம்பூர் நகரத்திலிருந்து 7 கிலோமீட்டர் தொலைவிலும்; ஜலந்தர் நகரத்திலிருந்து 28 கிலோமீட்டர் தொலைவிலும்; ஹோஷியார்பூர் நகரத்திலிருந்து 27 கிலோமீட்டர் தொலைவிலும் உள்ளது. ஜலந்தர்-ஹோசியார்பூர் நகரங்களுக்கு இடையே அமைந்த ஆதம்பூர் வானூர்தி நிலையம் வழியாக தேசிய நெடுஞ்சாலை எண் 3 செல்கிறது.

வரலாறு

இந்திய வான்படை தளமாக1950ஆம் ஆண்டில் ஆதம்பூர் வான்படை நிலையம் நிறுவப்பட்டது. இந்தியா-பாகிஸ்தான் போர், 1965, 1971 இந்தியா-பாக்கிஸ்தான் போர், 1999 கார்கில் போர் மற்றும் 2025 சிந்தூர் நடவடிக்கையின் போது ஆதம்பூர் வான்படை தளம் முக்கியப் பங்கு வகித்தது. மேலும் இது உள்நாட்டுஉள்நாட்டு பயணிகள் வானூர்தி நிலையமாகவும் பயன்பாட்டிற்கு வந்தது.

கட்டமைப்பு

இந்திய வானூர்தி நிலையங்கள் ஆணையம் ரூபாய் 18 கோடி செலவில் ஆதம்பூர் வான்படை தளத்தின்^[4]^[5]^[6]^[7] ஒரு பகுதியில் உள்நாட்டுப் பயணிகளுக்கான முனையம் நிறுவியது.^[8]ஆதம்பூர் வானூர்தி நிலையத்திலிருந்து 1 மே 2018 முதல் ஸ்பைஸ் ஜெட் நிறுவனம் பயணிகள் வானூர்திகளை இயக்கத் தொடங்கியது. ஆதம்பூர் வானூர்தி நிலையத்தில் இரண்டாவது புதிய பயணிகள் முனையத்தை 42 ஏக்கர் பரப்பில் நிறுவ அனுமதிக்கப்பட்டுள்ளது.

ஆதம்பூர் வான்படை தளம்

இந்திய வான்படைக்கு சொந்தமான ஆதம்பூர் வான்படை தளம், இந்தியாவின் இரண்டாவது பெரிய வான்படை தளமாகும். இது இந்திய-பாகிஸ்தான் எல்லையிலிருந்து 100 கிலோமீட்டர் தொலைவில் உள்ளது. ஆதம்பூரில் வான்படை தளத்தில் இந்திய வான்படையின் 47 மற்றும் 223வது ஸ்வாட்ரான் போர் விமானங்கள் உள்ளது. இவ்வான்படை தளத்தில் மிக்-29, மிக்-21 மற்றும் மிராஜ் 2000 வகைப் போர் விமானங்களைக் கொண்டுள்ளது.

உள்நாட்டு போக்குவரத்து

2019ஆம் ஆண்டு இறுதி வரை ஸ்பைஸ் ஜெட் நிறுவனம் ஆதம்பூர் வானூர்தி நிலையத்திலிருந்து நாள்தோறும் மற்றும் வாரந்திர அடிப்படையில் தில்லி, மும்பை மற்றும் ஜெய்ப்பூருக்கு பயணிகள் வானூர்திகளை இயக்கியது. பின்னர் சூலை 2023 முதல் வட்டார இணைப்புத் திட்டம் - உடான் திட்டத்தின் கீழ் ஸ்பைஸ் ஜெட் விமான நிறுவனம் காசியாபாத், பெங்களூர், நாந்தெட், கொல்கத்தா மற்றும் கோவா நகரங்களுக்கு வானூர்திகளை இயக்கியது. 31 மார்ச் 2024 முதல் மற்றும் ஸ்டார் ஏர் நிறுவனம் பெங்களூர், காசியாபாத் மற்றும் நாந்தேட் நகரங்களுக்கு பயணியர் வானூர்திகளை இயக்கியது.^[9]