கடப்பா வானூர்தி நிலையம்

கடப்பா வானூர்தி நிலையம்
Kadapa Airport
கடப்பா வானூர்தி நிலையம் ; Kadapa Airport
	ஐஏடிஏ: CDP; ஐசிஏஓ: VOCP;
சுருக்கமான விபரம்
வானூர்தி நிலைய வகை	பொது
உரிமையாளர்	இந்திய வானூர்தி நிலையங்கள் ஆணையம்
இயக்குனர்	இந்திய வானூர்தி நிலையங்கள் ஆணையம்
சேவை புரிவது	கடப்பா
அமைவிடம்	கடப்பா, ஆந்திரப் பிரதேசம், இந்தியா
உயரம் AMSL	430 ft / 131 m
ஆள்கூறுகள்	14°30′36″N 078°46′22″E / 14.51000°N 78.77278°E
இணையத்தளம்	www.aai.aero/allAirports/cuddapah.jsp
நிலப்படம்
	CDP CDP
ஓடுபாதைகள்
புள்ளிவிவரங்கள் (ஏப்ரல் 2019 - சனவர் 2020)
பயணிகள் போக்குவரவு	91,395(▼-4.2%)
விமான போக்குவரவு	1,766 (▼-4.3%)
	மூலம்: இந்திய வானூர்தி நிலையங்கள் ஆணையம்

கடப்பா வானூர்தி நிலையம் (Kadapa Airport)(ஐஏடிஏ: CDP, ஐசிஏஓ: VOCP) என்பது உள்நாட்டு வானூர்தி நிலையம் ஆகும். இது ஆந்திரப் பிரதேசம் மேற்கு கடப்பா பகுதியில் 12 கி.மீ. (7.5 மைல்) தொலைவில் அமைந்துள்ளது. இந்த விமான நிலையம் 669.5 ஏக்கர்கள் (270.9 ha) பரப்பில் ரூ. 42 கோடி.செலவில் மேம்படுத்தப்பட்ட விமான நிலையமாகும். இதை இந்திய பொது விமான போக்குவரத்து அமைச்சர் அசோக் கஜபதி ராஜு 7 ஜூன் 2015 அன்று திறந்து வைத்தார்.^[7] விமான நிலைய முனையக் கட்டிடம் ஒரு நேரத்தில் 100 பயணிகளைக் கையாளும் திறனைக் கொண்டுள்ளது. மேலும் ஏப்ரனில் இரண்டு ஏடிஆர் -72 வகை விமானங்களுக்கு இடமளிக்க முடியும்.^[8]

வரலாறு

விமான நிலையம் 1953இல் கட்டப்பட்டது. அப்பொழுது 3,500 அடி (1,067 m) ஓடுபாதை இருந்தது. 1980களில், வாயுதூட் ஐதராபாத்திலிருந்து கடப்பாவுக்குச் சேவைகளை இயக்கியது. ஏடிஆர் -42 மற்றும் ஏடிஆர் -72 வகை விமானங்களைக் கையாள கடப்பா மற்றும் வாரங்கலில் தற்போதுள்ள விமான நிலையங்களை அபிவிருத்தி செய்வதற்காக மாநில அரசாங்கமும் இந்திய வானூர்தி நிலையங்கள் ஆணையம் (ஏஏஐ) மார்ச் 2007இல் புரிந்துணர்வு ஒப்பந்தத்தில் கையெழுத்திட்டன.^[9]

2009இல், ஒரு புதிய 6,562 அடி × 150 அடி (2,000 m × 46 m) ஓடுபாதை கட்டுதல், இயக்குதல், மாற்றுதல் திட்ட அடிப்படையில் ரூ. 21 கோடிக்கும் மேலும், 11 கி.மீ நீளமுள்ள சுற்றுச்சுவர் ரூ. 24 கோடிக்கும் கட்டப்பட்டன. இரண்டாம் கட்டமாக, விமானப் போக்குவரத்துக் கட்டுப்பாட்டுக் கட்டிடம், பயணிகள் முனையம், வாகன நிறுத்துமிடம் மற்றும் உள் சாலைகள் ரூ 13 கோடியிலும் மற்ற வசதிகள் ரூ .8 கோடியிலும் உருவாக்கப்பட்டுள்ளன.^[10]

ஏர் பெகாசஸ் வாரந்தோறும் மூன்று முறை ஏடிஆர் 72 சேவையைப் பெங்களூருக்கு அறிமுகப்படுத்தியபோது விமான நிலையத்திற்குத் திட்டமிடப்பட்ட வணிக விமானங்கள் 7 ஜூன் 2015 முதல் மீண்டும் இயங்கத் தொடங்கின.^[7] இருப்பினும், பயணிகள் வருகை குறைவாக இருந்ததால் விமானடச் சேவை விரைவில் ரத்து செய்யப்பட்டன.^[11] ஏப்ரல் 2016 இல், ட்ரூஜெட் ஹைதராபாத்திற்கு விமானங்களை அறிமுகப்படுத்தியது. பின்னர் சில மாதங்களுக்குப் பிறகு ரத்து செய்யப்பட்டன.^[12]

பிராந்திய விமான இணைப்பை அதிகரிக்க வட்டார இணைப்புத் திட்டம்-உதான் (உதே தேஷ் கா ஆம் நாக்ரிக்)இன் கீழ் தேர்ந்தெடுக்கப்பட்ட 70 விமான நிலையங்களில் கடப்பா விமான நிலையமும் ஒன்றாகும். மார்ச் 2017இல், ட்ரூஜெட் செப்டம்பர் 2017இல் ஐதராபாத்திற்கும், நவம்பர் 2017இல் சென்னை வழியாக மைசூருக்கும், மார்ச் 2018இல் விஜயவாடாவிற்கும் தினசரி விமானங்களை அறிமுகப்படுத்தியது.^[13]