கொருக்குப்பேட்டை[1] (ஆங்கிலம்: Korukkupet) என்பது சென்னையின் வடக்குப் பகுதியில் உள்ள ஒரு பகுதி. இப்பகுதி கொருக்குப்பேட்டை தொடருந்து நிலையம் மூலம் தொடருந்து சேவை பெறுகிறது.[2][3]
2010ஆம் ஆண்டில், கொக்ரைன் பேசின் சாலை சமமட்டக் கடவுமேம்பாலம் கட்டப்பட்டது. இதனால் இப்பகுதியில் போக்குவரத்து நெரிசல் குறைந்தது. இருப்பினும் இப்பாலம் தாமதமாகவே கட்டப்பட்டது.[4] கொருக்குப்பேட்டையில், கொருக்குப்பேட்டை தொடருந்து நிலையம் அருகே இரயில்வே மேம்பாலம் கட்டப்பட உள்ளதால், மணலி சாலையில், கனரக வாகனங்கள், பேருந்துகள், நான்கு சக்கர வாகனங்கள், மூன்று சக்கர வாகனங்கள் மற்றும் இரு சக்கர வாகனங்கள் ஆகியவை இரயில்வே கிராஸிங் நோக்கிச் செல்ல, 2023ஆம் ஆண்டு சனவரி மாதம் இறுதி வாரம் முதல் 2025ஆம் ஆண்டு வரை சுமார் இரண்டு வருடங்கள் தடை செய்யப்பட்டுள்ளன.[5]
