திருமாந்துறை அட்சயநாதசுவாமி கோயில்

திருமாந்துறை அட்சயநாதசுவாமி கோயில் தமிழ்நாட்டில் தஞ்சாவூர் மாவட்டம், திருமாந்துறை என்னும் ஊரில் அமைந்துள்ள சிவன் கோயிலாகும்.^[1] இது ஒரு தேவார வைப்புத்தலமாகும்.^[2]

இக்கோயில் பன்னிரண்டாம் நூற்றாண்டைச் சேர்ந்தது.^{[சான்று தேவை]}

தமிழ்நாட்டில் மாந்துறை என்ற பெயரில் இரண்டு சிவன் கோயில்கள் உள்ளன. அவை வடகரை மாந்துறை, தென்கரை மாந்துறை என்று அழைக்கப்படுகின்றன.வடகரை மாந்துறை, திருச்சியில் இருந்து லால்குடி செல்லும் வழியிலுள்ள பாடல் பெற்ற காவிரி வடகரை தலங்களில் 58ஆவது தலமாகும். தென்கரை மாந்துறை, கும்பகோணம்-மயிலாடுதுறை சாலையில் ஆடுதுறையிலிருந்து திருப்பனந்தாள் செல்லும் வழியில் சூரியனார்கோயிலுக்கு அருகில் உள்ள ஒரு தேவார வைப்புத் தலமாகும்.^[3] இது தென்கரை மாந்துறையில் உள்ள சிவன் கோயில் ஆகும்.

இக்கோயிலில் அட்சயநாதசுவாமி, யோகநாயகி அம்பாள் சன்னதிகளும், விநாயகர், சுப்ரமணியர், மகாலெட்சுமி, மகாவிஷ்ணு, நால்வர், அரதத்தர், மாரியம்மன் உபசன்னதிகளும் உள்ளன. இங்குக் கோயில் குளம் உள்ளது. இக்கோயிலில் மூன்று நிலை கொண்ட ராஜகோபுரம் உள்ளது. இக்கோயில் திருவாவடுதுறை ஆதினத்தின் கட்டுப்பாட்டில் உள்ளது.^[4]

இக்கோயிலில் காரணாகம முறைப்படி இரண்டு காலப் பூசைகள் நடக்கின்றன. வைகாசி மாதம் வைகாசி விசாக திருவிழா முக்கிய திருவிழாவாக நடைபெறுகிறது.

த. இ. க. வெளியிட்ட திருக்கோயில் தரவுத் தொகுதியின் அடிப்படையில் இக்கட்டுரையை உருவாக்கியுள்ளோம். திட்டப் பக்கம் காண்க.