Купалаўская (станцыя метро, Мінск)

«Купалаўская» руск.: Купаловская
Аўтазаводская лінія (Мінск)
Мінскі метрапалітэн
Дата адкрыцця	31 снежня 1990
Праектная назва	імя Янкі Купалы
Раён	Цэнтральны
Тып	аднаскляпеністая дробнага залажэння
Колькасць платформаў	1
Тып платформы	астраўная
Форма платформы	прамая
Архітэктары	Яўстафій Яўстаф’евіч Леановіч
Мастакі	Валерый Цімафеевіч Даўгала
Выхад да вуліц	праспект Незалежнасці, вуліца Энгельса, вуліца Карла Маркса
Пераходы на станцыі	Кастрычніцкая
Наземны транспарт	А 100, 115э Т: 22
Код станцыі	216
Суседнія станцыі	Няміга і Першамайская
Медыяфайлы на Вікісховішчы

Аўтазаводская лінія
умоўныя абазначэнні
Красны Бор Каменная горка Кунцаўшчына Спартыўная Пушкінская Маладзёжная Фрунзенская Няміга Купалаўская Першамайская Пралетарская Трактарны завод Партызанская Аўтазаводская Магілёўская ЦЧ-2 «Магілёўскае» Шабаны

Купалаўская (трансліт.: Kupalaŭskaja) — станцыя Мінскага метрапалітэна. Размешчана на Аўтазаводской лініі паміж станцыямі «Першамайская» і «Няміга». Адкрыта 31 снежня 1990 года ў складзе першага ўчастку Аўтазаводской лініі «Фрунзенская» — «Трактарны завод» (без «Першамайскай»). Звязана перасадкай са станцыяй «Кастрычніцкай» Маскоўскай лініі. З’яўляецца самай малалюднай станіцай Мінскага метрапалітэна: пасажырапаток тут у суткі складае каля 6 тысяч чалавек^[1] (даныя за 2016 год)^[2]. Названа ў гонар народнага беларускага паэта і пісьменніка Янкі Купалы, а таксама тэатра імя Янкі Купалы, які знаходзіцца побач.

Станцыя метро «Купалаўская» — аднаскляпеністая, дробнага залажэння, мае два ўваходныя вестыбюлі. Станцыя злучаецца з «Кастрычніцкай» Маскоўскай лініі праз агульны вестыбюль і пераход, які злучае цэнтры платформаў^[3].

«Купалаўская» і тунэлі Аўтазаводской лініі пабудаваны на меншай глыбіні, чым «Кастрычніцкая», і скляпенні станцыі аддзелены ад паверхні вуліцы Энгельса адлегласцю менш за метр.

Тэма матываў паэзіі Янкі Купалы натхніла архітэктара Я. Леановіча і мастака В. Даўгалу, таму інтэр’ер так і перапоўнены гэтым сугуччам. Вядучая тэма задала тон усёй мастацкай кампазіцыі. Чыстыя белыя скляпенні асветлены схаванымі крыніцамі асвятлення. Рэльеф стылізаванага арнаменту складае яркі кантраст з керамікай, якой абліцаваны пуцявыя сцены. Каляровая палітра тут — цёплыя зеленавата-залацістыя адценні і цёмна-шэры, амаль зямлісты колер, якім выкладзены цокаль сцен і падлога пасадачнага перона. Дапаўняюць агульную кампазіцыю тарцавыя сцены, выкананыя з празрыстага падсветленага знутры каляровага мастацкага шкла. Усё разам стварае цэласны вобраз утульнасці і мяккіх беларускіх напеваў^[4].

Агульны з «Кастрычніцкай» выхад размешчаны на праспекце Незалежнасці і вядзе да Кастрычніцкай плошчы, Палацаў Рэспублікі і культуры прафсаюзаў, універмага ГУМ і ўніверсама «Цэнтральны».

Другі выхад, паўднёвы, размешчаны ў падземным пераходзе пад скрыжаваннем вуліц Карла Маркса і Энгельса і вядзе да тэатра імя Янкі Купалы, Аляксандраўскага сквера і будынка Адміністрацыі Прэзідэнта Рэспублікі Беларусь.

Выхад са станцыі з бок тэатра імя Янкі Купалы працуе з 7:00-21:00. У іншы час уваход ажыццяўляецца праз вестыбюль станцыі метро «Кастрычніцкая».

• 
• 
• 
  Пуцявая сцяна
• 
  Назва на пуцявой сцяне
• 
  Паказальнік маршруту старога ўзору
• 
  Дэталі афармлення
• 
• 
  Інфармацыйная калона
• 
  Выхад у горад

• На Вікісховішчы ёсць медыяфайлы па тэме Купалаўская (станцыя метро, Мінск)