Владимир Костов

Владимир Костов
Владимир Костов
Роден/а	22 септември 1932 Битола, Македонија
Починат/а	3 јануари 2023 (возраст: 90) Битола, Македонија
Занимање	Писател
Националност	Македонец
Апсолвент на	Филозофски факултет - Скопје

Владимир Костов (Битола, 22 септември 1932 — Битола, 3 јануари 2023) — писател на кратка проза и романи, писател за деца и млади.

Владимир Костов е роден во Битола на 22 септември 1932 година. Основното и средното (гимназија) образование ги завршил во родниот град и во 1951 година се запишал на Филозофскиот факултет, група Југословенска книжевност, на “Универзитетот „Св. Кирил и Методиј“ во Скопје. Во 1955 година дипломирал по што се вработил во Радио-драмата на Радио Скопје.^[1]

Во 1956 година се враќа во родниот град и почнува да работи како професор по македонски јазик во Средното ветеринарно училиште. Во 1964 година бил избран за професор на Педагошката академија во Битола, каде работел сè до своето пензионирање. Во 1957 година, Владимир Костов бил еден од основачите на КУД „Илинден“ и негов долгогодишен уметнички директор. Во 1963 година се појавува и како еден од основачите на литературното списание „Развиток“ каде бил долгогодишен главен и одговорен уредник. Во 1977 година станува член на Друштвото за наука и уметност во Битола, во 1983 година член на Друштвото на писателите на Македонија, a од 1988 година член е и на Асоцијацијата на независните писатели на Македонија.

Во 2016 година избран е за почесен член на Македонската академија на науките и уметностите.^[2]

Починал на 3 јануари 2023 година во Битола.^[3][4]

Творештвото на Владимир Костов е големо по обем и разновидност.

Се занимавал со истражување и проучување од областа на јазикот, литературата и писателската дејност. Објавил поголем број трудови од оваа област, меѓу кои се:

• „Отстапување на битолскиот говор и неговиот стил“,
• „Поетскиот јазик на К. Рацин“,
• „Зборникот на Миладиновци и Рациновите „Бели мугри“,
• „Личните заменки во битолскиот градски говор“.

Неговите први книжевни творби датираат од неговите гимназиски денови, а прва објавена книга му била романот „Лица со маски“ (1967). Неговото творештво е обемно, има објавено 18 романи, 10 збирки новели и раскази и 8 книги за деца и млади. Објавил и 2 драми. Пишува и проза за млади. Неговите дела амбиентално и тематски се поврзани со настани од историјата и современиот живот на Битола.

Неговото творештво е застапено во програмата по македонски јазик за средните училишта, како и во повеќе антологии и едиции како:

• Во антологијата на македонскиот роман е застапен со романот „Нов ум“,
• Во едицијата „10 најчитани романи“ со романот „Свадбата на Мара“,
• Во едицијата „Бисери“ повторно со „Свадбата на Мара“.

Повеќе негови дела се драматизирани:

• Свадбата на Мара (1977), изведба на Народниот театар од Битола. Претставата успешно е одиграна на повеќе сцени во Македонија и Југославија како, Сараево, Стериино позорје во Нови Сад, Дубровнички летни игри, и др.
• Грешниот Захарија“ (1986), ), изведба на Народниот театар од Битола, во режија на Љубиша Георгиевски. Претставата исто така е одиграна на Фестивалот за мали и експериментални сцени во Сараево.
• Црквичето Четириесет маченици во Битола“ (2001), изведба на Народниот театар од Битола.^[5]

• Лица со маски (роман, 1967)
• Свадбата на Мара (роман, 1968)
• Нов ум (роман, 1970)
• Учителот (роман, 1976)
• Црквичето Четириесет маченици во Битола (роман, 1984)
• Вујко (роман, 1984)
• Клетва (роман, 1989)
• Последното целивание (роман, 1992)
• Грешка (краток роман, 1992)
• Битолски триод (роман, 1994)
• Сениште во град Битола (роман, 1994)
• Битолска хроника - обителска трагедија (два кратки романи, 1998)
• Тане (роман, 2000)
• Писание за Страшниот суд (роман, 2011), Матица македонска
• Дива мисла (роман, 2014), издание на Матица македонска

• Игра (кратки раскази, 1969)
• Ах, бре (кратки раскази, 1970)
• Шумата ечеше (сказна, 1982)
• Грешниот Захарие (новели, 1986)
• Тестамент (кратки раскази за млади)
• Чума (новели, 1989)
• Келешот (новели)
• Маргарит (кратки раскази, 1996)
• Строгата школа на животот (кратки раскази за деца и младинци, 1998)
• Хераклејски мозаик (збирка од 201 расказ, 2003)
• Битолијада (2006)
• Скршена чаша (раскази, 2007)
• Лингва латина (раскази, 2010, Матица македонска)
• Даровна (раскази, 2012, Матица македонска)
• Патар (раскази, 2020, Матица македонска)

• Каде си тргнал, сине (роман за млади, 1982)
• Тој ми кажа (роман за млади, 1992)
• Солза за Мите (роман за млади, 1997)
• Еврејчето Шами (проза за деца и младинци, 2007)
• Скршена чаша (раскази, 2007)

• „4 Ноември“ на градот Битола
• „11 Октомври“
• „1 Мај“
• „Рациново признание“
• „Ванчо Николески“

• Владимир Костов на мрежната страница на Друштвото на писателите на Македонија Архивирано на 27 септември 2007 г.
• Владимир Костов на мрежната страница на МАНУ Архивирано на 20 јануари 2020 г.

п р у Академици на Македонската академија на науките и уметностите Редовни членови Абази Бајрам Беџети Битракова - Грозданова Грчев А. Димовски Д. Димовски Ѓоргиев Јовановски Камбовски Кедев Коцарев В. Матевски Марковиќ Маџунков Митевски Б. Павловски Петрески Поп-Атанасов Поп-Јорданов Поп-Јорданова Попов (претседател) В. Серафимовски Ташковски Тополињска Ќулавкова Урошевиќ Фити Дописни членови Андоновски Боев Зеќири Лаброска Макаријоска Мирчески Плашеска-Каранфилска Хаџи-Велков Цветковски Членови надвор од работниот состав Абу Адижес Алиу Антуновиќ Бадентер Бреда Вајсман Василевски Вендина Вроцлавски Гантар Геген Глигоров Дика Дворк Доровски Ѓуровиќ Ефремов Ивановиќ Ихсаноглу Јон Јоноска Калоѓера Клинкман Костиќ Коц Крамариќ Крамер Курц Левчев Мејдани Миниси Морен Мурад Наумов Ока Онишченко Ортајли Перовиќ Пјанка Ракиќ Росоклија Росос Соколовски Сривастава Суботиќ Теодореску Унгер Урдин Фридман Хермансон Цихун Чарни И. Чашуле Џероски Шешкен Шлаус Почесни членови Калеши Починати членови Аврамовски Алексова Андреевски Андреевски Апостолов Апостолски Арсов Бабиќ Батовски Бернштејн Богоев Босанац Бошевски Бошковиќ Брозовиќ Бромлеј Вајан Васков Видмар Видоески Вузевски Гарашанин Георгиевски Глигориќ Голомб Гошрон Грабулоски Грозданов Давчев Де Бреј Дејанов Димитров Ѓузел Ѓурѓев Ѓурчинов Ем Евремов З’мбов Јанев Каневче Кардељ Катарџиев Конески Константиновски Костов Коцо Лапе Мартиноски М. Матевски Матковски Митриќески Митриновиќ Р. Павловски Патон Поленаковиќ Поленаковиќ Поповски Ристовски Серафимов Т. Серафимовски Сотировски Старделов Старова Стефановски Стругар Танге Таџер Тито Тодоровски Толстој Узунов Филиповски Хаџи Христов К. Чашуле Чемерски Шопов Шоптрајанов