சக்காரான் டன்டாய்

சக்காரான் டன்டாய்
Sakaran Dandai
ساکران محمد هاشم دانداي
மாண்புமிகு துவான் ; துன்; டத்தோ ஸ்ரீ பாங்லிமா சக்காரான் டன்டாய் ; Sakaran Dandai ; ساکران محمد هاشم دانداي SMN; PSM; SPDK; SSAP; DUNM; DP; PGDK; PSLJ; ADK JP
8-ஆவது சபா ஆளுநர்
	பதவியில்; 1 சனவரி1995 – 31 திசம்பர் 2002
8-ஆவது சபா முதலமைச்சர்
	பதவியில்; 17 மார்ச் 1994 – 27 திசம்பர் 1994
ஆளுநர்	சபா முதலமைச்சர்
முன்னையவர்	ஜோசப் பைரின் கித்திங்கான்
பின்னவர்	சாலே சாயிட் கெருவாக்
செம்பூர்ணா மக்களவைத் தொகுதி
	பதவியில்; 3 ஆகஸ்டு 1986 – 25 ஏப்ரல் 1995
முன்னையவர்	புதிய தொகுதி
பின்னவர்	சாபி அப்டால்
சுலாபாயான் சட்டமன்றத் தொகுதி
	பதவியில்; 1985–1994
செம்பூர்ணா சட்டமன்றத் தொகுதி
	பதவியில்; 1967–1985
தனிப்பட்ட விவரங்கள்
பிறப்பு	Sakaran Mohd Hashim bin Dandai; 15 ஏப்ரல் 1930; கம்போங் ஆயர், செம்பூர்ணா,; பிரித்தானிய வடக்கு போர்னியோ
இறப்பு	30 ஆகத்து 2021 (அகவை 91); கோத்தா கினபாலு, சபா, மலேசியா
இளைப்பாறுமிடம்	சபா மாநிலக் கல்லறை, கோத்தா கினபாலு,
அரசியல் கட்சி	ஐக்கிய சபா தேசிய அமைப்பு (USNO); அம்னோ (UMNO)
பிற அரசியல்; தொடர்புகள்	ஐக்கிய சபா தேசிய அமைப்பு (BN); பெரிக்காத்தான் நேசனல் (PN); முவாகாட் நேசனல் (MN)
துணைவர்(கள்)	அலிமா ; சித்தி ருக்காயா அப்துல்லா
பெற்றோர்	டன்டாய் அஜிபுடின் (தந்தை);
உறவினர்	சாபி அப்டால்

துன் சக்காரான் டன்டாய் (ஆங்கிலம்; Sakaran Dandai; மலாய்: Tun Datuk Seri Panglima Haji Sakaran bin Dandai) (பிறப்பு: 15 ஏப்ரல் 1930; இறப்பு: 30 ஆகஸ்டு 2021) என்பவர் ஒரு மலேசிய அரசியல்வாதி; மார்ச் 1994 முதல் 26 திசம்பர் 1994 வரை, மலேசியா, சபா மாநிலத்தின் 8-ஆவது முதலமைச்சராகவும்; 1995 முதல் 2002 வரை சபாவின் 8-ஆவது ஆளுநராகவும்; ஆகஸ்டு 1986 முதல் ஏப்ரல் 1995 வரை மலேசியா, சபா, செம்பூர்ணா மக்களவைத் தொகுதியின் உறுப்பினராகவும் பணியாற்றியவர் ஆவார்.^[1]

1990-இல், இவர் மலேசியப் பிரதமர் மகாதீர் முகமது அவர்களால் சபாவின் நிலங்கள் மற்றும் கூட்டுறவு மேம்பாட்டு அமைச்சராக நியமிக்கப்பட்டார்.

பொது

சக்காரான் டன்டாய், 1937-1941-ஆம் ஆண்டுகளில் செம்பூர்ணா தொடக்கப் பள்ளியில் பயின்றார். பிரித்தானிய போர்னியோவில் சப்பானிய ஆக்கிரமிப்பின் போது, அவர் சில முறை சப்பானுக்கு பயணம் செய்தார். அவர் செம்பூர்ணா நகருக்குத் திரும்பியதும், சபா அரசுப் பள்ளியில் பயின்றார். மேலும், அவர் 1945-1948 வரை சமயக் கல்வி படித்தார்.

1949-1967 வரை, அவர் செம்பூர்ணா மற்றும் லகாட் டத்துவில் சபா மாநில அரசாங்கத் துறையில் சேவை செய்தார்.

அரசியல் வாழ்க்கை

சக்காரான் டன்டாய் 1980-களில் நிறுவப்பட்ட சபா அம்னோவின் தலைவரானார். 1990-இல் ஜோசப் பைரின் கித்திங்கான் தலைமையிலான ஐக்கிய சபா கட்சியின் (PBS) (1976–1984) சபா மாநில அரசாங்கம் தோல்வியடைந்த பிறகு அம்னோ உருவாக்கப்பட்டது.

1994-ஆம் ஆண்டு சபா மாநிலத் தேர்தலில், ஜோசப் பைரின் கித்திங்கான் தோற்கடிக்கப்பட்டதும், சக்காரான் டன்டாய் மார்ச் 1994-இல் சபாவின் 8-ஆவது முதலமைச்சராக நியமிக்கப்பட்டார்.

மகாதீர் முகமது

1994 திசம்பர் 26-இல், முதலமைச்சர் பதவி சாலே சாயிட் கெருவாக்கிடம் ஒப்படைக்கப்பட்டது. அப்போதைய மலேசியப் பிரதமர் மகாதீர் முகமது, தம்முடைய சபா மாநிலத் தேர்தல் பரப்புரையை வெற்றியடையச் செய்வதற்காகவும்; சபா மாநில அரசியல் கொந்தளிப்பைத் தீர்ப்பதற்காகவும்; சபா முதலமைச்சர் பதவியை சுழற்சி முறையில் கொண்டு வருவதற்கு முயற்சிகளை மேற்கொண்டார்.

அதன் விளைவாக முசுலிம் பூமிபுத்ரா, சீனர் மற்றும் முசுலிம் அல்லாத பூமிபுத்ரா; ஆகிய மூன்று முக்கிய இனங்களின் தலைவர்கள் ஒவ்வொருவரும், இரண்டு ஆண்டு காலத்திற்கு சபா முதலமைச்சர் பதவிக்குத் தலைமை தாங்கினர்.

சக்காரான் டன்டாய், சாலே சாயிட் கெருவாக், யோங் தெக் லீ, பெர்னார்ட் கிலுக் தும்போக், ஒசு சுக்காம், சோங் கா கியாட் மற்றும் மூசா அமான் என ஏழு பேர் மாறி மாறி முதல்வர் பதவியை வகித்தனர்.

இறப்பு

2021 ஆகஸ்டு மாதம், சக்காரான் டன்டாய் கோவிட்-19 நோயால் பாதிக்கப்பட்டு, கோத்தா கினபாலுவில் உள்ள கிளெனேகிள்ஸ் மருத்துவமனையின் தீவிர சிகிச்சை பிரிவில் அனுமதிக்கப்பட்டார்.^[2] ஆகஸ்டு 30 அன்று காலை 5:30 மணிக்கு, 91 வயதான சக்காரான் டன்டாய், கோவிட்-19 காரணமாக இறந்தார்.^[3] அவர் கோத்தா கினபாலு, சபா மாநில பள்ளிவாசலுக்கு அருகில் உள்ள வீரர்கள் கல்லறையில் அடக்கம் செய்யப்பட்டார்.^[4]

விருதுகள்

மலேசிய விருதுகள்

மலேசியா :
- - Order of Loyalty to the Crown of Malaysia (PSM) – Tan Sri (1990)^[5]
- - Order of the Defender of the Realm (SMN) – Tun (1996)^[6]

பொதுத்தேர்தல்

**மலேசிய மக்களவை**: P187 செம்பூர்ணா மக்களவைத் தொகுதி, சபா^[7]
ஆண்டு	அரசு		வாக்குகள்	%	எதிரணி		வாக்குகள்	%
மலேசியப் பொதுத் தேர்தல், 1986		சக்காரான் டன்டாய் (அசுனோ)	6,063	51.26%		அப்டில்லா அப்துல் அமீட் (பெர்ஜாயா)	4,116	34.80%
மலேசியப் பொதுத் தேர்தல், 1990		சக்காரான் டன்டாய் (அம்னோ)	10,832	58.85%		அப்டில்லா அப்துல் அமீட் (சுயேச்சை)	7,574	41.15%

மேலும் காண்க

மேற்கோள்கள்

↑ Biodata Tun Datuk Seri Panglima Haji Sakaran bin Dandai
↑ Muguntan Vanar (25 August 2021). "Former Sabah governor Sakaran Dandai recovering from Covid-19". The Star Malaysia. https://www.thestar.com.my/news/nation/2021/08/25/former-sabah-governor-sakaran-dandai-recovering-from-covid-19.
↑ "Tun Sakaran meninggal dunia akibat jangkitan COVID-19". 30 August 2021. https://www.astroawani.com/berita-malaysia/tun-sakaran-meninggal-dunia-akibat-jangkitan-covid19-316769.
↑ "Jenazah Tun Sakaran selamat dikebumikan di Makam Pahlawan Sabah". Bernama. 30 August 2021. Retrieved 30 August 2021.
↑ "SEMAKAN PENERIMA DARJAH KEBESARAN, BINTANG DAN PINGAT". Prime Minister's Department (Malaysia). Retrieved 25 December 2020.
↑ "Senarai Penuh Penerima Darjah Kebesaran, Bintang dan Pingat Persekutuan Tahun 1996" (PDF).
↑ "Keputusan Pilihan Raya Umum Parlimen/Dewan Undangan Negeri". Election Commission of Malaysia. Retrieved 29 May 2018.

வெளி இணைப்புகள்

முன்னர் ஜோசப் பைரின் கித்திங்கான்	சபா முதலமைச்சர் March 1994–June 1994	பின்னர் சாலே சாயிட் கெருவாக்
முன்னர் முகமட் சாயிட் கெருவாக்	சபா ஆளுநர் 1995–2002	பின்னர் அகமட் சா அப்துல்லா