மலேசிய வானூர்தி நிறுவனங்கள்

மலேசிய வானூர்தி நிறுவனங்கள் (ஆங்கிலம்: Airlines of Malaysia; மலாய்: Syarikat Penerbangan di Malaysia) என்பது மலேசியாவில் வானூர்திச் சேவைகளை மேற்கொள்ளும் வானூர்தி நிறுவனங்களாகும்.

மலேசியாவின் வானூர்தி நிறுவனங்களின் வரலாறு 1937-ஆம் ஆண்டில் இருந்து தொடங்குகிறது. சிங்கப்பூர் நீரிணை நீராவிக் கப்பல் நிறுவனம் (Straits Steamship Co. of Singapore); பெருங்கடல் நீராவிக் கப்பல் நிறுவனம் (Ocean Steamship Co); மற்றும் இம்பீரியல் ஏர்வேஸ் (Imperial Airways) ஆகிய மூன்று பிரித்தானிய நிறுவனங்களும் ஒன்றிணைந்து, மலாயாவில் ஒரு வானூர்திச் சேவையைத் தொடங்கின.

வரலாறு

சிங்கப்பூர் அரசாங்கத்தின் அனுமதியைப் பெற்று, மலாயன் ஏர்வேஸ் லிமிடெட் (Malayan Airways Limited) எனும் விமான நிறுவனத்தை 1937 அக்டோபர் 21-ஆம் தேதி பதிவு செய்தன.^[1]

1947-ஆம் ஆண்டு வரை செயல்பாடுகள் தொடங்கவில்லை. ஜப்பானிய ஆக்கிரமிப்பு முடிவுக்கு வந்த பிறகு, கோலாலம்பூரில் உள்ள சுபாங் பன்னாட்டு விமான நிலையத்திலிருந்து இரட்டை எஞ்சின் கொண்ட ஒரு விமானம் முதல்முறையாகப் பறந்தது. அந்த விமானம் சிங்கப்பூர், ஈப்போ மற்றும் நாட்டின் வடக்கே உள்ள பினாங்கு நகரங்களுக்குச் சேவை வழங்கியது.

படிப்படியான வளர்ச்சி

அதே ஆண்டு மேலும் ஒரு விமானம் வங்கப்பட்டு சேவையில் அமர்த்தப்பட்டது. அந்தக் கட்டத்தில் மலாயன் விமானச் சேவை நிறுவனத்திற்கு நான்கு விமானங்கள் இருந்தன.

அவை ஜகார்த்தா, (பட்டேவியா), பலெம்பாங், பாங்காக், மேடான் மற்றும் சைகோன் (ஹோ சி மின் நகரம்) ஆகிய நகரங்களுக்குச் சேவைகள் வழங்கின. அந்த நிறுவனம் படிப்படியாக வளர்ச்சி பெற்று இன்று உலகளாவிய நிலையில் புகழ்பெற்று விளங்குகிறது.^[2]

முதன்மை நிறுவனங்கள்

வானூர்தி நிறுவனம்	ஐஏடிஏ குறியீடு	ஐசிஏஓ குறியீடு	அழைப்பு அடையாளம்	தொடக்கம்
ஏர்ஏசியா	AK	AXM	RED CAP	1996
ஏர் ஏசியா எக்சு	D7	XAX	XANADU	2007
மலேசியா பத்தேக் ஏர்	OD	MXD	MALINDO	2013
பயர்பிளை	FY	FFM	FIREFLY	2007
மலேசியா எயர்லைன்சு	MH	MAS	MALAYSIAN	1972
மாஸ் விங்ஸ்	MY	MWG	MASWINGS	2007
மை ஏர்லைன்	TBA	TBA	TBA	2022
எஸ்கேஎஸ் வானூர்தி நிறுவனம்	KI	SJB	SOUTHERN TIGER	2022

துணை நிறுவனங்கள்

வானூர்தி நிறுவனம்	ஐஏடிஏ குறியீடு	ஐசிஏஓ குறியீடு	அழைப்பு அடையாளம்	தொடக்கம்
பெர்ஜாயா வானூர்தி நிறுவனம்	J8	BVT	BERJAYA	1989
லாயாங் லாயாங் வானூர்தி நிறுவனம்		LAY	LAYANG	1994
எம்எச்எஸ் வானூர்தி நிறுவனம்				1983
சபா ஏர்	SA	SAX	SABAH AIR	1975
வெஸ்ட் ஸ்டார்				2003

சரக்கு சேவை

வானூர்தி நிறுவனம்	ஐஏடிஏ குறியீடு	ஐசிஏஓ குறியீடு	அழைப்பு அடையாளம்	தொடக்கம்
ஆசியா கார்கோ நிறுவனம்	3G	CXM	ASIA CARGO	1996
மாஸ் கார்கோ	MH	MAS	MALAYSIAN	1972
மை ஜெட் எக்ஸ்பிரஸ் வானூர்தி நிறுவனம்	N7	NEP	WARISAN	2009
ராயா வானூர்தி நிறுவனம்	TH	RMY	RAYA EXPRESS	1993