கோங் கெடாக் இராணுவ வானூர்தி நிலையம்

கோங் கெடாக் இராணுவ
வானூர்தி நிலையம்RMAF Gong Kedak
கோங் கெடாக் இராணுவ; வானூர்தி நிலையம்RMAF Gong Kedak
	அரச மலேசிய விமானப் படையின் ; சுகோய் சு-30 ரக விமானம்
	ஐஏடிஏ: இல்லை; ஐசிஏஓ: WMGK RMAF Gong Kedakகோங் கெடாக் இராணுவ; வானூர்தி நிலையம்;
சுருக்கமான விபரம்
வானூர்தி நிலைய வகை	இராணுவம்
உரிமையாளர்	மலேசிய தற்காப்பு துறை அமைச்சு
இயக்குனர்	அரச மலேசிய விமானப் படை
அமைவிடம்	கோங் கெடாக், பாசீர் பூத்தே மாவட்டம், பாசீர் பூத்தே, கிளாந்தான், மலேசியா
நேர வலயம்	மலேசிய நேரம் (ஒ.ச.நே + 08:00)
உயரம் AMSL	20 ft / 6 m
ஆள்கூறுகள்	05°47′56″N 102°29′25″E / 5.79889°N 102.49028°E
ஓடுபாதைகள்
	Sources: Aeronautical Information Publication Malaysia

கோங் கெடாக் இராணுவ வானூர்தி நிலையம் (ஐசிஏஓ: WMGK),(ஆங்கிலம்: RMAF Gong Kedak (RMAF - Royal Malaysian Air Force) மலாய்: TUDM Gong Kedak (TUDM - Tentera Udara Diraja Malaysia); என்பது மலேசியா, கிளாந்தான், பாசீர் பூத்தே மாவட்டம், பாசீர் பூத்தே நகரில் உள்ள அரச மலேசிய விமானப் படையின் இராணுவ வானூர்தி நிலையம் ஆகும்.

செர்த்தே நகரத்தில் இருந்து 10 கி.மீ.; கோலா பெசுட் நகரத்தில் இருந்து 12 கி.மீ.; பாசீர் பூத்தே நகரில் இருந்து 16 கி.மீ. தொலைவில் உள்ளது.

மலேசியாவின் கிளாந்தான் மற்றும் திராங்கானு ஆகிய இரண்டு மாநிலங்களின் எல்லையில் அமைந்துள்ள இந்த வானூர்தி நிலையம் மிகத் தனித்துவமானது. இரு மாநிலங்களையும் அதன் அமைவிடம் பகிர்ந்து கொள்கிறது. இருப்பினும் இதன் அதிகாரப்பூர்வ அமைவிடம் கிளாந்தான் மாநிலம் ஆகும்.

வரலாறு

கோங் கெடாக் இராணுவ வானூர்தி நிலையம், 13 பிப்ரவரி 1998-இல் கிளாந்தான் மாநிலத்தில் (Gong Kedak Air Base, Kelantan) அதிகாரப் பூர்வமாக நிறுவப்பட்டது. நவம்பர் 1998-இல் முழுமையாகச் செயல்படத் தொடங்கியது.^[2]

அதற்கு முன், இரண்டாம் உலகப் போருக்கு முன்பு இருந்தே இங்கு ஒரு விமான ஓடுபாதை இருந்தது. அது பிரித்தானிய விமானப் படையால் (British Air Force) கட்டப்பட்டது. 1960-களின் முற்பகுதியில், இந்த ஓடுபாதை மலேசிய ஆயுதப் படைகளுடன் (Malaysian Armed Forces) பிரித்தானிய விமானப் படையாலும் பயன்படுத்தப்பட்டது.^[3] ^[4]

சுகோய் தொழில்நுட்ப மையம்

1970-களின் முற்பகுதியில் தொடங்கி 1989 வரை, இந்த விமான ஓடுதளம், வான்குடைப் பயிற்சிக்காக (Parachute Training) மட்டுமே மலேசிய ஆயுதப் படையால் பயன்படுத்தப்பட்டது. தேசிய பாதுகாப்பை வலுப்படுத்த, கோங் கெடாக் இராணுவ வானூர்தி நிலையத்தை உருவாக்க அரசாங்கம் முடிவு செய்தது. 1981-இல் நிலத்தைக் கையகப்படுத்தும் பணியை அரசு தொடங்கியது.

இப்போது இந்த நிலையம் பாதுகாப்பு வானூர்திகளின் இல்லம் (Home of the Flankers) என்று அழைக்கப்படுகிறது. இப்போது சுகோய் சு-30 எம்கேஎம் (Sukhoi Su-30MKM) ரகத்தைச் சேர்ந்த 12 விமானங்கள் இங்கு உள்ளன.

வான்வெளி தொழில்நுட்ப முறைமை அமைப்பின் சுகோய் தொழில்நுட்ப மையமும் (Aerospace Technology Systems Corporation Sukhoi Technical Centre) உருவாக்கப்பட்டது. இந்த மையம் சுகோய் வானூர்திகளின் பராமரிப்புக்காக (Sukhoi Su-30MKM Maintenance) அமைக்கப்பட்டது.

வானூர்தி படை

முதன்மை படை

பிரிவு	வானூர்தி படை	இராணுவ வானூர்திகள்	குறிப்புகள்
முதல் பிரிவு (1st Division)	12-ஆவது படை (No. 12 Squadron)	சுகோய் சு-30 எம்கேஎம் (Sukhoi Su-30MKM)