மிரி வானூர்தி நிலையம்

மிரி வானூர்தி நிலையம் Miri Airport சரவாக்
மிரி விமான நிலையத்தின் ஓடுபாதை
ஐஏடிஏ: MYY ஐசிஏஓ: WBGR MYY WBGR மிரி வானூர்தி நிலையத்தின் அமைவு
சுருக்கமான விபரம்
வானூர்தி நிலைய வகை	பொது
உரிமையாளர்	கசானா நேசனல் Khazanah Nasional
இயக்குனர்	மலேசிய வானவூர்தி நிலையங்கள் நிறுவனம் Malaysia Airports Holdings Berhad
சேவை புரிவது	மிரி; சரவாக், மலேசியா)
அமைவிடம்	மிரி; சரவாக், கிழக்கு மலேசியா
கவனம் செலுத்தும் நகரம்	மாஸ் விங்ஸ் MASwings அவான் இன்சுபிரைசி Awan Inspirasi
நேர வலயம்	மலேசிய நேரம் (ஒ.ச.நே + 08:00)
உயரம் AMSL	10 ft / 3.048 m
ஆள்கூறுகள்	04°19′31″N 113°59′18″E / 4.32528°N 113.98833°E / 4.32528; 113.98833
ஓடுபாதைகள்
திசை நீளம் மேற்பரப்பு மீட்டர் அடி 02/20 2,745 9,006 தார்
புள்ளிவிவரங்கள் (2020)
பயணிகள் போக்குவரத்து 876,402 (▼ 64.0%) சரக்கு டன்கள் 5,345 ( 1.3%) வானூர்தி போக்குவரத்து 25,804 (▼ 41.0%)

மிரி வானூர்தி நிலையம் (ஐஏடிஏ: MYY, ஐசிஏஓ: WBGR); (ஆங்கிலம்: Miri Airport; மலாய்: Lapangan Terbang Miri) என்பது மலேசியா, சரவாக் மாநிலத்தின் மிரி நகரில் அமைந்துள்ள ஒரு வானூர்தி நிலையம் ஆகும்.^[2]

இந்த விமான நிலையம் மலேசியாவில் ஆறாவது விறுவிறுப்பான விமான நிலையமாகவும்; சரவாக்கில் இரண்டாவது விறுவிறுப்பான விமான நிலையமாகவும் விளங்குகிறது.

இந்த வானூர்தி நிலையம், சரவாக் மாநிலத்தின் மிரி பிரிவு பகுதியில் வாழும் மக்களுக்கு வானூர்திச் சேவையை வழங்கும் நிலையமாக விளங்குகிறது. உள்நாட்டுச் சேவைகளை வழங்கி வருகிறது.

2020-ஆம் ஆண்டில், இந்த வானூர்தி நிலையத்திற்கு வருகை புரிந்தவர்களின் எண்ணிக்கை 876,402. அதே வேளையில் 5,345 விமான இயக்கங்களும் நடைபெற்று உள்ளன. மிரி நகர மையத்தில் இருந்து சுமார் 9.5 கி.மீ. தொலைவில் தென் பகுதியில் அமைந்துள்ளது.

மாஸ் விங்ஸ் (MASWings) டுவின் ஓட்டர் (Twin Otter) ரக விமானங்களின் சேவைகளுக்கு மிரி விமான நிலையம் ஒரு முக்கிய மையமாக உள்ளது. பிளை ஏசியான் எக்ஸ்பிரஸ் (FlyAsianXpress) எனும் விமானச் சேவை நிறுவனம், மிரியில் உள்ள பெரும்பாலான கிராமப்புற உள்நாட்டு இடங்களுக்குச் சேவைகளை வழங்கி வருகிறது.

சபா, சரவாக் மாநிலங்களுக்கு மத்தியிலும்; புரூணை நாட்டு எல்லைக்கு அருகிலும்; மிரி நகரம் இருப்பதால், கிராமப்புற விமானச் சேவைகளுக்கு ஏற்ற மையமாகவும், சரவாக் மாநிலத்திற்கான முக்கிய நுழைவாயிலாகவும் மிரி வானூர்தி நிலையம் அமைகின்றது.

மிரி வானூர்தி நிலையம்; கூச்சிங் பன்னாட்டு வானூர்தி நிலையத்திற்கு அடுத்த நிலையில், சரவாக் மாநிலத்தில் இரண்டாவது பெரிய விமான நிலையமாகும். இதன் முனையத் தளம் 16,448 மீ² பரப்பளவு கொண்டது.^[3]

மலேசிய சிவில் விமானத் துறையும் (Department of Civil Aviation); மலேசிய வானவூர்தி நிலையங்கள் நிறுவனமும் (Malaysia Airports Holdings Berhad); மிரி வானூர்தி நிலையத்தை ஒரு பன்னாட்டு வானூர்தி நிலையமாக இன்னும் அங்கீகரிக்கவில்லை. இருப்பினும் திட்டமிடப்பட்ட சில வெளிநாட்டு விமானச் சேவைகளை இந்த நிலையம் வழங்கி வருகிறது.

மிரி வானூர்தி நிலையத்தின் பழைய பெயர் லுத்தோங் வானூர்தி நிலையம் (Lutong Airport). மிரி நகரத்தின் துணை நகரமான லுத்தோங் நகரில் 1940-ஆம் ஆண்டுகளில் உருவாக்கப்பட்டது.

இது ஒரு தனியார் வானூர்தி நிலையம். 'அரச டச்சு செல்' (Royal Dutch Shell) எனும் எண்ணெய் நிறுவனத்திற்குச் சொந்தமானது. இரன்டாம் உலகப் போரின் போது ஜப்பானியப் படைகளின் விமானத் தாக்குதலுக்கு உள்ளானது. 1954-ஆம் ஆண்டில் சீரமைக்கப் பட்டது. 1980-ஆம் ஆண்டுகள் வரை லுத்தோங் வானூர்தி நிலையம் எனும் பெயரில் செயல்பட்டது.^[4]

மிரி நகரத்தின் மக்கள்தொகை பெருகியதால், விமானப் போக்குவரத்து எதிர்ப்பார்ப்பைக் குறைக்க, ஒரு பெரிய வானூர்தி நிலையம் தேவைப்பட்டது. ஒரு புதிய தளத்தைத் தேட வேண்டிய கட்டாயம் ஏற்பட்டது.

நகர மையத்தின் தென்கிழக்கில் ஓர் இடம் தேர்ந்தெடுக்கப்பட்டது. 1980-ஆம் ஆண்டுகளுக்குப் பின்னர் மிரி வானூர்தி நிலையம் முழுமையாகச் செயல்படத் தொடங்கியது.

பயணிகளின் எண்ணிக்கை மற்றும் வானூர்திகளின் புள்ளிவிவரங்கள்

ஆண்டு	பயணிகள் வருகை	பயணிகள் % மாற்றம்	சரக்கு (டன்கள்)	சரக்கு % மாற்றம்	வானூர்தி நகர்வுகள்	வானூர்தி % மாற்றம்
2003	1,377,312		3,881		43,460
2004	1,509,684	9.6	4,721	21.6	45,269	4.2
2005	1,594,855	5.6	5,392	14.2	42,865	▼ 5.3
2006	1,559,379	▼ 2.2	4,080	▼ 24.3	42,680	▼ 0.4
2007	1,454,167	▼ 6.7	3,564	▼ 12.6	35,502	▼ 16.8
2008	1,537,840	5.7	4,146	16.3	38,172	7.5
2009	1,620,345	5.4	3,921	▼ 5.4	41,996	10.0
2010	1,694,915	4.6	6,770	72.7	41,682	▼ 0.7
2011	1,856,626	9.5	8,198	21.1	43,707	4.9
2012	2,018,415	8.7	9,879	20.5	45,127	3.2
2013	2,223,172	10.1	9,800	▼ 0.8	47,585	5.4
2014	2,363,080	6.3	8,029	▼ 18.1	49,204	3.4
2015	2,249,206	▼ 4.8	7,292	▼ 9.2	47,733	▼ 3.0
2016	2,200,546	▼ 2.2	7,270	▼ 0.3	45,554	▼ 4.6
2017	2,188,048	▼ 0.6	4,872	▼ 33.0	40,692	▼ 0.7
2018	2,350,700	7.4	5,054	3.7	44,855	10.2
2019	2,439,492	3.8	5,278	4.4	43,752	▼ 2.5
2020	876,402	▼ 64.0	5,345	1.3	25,804	▼ 41.0
சான்று: மலேசிய வானவூர்தி நிலையங்கள் நிறுவனம்[5]

மிரி வானூர்தி நிலையத்தின் உள்நாட்டுச் சேவைகள் (2019 சூலை மாதம் - புள்ளிவிவரங்கள்) தர வரிசை இலக்குகள் பயணங்கள் (வாரம்) வானூர்தி நிறுவனங்கள் 1 கோலாலம்பூர்–சிப்பாங், கோலாலம்பூர் 60 ஏர் ஏசியா, மலேசிய ஏர்லைன்சு 2 கூச்சிங், சரவாக் 53 ஏர் ஏசியா, மலேசிய ஏர்லைன்சு 3 லாவாஸ் 39 மாஸ் சுவிங்ஸ் 4 லபுவான் 35 மாஸ் சுவிங்ஸ் 5 சிபு 28 மாஸ் சுவிங்ஸ் 6 மருடி 24 மாஸ் சுவிங்ஸ் 7 லிம்பாங் 21 மாஸ் சுவிங்ஸ் 8 கோத்தா கினபாலு 17 ஏர் ஏசியா 9 பாரியோ 14 மாஸ் சுவிங்ஸ் 9 பிந்துலு 14 மாஸ் சுவிங்ஸ் 9 முலு 14 மாஸ் சுவிங்ஸ் 12 முக்கா 7 மாஸ் சுவிங்ஸ் 13 ஜொகூர் பாரு 3 ஏர் ஏசியா வெளிநாட்டுச் சேவைகள் மிரி வானூர்தி நிலையத்தின் வெளிநாட்டுச் சேவைகள் (2019 சூலை மாதம் - புள்ளிவிவரங்கள்) தர வரிசை இலக்குகள் பயணங்கள் (வாரம்) வானூர்தி நிறுவனங்கள் 1  சிங்கப்பூர் சிங்கப்பூர் சாங்கி வானூர்தி நிலையம் 7 ஏர் ஏசியா சம்பவங்கள் 1997 செப்டம்பர் 6-ஆம் தேதி, அரச புரூணை விமானம், மிரி விமான நிலையத்தின் ஓடுபாதையில் விபத்துக்குள்ளானது. இந்தத் துர்நிகழ்ச்சியில் விமானத்தில் இருந்த 10 பேரும் உயிரிழந்தனர். மேற்கோள்கள் ↑ WBGR - MIRI at Department of Civil Aviation Malaysia ↑ "Official Portal Ministry of Transportation, Malaysia. List of Airports". ↑ "Tender Briefing for Package Deal (Sarawak)" (PDF). MAHB. 15 March 2019. Retrieved 10 July 2019. ↑ "A legacy of World War II Japanese occupation, and bombed by allied forces multiple times during the Japanese occupation, this airstrip was then reconditioned and put into service by 1954, to actually became a destination of commercial passenger-carrying planes when Malayan Airways expanded its Borneo service air network, and remained so until Miri Airport runway was built". Retrieved 7 June 2022. ↑ "Malaysia Airports: Airports Statistics 2020" (PDF). malaysiaairports. 2 April 2021. Archived from the original (PDF) on 28 ஜூன் 2021. Retrieved 5 October 2021. {{cite web}}: Check date values in: |archive-date= (help) வெளி இணைப்புகள் மிரி வானூர்தி நிலையத்தின் இணையத் தளம் மேலும் காண்க மிரி மலேசிய வானவூர்தி நிலையங்கள் நிறுவனம் மலேசிய வானூர்தி நிறுவனங்கள்