ரெடாங் வானூர்தி நிலையம்

ரெடாங்
வானூர்தி நிலையம்Redang Airport
ரெடாங்; வானூர்தி நிலையம்Redang Airport
	ஐஏடிஏ: RDN; ஐசிஏஓ: WMPR Redang Airportரெடாங் வானூர்தி நிலையத்தின் அமைவு;
சுருக்கமான விபரம்
வானூர்தி நிலைய வகை	பொது
உரிமையாளர்	மலேசிய அரசாங்கம் (Government of Malaysia)
இயக்குனர்	மலேசிய வானவூர்தி நிலையங்கள் நிறுவனம் (Malaysia Airports Berhad)
சேவை புரிவது	ரெடாங் தீவு, மலேசியா
அமைவிடம்	கோலா நெருசு, ரெடாங் தீவு,திராங்கானு, மலேசியா
நேர வலயம்	மலேசிய நேரம் (ஒ.ச.நே + 08:00)
உயரம் AMSL	25 ft / 8 m
ஆள்கூறுகள்	05°45′55″N 103°00′25″E / 5.76528°N 103.00694°E
ஓடுபாதைகள்
புள்ளிவிவரங்கள் (2020)
பயணிகள் போக்குவரத்து	5159 ()
சரக்கு (டன்கள்)	0 ()
வானூர்தி போக்குவரத்து	39 ( 5550%)
	Source : Aeronautical Information Publication Malaysia GDM

ரெடாங் வானூர்தி நிலையம் அல்லது ரெடாங் தீவு வானூர்தி நிலையம் (ஐஏடிஏ: RDN, ஐசிஏஓ: WMPR); (ஆங்கிலம்: Redang Airport அல்லது Redang Island Airport; மலாய்: Lapangan Terbang Redang) என்பது மலேசியா, திராங்கானு, கோலா நெருசு மாவட்டம் (Kuala Nerus District), ரெடாங் தீவில் அமைந்துள்ள வானூர்தி நிலையம் ஆகும்.

இதன் ஓடுபாதையின் மேற்குப் பகுதி ஒரு நீண்ட மலையின் அடிவாரத்தில் உள்ளது. மற்றொரு மலை முகடு 1 கிலோமீட்டர் (0.6 மைல்) கிழக்கே இணையாகச் செல்கிறது. ஆகவே இந்த ஓடுபாதையை தெற்கில் இருந்துதான் அணுக முடியும். அதனால் வானூர்திகள் தண்ணீருக்கு மேல் பறந்து தரை இறங்குகின்றன.^[3]

பொது

தீபகற்ப மலேசியாவின் கிழக்கு கடற்கரையில் உள்ள மிகப்பெரிய தீவுகளில் ஒன்றான ரெடாங் தீவில் இந்த வானூர்தி நிலையம் அமைந்துள்ளது. இந்த வானூர்தி நிலையத்தின் ஓடுபாதை, அதன் விரிவாக்கத்திற்காக 2009-இல் சிறிது காலத்திற்கு மூடப்பட்டது. ஏப்ரல் 16, 2009-இல் மீண்டும் திறக்கப்பட்டது.

மேலும் இந்த ரெடாங் தீவு உலகின் மிக அழகான தீவுகளில் ஒன்றாகவும் தேர்வு செய்யப்பட்டு உள்ளது. திராங்கானு மாநிலத்தின் கிழக்கு கடற்கரையில் இருந்து 30 கி.மீ. தொலைவில் உள்ளது. மேலும் இந்தத் தீவு 7 கி.மீ. நீளமும் 6 கி.மீ. அகலமும் கொண்டது.^[4]

ரெடாங் தீவுக் கூட்டம்

ரெடாங் தீவில் ஓர் உயரமான குன்று உள்ளது. அதன் பெயர் புக்கிட் பெசார் (Bukit Besar). கடல் மட்டத்தில் இருந்து 359 மீ. உயரத்தில் உள்ளது. ரெடாங் தீவுக் கூட்டம் மலேசியக் கடல் பூங்காக்கள் அரசிதழில் வெளியிடப்பட்டு பாதுகாக்கப் படுகிறது (Gazetted and Protected as Marine Parks of Malaysia).

தற்போது, ரெடாங் தீவு, லாங் தெங்கா தீவு (Lang Tengah Island), பெர்கெந்தியான் தீவு (Perhentian Island) மற்றும் கபாசு தீவு (Kapas Island) ஆகிய பெரிய தீவுகளில் மட்டுமே பார்வையாளர்களுக்கான தங்கும் விடுதி வசதிகள் உள்ளன.

ரெடாங் கடல் பூங்கா

கடல் ஆமைகள் முட்டையிடுவதற்கான தளமாகவும் இந்தத் தீவு விளங்குகிறது. மேலும் ஆமைகள் முட்டையிடும் கடற்கரைப் பகுதி மென்மையான வெள்ளை மணலால் மூடப்பட்டு இருக்கும். கடற்கரையில் இருந்து சில மீட்டர் தூரத்தில் பவளப் பாறைகளையும் மீன்களையும் தெளிவாகப் பார்க்கலாம்.

ரெடாங் கடல் பூங்கா நிர்வாக மன்றம் (Pulau Redang Marine Parks) எனும் ஒரு பாதுகாப்பு மன்றம் உள்ளது. இந்த மன்றம், சுற்றுலாப் பயணிகளின் தவறான நடவடிக்கைகளைத் தவிர்ப்பதில் முதன்மை காட்டுகிறது. கழிவுப் பொருட்களைக் கட்டுப் படுத்துதல்; பவளப் பாறைகளின் வாழ்விடங்களைப் பாதுகாத்தல் போன்றவை அந்த மன்றத்தின் முக்கிய இலக்குகளாக அமைகின்றன.

வானூர்தி சேவைகள்

விமான நிறுவனங்கள்	சேரிடங்கள்
பெர்சாயா ஏர்	முன்பதிவு: கோலாலம்பூர்–சுபாங், சிங்கப்பூர்–செலத்தார் ^[5]
எசுகேசு வானூர்தி நிறுவனம்	கோலாலம்பூர்–சுபாங்^[6]

உள்நாட்டு சேவைகள்

**ஆண்டுவாரியாக விமானசேவைகளினதும் பயணிகளதும் புள்ளிவிபரங்கள்**
ஆண்டு	பயணிகள் வருகை	பயணிகள் % மாற்றம்	சரக்கு (டன்கள்)	சரக்கு % மாற்றம்	வானூர்தி நகர்வுகள்	வானூர்தி % மாற்றம்
2004	20,750		0		741
2005	30,650	47.7	0		1,121	51.3
2006	28,928	▼ 5.6	0		934	▼ 16.7
2007	33,738	16.6	0		1,053	12.7
2008	34,957	3.6	0		1,083	2.8
2009	28,246	▼ 19.2	0		862	▼ 20.4
2010	48,610	72.1	0		1,356	57.3
2011	46,159	▼ 5.0	0		1,319	▼ 2.7
2012	35,960	▼ 22.1	27		877	▼ 33.5
2013	35,982	0.1	27		955	8.9
2014	11,087	▼ 69.2	17	▼ 37.7	430	▼ 55.0
2015	0	▼	0	▼	0	▼
2016	0		0		0
2017	0		0		0
2018	51		0		6
2019	0	▼	0		6
2020	5159		0		39	5550
^{Source: Malaysia Airports Holdings Berhad^[7]}