சென்னையிலுள்ள பள்ளிகளின் பட்டியல்

சென்னைப் பள்ளிகள் பலவகை கட்டமைப்புகளைக் கொண்டுள்ளன. சிறுவர்கள் பள்ளிப் படிப்பை மழலையர் பள்ளிகளில் மூன்று வயதில் துவங்குகின்றனர். மழலையர் முதுநிலை வழியே பன்னிரண்டு ஆண்டுகள் படிப்பைத் தொடர்கின்றனர். பத்தாம் வகுப்பிலும் பன்னிரண்டாவது வகுப்பிலும் பல்வேறு வாரியங்களின் பொதுத் தேர்வுகளை எதிர்கொள்கின்றனர்.

சென்னை பள்ளிகள் இருவகையான நிர்வாக வகைப்பாட்டில் அடங்குகின்றன - அரசுப் பள்ளிகள் (மாநகராட்சிப் பள்ளிகள்), தனியார் பள்ளிகள். அரசுப் பள்ளிகள் அனைவருக்கும் தாங்கத்தகுந்ததாக உள்ளன; தனியார் பள்ளிகள் விலைமிக்கனவாக உள்ளன. தனியார் பள்ளிகள் மத்திய அரசின் வாரிய கல்வித்திட்டப் பள்ளிகள், மாநில வாரிய கல்வித்திட்டப் பள்ளிகள், மெட்ரிக் பள்ளிகள், ஆங்கிலோ இந்தியப் பள்ளிகள், ஓரியண்டல் பள்ளிகள் என பலவகை கல்வித்திட்டங்களை பின்பற்றுகின்றன. அண்மையில் மாநில அரசு அனைத்து கல்வித் திட்டங்களையும் ஒருங்கிணைத்து சமச்சீர்க் கல்வியை செயற்படுத்தி உள்ளது. மாநில வாரிய கல்வித்திட்டத்தை பின்பற்றும் பள்ளிகள் அரசுதவி பெறும் பள்ளிகள் என்றும் சுயநிதி பள்ளிகள் என்றும் இருவகைப்படுகின்றன.

பெரும்பாலான தனியார் பள்ளிகள் ஆங்கிலவழியிலும் (பயிற்றுமொழி ஆங்கிலம்) அரசுப் பள்ளிகள் முதன்மையாக தமிழ் வழியிலும் (பயிற்றுமொழி தமிழ்) கற்பிக்கப்படுகின்றன. தெலுங்கு மொழியை கற்பிக்கும் தனியார் பள்ளிகளும், பயிற்றுமொழியாக கற்பிக்கும் மாநகராட்சிப் பள்ளிகளும் உண்டு. சிறு மத்திய அரசுப் பள்ளிகள் இருமொழி கொள்கையைப் பின்பற்றுகின்றன: ஆங்கிலமும் இந்தியும்.

அனைத்து அங்கீகரிக்கப்பட்ட பள்ளிகளும் கீழ்க்காணும் வாரியங்களில் ஏதாவது ஒன்றில் இணைந்துள்ளன:

1. நடுவண் இடைநிலைக் கல்வி வாரியம் - கற்கும் அனைத்து ஆண்டுகளுக்கும்
2. தமிழ்நாடு மாநில வாரியம் - கற்கும் அனைத்து ஆண்டுகளுக்கும்
3. இந்திய இடைநிலைக் கல்விச் சான்றிதழ் - கற்கும் அனைத்து ஆண்டுகளுக்கும்
4. தமிழ்நாடு பதின்மப் பள்ளிகள் இயக்ககம் கிண்டர்கார்ட்டன் முதல் 10ஆம் வகுப்பு வரை - பின்னர் 11, 12 வகுப்புக்களுக்கு தானாகவே தமிழ்நாடு வாரிய கல்விமுறைக்கு மாற்றப்படுதல்
5. தமிழ்நாடு ஆங்கிலோ-இந்திய பள்ளி நிறைவுச் சான்றிதழ் அமைப்பு - கிண்டர்கார்ட்டன் முதல் 10ஆம் வகுப்பு வரை - பின்னர் 11, 12 வகுப்புக்களுக்கு தானாகவே தமிழ்நாடு வாரிய கல்விமுறைக்கு மாற்றப்படுதல்

இவற்றிற்கு விலக்காக சில பள்ளிகள் மான்டேசொரி கல்வி, பன்னாட்டு இளங்கலைஞர் அல்லது அமெரிக்க முறைமைகளைப் பின்பற்றுகின்றன.^[1]