சோடியம் சல்பைட்டு

சோடியம் சல்பைட்டு
Sodium sulphite
நீரிலி	நீரேற்று
பெயர்கள்
	ஐயூபிஏசி பெயர் சோடியம் சல்பைட்டு
இனங்காட்டிகள்
சிஏஎசு எண்	7757-83-7
ChEBI	CHEBI:86477
ChemSpider	22845
EC number	231-821-4
	InChI InChI=1S/2Na.H2O3S/c;;1-4(2)3/h;;(H2,1,2,3)/q2+1;/p-2 ; Key: GEHJYWRUCIMESM-UHFFFAOYSA-L ; InChI=1/2Na.H2O3S/c;;1-4(2)3/h;;(H2,1,2,3)/q2+1;/p-2; Key: GEHJYWRUCIMESM-NUQVWONBAK;
யேமல் -3D படிமங்கள்	Image
பப்கெம்	24437
வே.ந.வி.ப எண்	WE2150000
	SMILES [O-]S(=O)[O-].[Na+].[Na+];
UNII	VTK01UQK3G
பண்புகள்
மூலக்கூறு வாய்பாடு	Na2SO3
வாய்ப்பாட்டு எடை	126.043 கி/மோல்
தோற்றம்	வெண் திண்மம்
மணம்	நெடியற்றது
அடர்த்தி	2.633 கி/செ.மீ3 (நீரிலி); 1.561 கி/செ.மீ3 (எழுநீரேற்று)
உருகுநிலை	33.4 °C (92.1 °F; 306.5 K) (எழுநீரேற்று நீரிழக்கும்); 500 °செல்சியசு (நீரிலி)
கொதிநிலை	சிதைவடையும்
நீரில் கரைதிறன்	27.0 கி/100 மி.லிட்டர் நீர் (20 °செல்சியசு)
கரைதிறன்	கிளிசரலாலில் கரையும் ; அமோனியா, குளோரின் ஆகியவற்றில் கரையாது.
மட. P	−4
காடித்தன்மை எண் (pKa)	~9 (எழுநீரேற்று)
ஒளிவிலகல் சுட்டெண் (nD)	1.565
கட்டமைப்பு
படிக அமைப்பு	அறுகோணம் (நீரிலி); ஒற்றைச்சரிவச்சு (எழுநீரேற்று)
தீங்குகள்
பொருள் பாதுகாப்பு குறிப்பு தாள்	ICSC 1200
தீப்பற்றும் வெப்பநிலை	தீப்பற்றாது
தொடர்புடைய சேர்மங்கள்
ஏனைய எதிர் மின்னயனிகள்	சோடியம் செலீனைட்டு
ஏனைய நேர் மின்அயனிகள்	பொட்டாசியம் சல்பைட்டு
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். verify (இது ?) வார்ப்புரு மேற்கோள்கள்

சோடியம் சல்பைட்டு (Sodium sulfite) என்பது Na₂SO₃ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். வெள்ளை நிறத்தில், நீரில் கரையக்கூடிய திடப்பொருளாகக் காணப்படுகிறது. வணிக ரீதியாக எதிர் ஆக்சிசனேற்றியாகவும், பாதுகாப்புப் பொருளாகவும் பயன்படுத்தப்படுகிறது. மரம் மற்றும் தாவர உலர் பொருள்களான லிக்னோசெல்லுலோசிக்கு பொருட்களின் கூழ்மமாக்கலுக்கும் சுத்திகரிப்பு செயல்முறைகளில் கரிம பலபடியான லிக்னினை மென்மையாக்குவதற்கும் பயன்படுகிறது.^[1] எழுநீரேற்று ஒன்றும் அறியப்படுகிறது. ஆனால் காற்றினால் நிகழும் ஆக்சிசனேற்றத்திற்கு அதிக உணர்திறன் இருப்பதால் இச்சேர்மம் குறைவான பயன்பாட்டைக் கொண்டுள்ளது.

தயாரிப்பு

சோடியம் ஐதராக்சைடு கரைசலை கந்தக டை ஆக்சைடுடன் சேர்த்து சூடாக்கி சோடியம் சல்பைட்டை தயாரிக்கலாம். வெதுவெதுப்பான நீரில் நனைக்கப்படும் போது, சோடியம் சல்பைட்டு ஆரம்பத்தில் ஒரு வெள்ளை நிற திடப்பொருளாக வீழ்படிவாகிறது. அதிக அளவு கந்தக டை ஆக்சைடுடன் இத்திடப்பொருள் கரைந்து டைசல்பைட்டை அளிக்கிறது. இது குளிர்ந்தவுடன் படிகமாகிறது.^[2]

SO₂ + 2 NaOH -> Na₂SO₃ + H₂O

சோடியம் கார்பனேட்டு கரைசலுடன் கந்தக டை ஆக்சைடைச் சேர்த்து வினைப்படுத்துவதன் மூலம் சோடியம் சல்பைட்டை தொழில்துறை ரீதியாக தயாரிக்கலாம்.^[3] ஒட்டுமொத்த வினை பின்வருமாறு:

SO₂ + Na₂CO₃ -> Na₂SO₃ + CO₂

பயன்கள்

சோடியம் சல்பைட்டு முதன்மையாக காகிதத் தொழிலில் பயன்படுத்தப்படுகிறது. ^[4] நடுத்தர அடர்த்தி இழை பலகைகளை உற்பத்தி செய்வதற்காக மரத்தை இழைகளாக மாற்றும் வெப்ப இயந்திர மாற்றத்திலும் பயன்படுத்தப்படுகிறது.^[5]

ஓர் ஆக்சிசன் துப்புரவு முகவராக, அரிப்பு சிக்கல்களைத் தவிர்க்க நீராவி கொதிகலன்களுக்கு வழங்கப்படும் தண்ணீரை சுத்திகரிக்க சோடியம் சல்பைட்டு பயன்படுத்தப்படுகிறது.^[6] புகைப்படத் துறையில், இது உருவேற்றும் கரைசல்களை ஆக்சிசனேற்றத்திலிருந்து பாதுகாக்கிறது. புகைப்படச் சுருள் மற்றும் புகைப்பட-காகித குழம்புகளிலிருந்து நிலைநிறுத்தியை (சோடியம் தயோசல்பேட்டு) கழுவுகிறது.

ஒரு குறைக்கும் முகவராக, சோடியம் சல்பைட்டு நெசவுத் தொழிலில் வெளுக்கும், கந்தகத்தை நீக்கும் மற்றும் குளோரினேற்றும் முகவராக (எ.கா. நீச்சல் குளங்களில்) பயன்படுத்தப்படுகிறது. உலர்ந்த பழங்கள் நிறமாற்றம் அடைவதைத் தடுக்கவும், இறைச்சிகளைப் பாதுகாக்கவும் ஒரு பாதுகாப்புப் பொருளாகப் பயன்படுத்தும்போது இதன் குறைக்கும் பண்புகள் பயன்படுத்தப்படுகின்றன.

சல்போனேற்றம் மற்றும் சல்போமெத்திலேற்றம் முகவராக சோடியம் சல்பைட்டு பயன்படுத்தப்படுகிறது. சோடியம் தயோசல்பேட்டு உற்பத்தியில் பயன்படுத்தப்படுகிறது.

வெல்மேன்–லார்டு செயல்முறை, சோடியம் சல்பைட்டை கந்தக நீக்க வினையில் பயன்படுத்துகிறது.

வினைகள்

சோடியம் சல்பைட்டு முதன்மையாக ஓர் இலேசான ஒடுக்கும் முகவராகப் பயன்படுத்தப்படுகிறது. எழுநீரேற்றுப் படிகங்கள் சூடான வறண்ட காற்றில் பொங்கி வெளியேறுகின்றன. எழுநீரேற்றுப் படிகங்களும் காற்றில் ஆக்சிசனேற்றம் அடைந்து சோடியம் சல்பேட்டை உருவாக்குகின்றன. நீரற்ற வடிவம் காற்றினால் ஏற்படும் ஆக்சிசனேற்றத்திற்கு அதிக எதிர்ப்புத் திறன் கொண்டதாகச் செயல்படுகிறது.^[7]

கட்டமைப்பு

எக்சு-கதிர் படிகவியல் ஆய்வு முடிவின்படி சோடியம் சல்பைட்டு எழுநீரேற்று பிரமிடு வடிவ SO₃^2- மையங்களைக் கொண்டுள்ளது. S-O பிணைப்பு தூரங்கள் 1.50 ஆகவும், O-S-O பிணைப்புக் கோணம் 106º பாகைக்கு அருகிலும் உள்ளன.^[8]

மேற்கோள்கள்

↑ "High Yield Pulp Production by Modified Sulfite Process" (PDF). Retrieved 2023-10-19.
↑ Johnstone, H. F. (1946). "Sulfites and Pyrosulfites of the Alkali Metals". Inorganic Syntheses. Vol. 2. pp. 162–167. doi:10.1002/9780470132333.ch49. ISBN 9780470132333.
↑ Weil, Edward D.; Sandler, Stanley R. (1999). "Sulfur Compounds". In Kroschwitz, Jacqueline I. (ed.). Kirk-Othmer Concise Encyclopedia of Chemical Technology (4th ed.). New York: John Wiley & Sons, Inc. p. 1937. ISBN 978-0471419617.
↑ Barberá, José Jiménez; Metzger, Adolf; Wolf, Manfred (2005), "Sulfites, Thiosulfates, and Dithionitesl Chemistry", Ullmann's Encyclopedia of Industrial Chemistry, Weinheim: Wiley-VCH, doi:10.1002/14356007.a25_477
↑ "DE19958756A1 - Production of light-colored medium-density fibreboard (MDF) from old fibreboard comprises treatment with sodium sulfite, conversion into pulp and feeding into the blow-line of an MDF plant". Google Patents. 1999-12-07. Retrieved 2022-03-01.
↑ "Pre-boiler and Boiler Corrosion Control | GE Water". Archived from the original on 2017-10-06. Retrieved 2016-03-14.
↑ Merck Index of Chemicals and Drugs, 9th ed. monograph 8451
↑ Larsson, Lars Olof; Kierkegaard, Peder; Lindberg, Bengt; Holme, Tord; Lindberg, Alf A.; Craig, J. Cymerman (1969). "The Crystal Structure of Sodium Sulphite. A Refinement Allowing for the Effect of Crystal Twinning". Acta Chemica Scandinavica 23: 2253–2260. doi:10.3891/acta.chem.scand.23-2253.