Рантамак мәчете

Мәчет
Рантамак мәчете «Мирзанур»
Ил	Россия
авыл	423359 Татарстан, Сарман районы, Рантамак, Вахитов ур.
Координатлары	N 55° 12' 0" E 52° 52' 48"
Дин	Ислам
Мәхәллә	ТР МДН Сарман районы мөхтәсибәте
Кайсы дини агымга карый	сөнни / хәнәфи
Бина төре	манарасы түбәдә урнашкан мәчет
Нигезләнгән	2005
Төзелеш еллары	2005—2006 еллар
Төп даталар: 2006 (ачылу)
Халәте	гамәлдә

Рантамак мәчете, «Мирзанур» мәчете (рус. Мечеть «Мирзанур» в деревне Рантамак Сармановского района) ― Татарстанның Сарман районы Рангазар авыл җирлегенә^[d] караучы^[1] Рантамак авылында урнашкан ислам гыйбадәтханәсе (мәчет). ТР МДН Сарман районы мөхтәсибәте карамагында.

Авыл 1748 елдан Токмәт авылы буларак билгеле. Инкыйлабка кадәрге чыганакларда шулай ук Рангазар-Тамак дип тә телгә алына^[2].

1920 елга кадәр Уфа губернасы Минзәлә өязенең Әлмәтмулла волостена кергән Рантамакта XX гасыр башында мәчет, мәктәп булган^[2].

1932 елның 23 апрелендә авылның мөтәвәллие^[3] Җәлил (Җәмил?) Маннанов (1881 елда Рантамакта туган, 4 бала атасы) кулга алынган һәм шул елның 5 июнендә «колхозга каршы агитация, ашлык хәзерләүгә каршы төшүдә» гаепләнеп, 3 елга хезмәт белән төзәтү лагерена җибәрелгән. 1990 елда акланган^[4].

Авылда 1870 елда 156 кеше (татарлар), 2002 елда 184^[5], 2010 елда 213 кеше яшәгән.

50-60 кеше сыйдырышлы мәчет бер катлы, манарасы түбәсендә урнашкан. Бина мичкә утын ягып җылытыла, тәһарәтханәсе бар^[4].

Ачылганнан бирле (2006 елдан) имам вазыйфасын Мирзанур хәзрәт Сәлимов алып бара^[4].

• Сандугачлар моңы булып Сарман кала хәтердә. К.: АО «ИД Казанская Недвижимость», 2020. ISBN 978-5-6044058-7-1
• Д. Кашапова, Н. Мәхмүтов, Ф. Салихова. Гасырларны бәйләүче азан авазы. Сарман, 2022, 94нче бит.

• Рантамак. 2022 елның 17 апрель көнендә архивланган. Институт Татарской Энциклопедии