ஆண்டிமனி பென்டாசல்பைடு

ஆண்டிமனி பென்டாசல்பைடு

இனங்காட்டிகள்
சிஏஎசு எண்	1315-04-4 Y
ChemSpider	17615643 Y
EC number	215-255-5
InChI InChI=1S/5S.2Sb Y Key: PPKVREKQVQREQD-UHFFFAOYSA-N Y
யேமல் -3D படிமங்கள்	Image
பப்கெம்	16683083
SMILES S=[Sb](=S)S[Sb](=S)=S
பண்புகள்
மூலக்கூறு வாய்பாடு	S5Sb2
வாய்ப்பாட்டு எடை	403.82 g·mol−1
தோற்றம்	மஞ்சளும் இளஞ்சிவப்பும் கலந்த தூள்
அடர்த்தி	4.12 கி/செ.மீ 3
உருகுநிலை	135 °C (275 °F; 408 K) (சிதைவடையும்)
நீரில் கரைதிறன்	கரையாது
கரைதிறன்	HCl இல் கரையும், காரங்களில் கரையும்
தீங்குகள்
ஈயூ வகைப்பாடு	F
R-சொற்றொடர்கள்	R11
தீப்பற்றும் வெப்பநிலை	தீப்பற்றி எரியும்
அமெரிக்க சுகாதார ஏற்பு வரம்புகள்:
அனுமதிக்கத்தக்க வரம்பு	TWA 0.5 மி.கி./மீ3 (Sb ஆக)[1]
பரிந்துரைக்கப்பட்ட வரம்பு	TWA 0.5 மி.கி/மீ3 (Sb ஆக)[1]
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். N verify (இது YN ?) வார்ப்புரு மேற்கோள்கள்

ஆண்டிமனி பென்டாசல்பைடு (Antimony pentasulfide) என்பது S₅Sb₂ என்ற மூலக்கூற்று வாய்ப்பாடு கொண்ட ஒரு கனிம வேதியியல் சேர்மமாகும். ஆண்டிமனியும் கந்தகமும் சேர்ந்து உருவாகும் இச்சேர்மம் ஆண்டிமனி சிவப்பு என்ற பெயராலும் அறியப்படுகிறது. பகுதிப்பொருள்கள் வெவ்வேறு அளவுகளில் இணைந்து விகிதச்சமமற்று இச்சேர்மம் உருவாகிறது. மேலும் இச்சேர்மத்தின் சரியான கட்டமைப்பு அறியப்படவில்லை^[2]. வர்த்தக மாதிரிகள் பெரும்பாலும் கந்தகத்தை மாசாகப் பெற்றுள்ளன. சாக்சுலெட் வடிகட்டிப் பிரிப்பானில் உள்ள கார்பன் டை சல்பைடு கரைசலில் கழுவுதல் மூலம் இக்கந்தகத்தைப் பிரித்தெடுக்கலாம்.

ஆண்டிமனியுடன் கந்தகத்தைச் சேர்த்து 250 – 400 பாகை செல்சியசு வெப்பநிலையில், மந்தமாம வளிமண்டல அழுத்தத்தில் வினைபுரியச் செய்தால் ஆண்டிமனி பென்டாசல்பைடு உருவாகிறது.

சிவப்புச் சாயமாக ஆண்டிமனி பென்டாசல்பைடு பயன்படுத்தப்படுகிறது. சிக்கிலிப்சு உப்பு எனப்படும் சோடியம் தயோஆண்டிமோனியேட்டு (Na3SbS4,) தயாரிப்பதற்கான முன்னோடி சேர்மமாகவும் இது பயன்படுகிறது. இவ்வினைக்கான சமன்பாடு:

3 Na2S + Sb2S5 + 9 H2O → 2 Na3SbS4•9H2O

பல சல்பைடுகளைப் போல ஆண்டிமனி பென்டாசல்பைடும் ஐதரோ குளோரிக் அமிலம் போன்ற வலிமையான அமிலங்களுடன் சேர்த்து சூடாக்கும் போது ஐதரசன் சல்பைடை வெளிவிடுகிறது^[3].

6 HCl + Sb2S5 → 2 SbCl3 + 3 H2S + 2 S

மோசுபாவுர் நிறமாலையியல் ஆண்டிமனி பென்டாசல்பைடு ஒரு ஆண்டிமனி(III) வழிப்பொருள் என பகுப்பாய்வு செய்கிறது. இதனால் அமிலமாக்கலின் போது ஆண்டிமனி(V) குளோரைடுக்குப் பதிலாக ஆண்டிமனி(III) குளோரைடு உருவாகிறது^[4]. இதிலிருந்து பாசுபரசு(V) சேர்மமான பாசுபரசு பென்டாசல்பைடின் ஓரினவரிசைச் சேர்மமாக ஆண்டிமனி பென்டாசல்பைடு இல்லை என்பது உறுதியாகிறது.