ကွန်ပျူတာတက္ကသိုလ်(မန္တလေး)

ကွန်ပျူတာတက္ကသိုလ် (မန္တလေး)
	ကွန်ပျူတာတက္ကသိုလ် (မန္တလေး)
ဆောင်ပုဒ်	မြန်မှန်တွက်ချက် တိုင်းပြည်အတွက်
အမျိုးအစား	အများဆိုင်
တည်ထောင်	၁ ဖေဖော်ဝါရီ ၂၀၀၂
ပါမောက္ခချုပ်	ဦးကျော်စွာစိုး
တည်နေရာ	စဉ့်ကိုင်မြို့နယ်၊ ကျောက်ဆည်ခရိုင်၊ မန္တလေးတိုင်းဒေသကြီး၊ မြန်မာနိုင်ငံ
ဝဘ်ဆိုဒ်	cumandalay.edu.mm

ကွန်ပျူတာတက္ကသိုလ်(မန္တလေး)သည် မန္တလေးတိုင်းဒေသကြီး၊ ကျောက်ဆည်ခရိုင်၊ စဉ့်ကိုင်မြို့နယ်၊ တအုံကျေးရွာ အနီးတွင် တည်ရှိသည်။ စုစုပေါင်း ဧရိယာအကျယ်အဝန်းမှာ ၁၃၈.၀၇ ဧက ဖြစ်သည်။^[၁]

သမိုင်းကြောင်း

ကွန်ပျူတာတက္ကသိုလ်(မန္တလေး) ၂၀၀၂ ခုနှစ်၊ ဖေဖော်ဝါရီလ ၁ ရက်နေ့တွင် စတင် ဖွင့်လှစ်ခဲ့သည်။ ပြည်ထောင်စုမြန်မာနိုင်ငံတော်၊ နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌရုံး၏ ၂၀၀၇ ခုနှစ်၊ ဇန်နဝါရီလ ၁၉ ရက် နေ့စွဲပါစာအမှတ်၊ ၀၁/နယက(ဥ)/စ၀-၁အရ၊ အစိုးရကွန်ပျူတာကောလိပ် မှ ကွန်ပျူတာတက္ကသိုလ်(မန္တလေး) အဆင့်သို့ ၂၀၀၇ ခုနှစ်၊ ဇန်နဝါရီ ၂၀ ရက်နေ့တွင် တိုးမြှင့်ခဲ့သည်။^[၁]

ပေးအပ်သောဘွဲ့အမျိုးအစားများ နှင့် သင်တန်းကာလများ


စဉ်	ဘာသာရပ်	ပေးအပ်သောဘွဲ့	သင်တန်းကာလ
၁။	ကွန်ပျူတာသိပ္ပံ	ကွန်ပျူတာသိပ္ပံဘွဲ့(B.C.Sc)	၅နှစ်
၂။	ကွန်ပျူတာနည်းပညာ	ကွန်ပျူတာနည်းပညာဘွဲ့(B.C.Tech)	၅နှစ်
၃။	မဟာကွန်ပျူတာသိပ္ပံ	ကွန်ပျူတာသိပ္ပံမဟာဘွဲ့(M.C.Sc)	၂နှစ်
၄။	မဟာကွန်ပျူတာနည်းပညာ	ကွန်ပျူတာနည်းပညာမဟာဘွဲ့(M.C.Tech)	၂နှစ်

အားလုံးသောပညာရပ်များအတွက် ပညာသင်နှစ် တစ်နှစ်စီကို ကာလ (၂)ခု ပိုင်းခြားထားသည်။ သင်တန်းကာလတစ်ပိုင်းစီတွင် သင်ကြားရေးနှင့် လက်တွေ့လုပ်ဆောင်မှုအတွက် (၁၈)ပတ်စီ ပိုင်းခြားထားသည်။ သင်တန်းကာလတစ်ပိုင်းစီအဆုံးတွင် စာမေးပွဲများကို ကျင်းပပါသည်။ အကဲဖြတ်မှု တစိတ်တပိုင်းအနေဖြင့် ကျောင်းခေါ်ချိန်၊ နည်းပြတန်းများနှင့် လက်တွေ့လုပ်ဆောင်မှု၊ အတန်းတွင်းတာဝန်များကိုပါ ထည့်သွင်းစဉ်းစားပါသည်။