ပုသိမ်တက္ကသိုလ်

ပုသိမ်တတက္ကသိုလ် သည် မြန်မာနိုင်ငံ၊ ဧရာဝတီတိုင်းဒေသကြီး၊ ပုသိမ်မြို့တွင် တည်ရှိသော ဝိဇ္ဇာသိပ္ပံတက္ကသိုလ်တစ်ခု ဖြစ်သည်။

ပုသိမ်တက္ကသိုလ်သည် ရ.ယ.က(၃)၊ ကန်သုံးဆင့်ရပ်ကွက်တွင် တည်ရှိသည်။ ၁၉၅၈ ခုနှစ် ဇူလိုင်လ ၇ ရက်နေ့တွင် ပုသိမ်ဥပစာကောလိပ် အဖြစ်လည်းကောင်း၊ ၁၉၆၄ ခုနှစ် နိုဝင်ဘာလ ၂ ရက်နေ့တွင် ပုသိမ်ကောလိပ် အဖြစ်လည်းကောင်း၊ ၁၉၈၁ ခုနှစ် နိုဝင်ဘာလ ၃၀ ရက်နေ့တွင် ပုသိမ်ဒီဂရီကောလိပ် အဖြစ်လည်းကောင်း၊ ၁၉၉၆ ခုနှစ် စက်တင်ဘာလ ၂ ရက်နေ့တွင် ပုသိမ်တက္ကသိုလ် အဖြစ်လည်းကောင်း အဆင့်ဆင့်တိုးမြှင့်လာခဲ့သော တက္ကသိုလ်တစ်ခုဖြစ်သည်။

ပုသိမ်တက္ကသိုလ်သည် ရန်ကုန်-ပုသိမ် လမ်းမကြီးဘက်မှလာလျှင် အရုပ်ကြီးအဝိုင်းကို ပတ်၍ အနော်ရထားလမ်းမကြီးအတိုင်း (တာလမ်းမကြီးလမ်း)အတိုင်း လာရောက်နိုင်ပြီး၊ ချောင်းသာ၊ ငွေဆောင်လမ်း (တောင်ပေါ်လမ်း)မှလဲ ဝင်ရောက်နိုင်သည်။ ဧရိယာဧက (၃၀၅.၃၉)နှင့် မကျီးဒေသ၊ ရွှေသောင်ယံ၊ အဏ္ဏဝါသိပ္ပံသုတေသနနှင့် လေ့ကျင့်ရေးစခန်း (၂၅.၇၆)ဧက အပါအဝင် စုစုပေါင်း (၃၃၁.၁၅)ဧက ကျယ်ဝန်းသည်။

ပုသိမ်တက္ကသိုလ်တွင် အောက်ပါ ဘာသာရပ်သင်တန်းများကို သင်ကြားပို့ချပေးနေသည်။

နေ့သင်တန်း (ကျောင်းသား၊ ကျောင်းသူများ)အတွက်

• ဝိဇ္ဇာဘွဲ့
• သိပ္ပံဘွဲ့
• ဝိဇ္ဇာဘွဲ့ (ဂုဏ်ထူး)
• သိပ္ပံဘွဲ့ (ဂုဏ်ထူး)
• ဥပဒေဘွဲ့
• မဟာဥပဒေဘွဲ့
• မဟာဝိဇ္ဇာဘွဲ့
• မဟာသိပ္ပံဘွဲ့
• ပါရဂူဘွဲ့ (အဏုဇီဝဗေဒ) အထူးပြုတစ်ခုသာ

အဝေးသင် သင်တန်း (ကျောင်းသား၊ ကျောင်းသူများ)အတွက်

• ဝိဇ္ဇာဘွဲ့
• သိပ္ပံဘွဲ့
• ဥပဒေဘွဲ့

• တက္ကသိုလ်ဘုန်းနိုင် - စာရေးဆရာ
• ဒေါက်တာ ထက်အာကာ

• ထူးအိမ်သင် - တေးရေးတေးဆို