மலேசிய கூட்டரசு சாலை 18

மலேசிய கூட்டரசு சாலை 18 Malaysia Federal Route 18 Laluan Persekutuan Malaysia 18
இசுகந்தர் சா சாலை Jalan Iskandar Shah
வழித்தடத் தகவல்கள்
நீளம்:	11.52 km (7.16 mi)
முக்கிய சந்திப்புகள்
மேற்கு முடிவு:	லூமுட்
	A186 தெலுக் மூரோ சாலை 100 மலேசிய கூட்டரசு சாலை மலேசிய கூட்டரசு சாலை 5 டின்டிங் மாற்றுவழி
கிழக்கு முடிவு:	சித்தியவான்
அமைவிடம்
முதன்மை இலக்குகள்:	பங்கோர் தீவு தெலுக் பாத்திக் செரி மஞ்சோங்
நெடுஞ்சாலை அமைப்பு
மலேசிய நெடுஞ்சாலைகள் விரைவுச் சாலை கூட்டரசு மாநிலம்

மலேசிய கூட்டரசு சாலை 18 அல்லது இசுகந்தர் சா சாலை (ஆங்கிலம்: Malaysia Federal Route 18 அல்லது Jalan Iskandar Shah; மலாய்: Laluan Persekutuan Malaysia 18 அல்லது Jalan Iskandar Shah) என்பது தீபகற்ப மலேசியா, பேராக், மஞ்சோங் மாவட்டத்தில் உள்ள ஒரு சாலை ஆகும்.^[1]

இந்தச் சாலை, பேராக், மஞ்சோங் மாவட்டத்தின் சித்தியவான் நகரத்தையும்; லூமுட் நகரத்தையும் இணைக்கிறது.^[2]

இந்தச் சாலை 11.52 km (7.16 mi) நீளம் கொண்டது; மற்றும் பங்கோர் தீவிற்குச் செல்லும் முக்கியச் சாலையாகவும் விளங்குகிறது. மலேசிய கூட்டரசு சாலை 18-இன் பெரும்பாலான பிரிவுகள், ஜேகேஆர் R5 (JKR R5) சாலைத் தரத்தின் கீழ் அமைக்கப்பட்டுள்ளன; மேலும் அதிகபட்ச வேக வரம்பு 90 கி.மீ. (56 மைல்) வரை அனுமதிக்கப் படுகிறது.^[3]

பங்கோர் தீவு மலேசியா, பேராக், மஞ்சோங் மாவட்டத்தில் உள்ள ஒரு தீவு. இந்தத் தீவு, மலேசியாவில் மட்டும் அல்ல; உலகளாவிய நிலையில் நன்கு அறியப்பட்ட சுற்றுலா இடமாகும். பினாங்கு மற்றும் கோலாலம்பூருக்கு இடையில் பேராக், லூமுட் கடற்கரையில் பங்கோர் தீவு அமைந்து உள்ளது.

பருவமழை தாக்கத்தால் பாதிப்பு இல்லாத தீவு; ஆண்டு முழுவதும் மிதமான தட்பவெப்ப நிலை. மலேசியாவில் பார்க்க வேண்டிய பிரபலமான இடங்களில் ஒன்றாகும்.^[4]

பங்கோர் தீவிற்கு அருகில் பாங்கோர் லாவுட் தீவு (Pangkor Laut Island); கியாம் தீவு (Giam Island); மெந்தாகோர் தீவு (Mentagor Island); சிம்பான் தீவு (Simpan Island) மற்றும் துக்குன் தெரிண்டாக் தீவு (Tukun Terindak Island) ஆகிய தீவுகள் உள்ளன.^[5]

பங்கோர் தீவு 18 சதுர கி மீ. நிலப்பரப்பைக் கொண்டது. தீபகற்ப மலேசியாவில் இருந்து மலாக்கா நீரிணையில் 3.5 கிலோமீட்டர் (2.2 மைல்) தொலைவில் உள்ளது. தீவின் உட்புறத்தில் நிறைய காடுகள் உள்ளன. அந்தக் காடுகளில் 65 ஊர்வன இனங்கள்; 17 நிலநீர் வாழ்வன இனங்கள்; மற்றும் 82 ஊர்வன இனங்கள் (herpetofaunal species) உள்ளன.^[6]

• 
  லூமுட் நகரம் (2023)
• 
  கம்போங் பத்து 1 (2023)
• 
  தித்தி பாஞ்சாங் (2023)
• 
  தாமான் பந்தாய் லூமுட் (2023)
• 
  கம்போங் தெபிங் (2023)

• மலேசிய கூட்டரசு சாலை (ஆங்கிலம்: Malaysia Federal Route; மலாய்: Laluan Persekutuan Malaysia)
• மலேசிய நெடுஞ்சாலை: (ஆங்கிலம்: Malaysian Highway; மலாய்: Laluan Malaysia)
• மலேசிய விரைவுச்சாலை: (ஆங்கிலம்: Malaysian Expressway; மலாய்: Lebuhraya Malaysia)

• பங்கோர் தீவு
• பங்கோர் டச்சு கோட்டை
• பங்கோர் உடன்படிக்கை 1874
• மஞ்சோங் மாவட்டம்
• லூமுட் மக்களவைத் தொகுதி