துன் டாக்டர் லிம் சோங் யூ விரைவுச்சாலை

கூட்டரசு சாலை 3113
	துன் டாக்டர் லிம் சோங் யூ; விரைவுச்சாலை; Tun Dr Lim Chong Eu Expressway
வழித்தடத் தகவல்கள்
நீளம்:	17.84 km (11.09 mi)
முக்கிய சந்திப்புகள்
North முடிவு:	வெல்ட் குவே, ஜார்ஜ் டவுன்
	JKR(P)19 பினாங்கு மிடல்ரிங் சாலை; பினாங்கு இரண்டாவது பாலம்; துன் டாக்டர் அவாங் சாலை; JKR(P)10 பத்து மாவுங் சாலை; பினாங்கு இரண்டாவது பாலம்
South முடிவு:	பத்து மாவுங்
அமைவிடம்
முதன்மை; இலக்குகள்:	குளுகோர்; பாயான் லெப்பாஸ்; பாயான் லெப்பாஸ் தொழில்துறை வளாகம்; பினாங்கு இரண்டாவது பாலம் ; பினாங்கு பன்னாட்டு வானூர்தி நிலையம்
நெடுஞ்சாலை அமைப்பு
	மலேசிய நெடுஞ்சாலைகள்; விரைவுச் சாலை; கூட்டரசு; மாநிலம்;

துன் டாக்டர் லிம் சோங் யூ விரைவுச்சாலை அல்லது கூட்டரசு சாலை 3113 (மலேசியா) ஆங்கிலம்: Tun Dr Lim Chong Eu Expressway அல்லது Federal Route 3113; சீனம்: 林倉祐大道; மலாய்: Lebuhraya Tun Dr Lim Chong Eu அல்லது Jalan Persekutuan 3113; என்பது மலேசியாவின் பினாங்கில் உள்ள ஒரு விரைவுச்சாலை ஆகும். இந்தச் சாலை ஜார்ஜ் டவுன் நகரத்தை பத்து மாவுங் நகர்ப் பகுதியுடன் இணைக்கிறது.^[1]

17.84 கி.மீ. (11.09 மைல்) நீளம் கொண்ட இந்த விரைவுச் சாலை, பினாங்கு தீவின் கிழக்குக் கடற்கரையைச் சுற்றி வருகிறது. முன்னாள் பினாங்கின் முதல்வர் துன் டாக்டர் லிம் சோங் யூ நினைவாக 7 டிசம்பர் 2010-இல் அமைக்கப்பட்டது.^[2]

பொது

இந்த விரைவுச்சாலையின் கிலோமீட்டர் 0, பத்து மாவுங் நகர்ப் பகுதியில் அமைந்துள்ளது. இந்தச் சாலையில் இரண்டு பிரிவுகள் உள்ளன:

ஜெலுத்தோங் விரைவுச் சாலை (Jelutong Expressway);

பாயான் லெப்பாஸ் விரைவுச் சாலை (Bayan Lepas Expressway).

பின்னணி

1983-ஆம் ஆண்டு பினாங்கு பாலம் கட்டப்படும் போது இங்கு ஒரு முன்னோடிச் சாலை உருவாக்கப் பட்டது. 1985-இல் சாலை கட்டுமானம் முடிவுற்றது. பின்னர், இந்தச் சாலை வடக்கு நோக்கி ஜெலுத்தோங் விரைவுச் சாலையாகவும்; தெற்கே பாயான் லெப்பாஸ் விரைவுச் சாலையாகவும் நீட்டிக்கப்பட்டது.

முன்னாள் பினாங்கு முதல்வர் லிம் சோங் யூ 24 நவம்பர் 2010-இல் காலமானார். அவர் இறந்த பிறகு, 2010 டிசம்பர் 7-ஆம் தேதி, பினாங்கு மாநில அரசாங்கம் அவரின் நினைவாக அந்த விரைவுச் சாலைக்கு துன் டாக்டர் லிம் சோங் யூ விரைவுச்சாலை எனப் பெயரை மாற்றியது.^[3]

துன் டாக்டர் லிம் சோங் யூ விரைவுச்சாலையில் தெங்கு குடின் – குளுகோர் சாலையும் ( ) (Jalan Tengku Kudin–Gelugor-Penang Bridge) இணைகிறது.