மலேசிய கூட்டரசு சாலை 51

மலேசிய கூட்டரசு சாலை 51 Malaysia Federal Route 51 Laluan Persekutuan Malaysia 51
சிரம்பான்-கோலா பிலா சாலை Seremban-Kuala Pilah Road Jalan Seremban-Kuala Pilah
வழித்தடத் தகவல்கள்
பராமரிப்பு மலேசிய பொதுப்பணித் துறை
நீளம்:	36.26 km (22.53 mi)
முக்கிய சந்திப்புகள்
மேற்கு முடிவு:	சிரம்பான்
	கூட்டரசு சாலை 1 சிரம்பான் உள்வட்டச் சாலை கூட்டரசு சாலை 86 செனவாங்-பாரோய் சாலை காஜாங்–சிரம்பான் நெடுஞ்சாலை பெர்சியாரான் செனவாங் 1 புக்கிட் புத்துஸ் லாமா சாலை கூட்டரசு சாலை 9
கிழக்கு முடிவு:	கோலா பிலா
அமைவிடம்
முதன்மை இலக்குகள்:	செனவாங்; பாரோய்; உலு பெண்டோல்; செரி மெனாந்தி; தஞ்சோங் ஈப்போ; அம்பாங் திங்கி; கோலா பிலா
நெடுஞ்சாலை அமைப்பு
மலேசிய நெடுஞ்சாலைகள் விரைவுச் சாலை கூட்டரசு மாநிலம்

சிரம்பான்-கோலா பிலா சாலை அல்லது மலேசிய கூட்டரசு சாலை 51 (ஆங்கிலம்: Malaysia Federal Route 51; அல்லது Seremban-Kuala Pilah Road); மலாய்: Laluan Persekutuan Malaysia 51 அல்லது Jalan Seremban-Kuala Pilah) என்பது மலேசியா, நெகிரி செம்பிலான் மாநிலத்தின் சிரம்பான்; கோலா பிலா; மாவட்டங்களில் உள்ள கூட்டரசு சாலை ஆகும்.^[1]

நெகிரி செம்பிலான் மாநிலத்தில் மிகவும் பரபரப்பான சாலையாக அறியப்படுகிறது.

இந்தச் சாலையின் கிலோமீட்டர் 0; சிரம்பான் நகரில் மலேசிய கூட்டரசு சாலை 1-இன் சாலைப் பரிமாற்றத்தில் அமைந்துள்ளது. சிரம்பான் நகரில் தொடங்கும் இந்தச் சாலை, பின்னர் அம்பாங்கான் மற்றும் பாரோய் நகர்ப் பகுதிகளில் மலேசிய கூட்டரசு சாலை 97 -ஐ சந்திக்கிறது.

அதன் பின்னர் காஜாங்-சிரம்பான் நெடுஞ்சாலை எனும் LEKAS நெடுஞ்சாலையையும் மற்றும் பெர்சியாரான் செனவாங் 1 எனும் சாலையையும் சந்திக்கிறது.

இதைத் தொடர்ந்து தித்திவாங்சா மலைத்தொடர் வழியாகச் சென்று புக்கிட் புத்துஸ் கிராமப் பகுதியில் உள்ள புக்கிட் புத்துஸ் சாலையை வெட்டிச் செல்கிறது. அடுத்தக் கட்டமாக செரி மெனாந்தி பகுதியில் உள்ள தெராச்சி சாலை N29 மற்றும் தஞ்சோங் ஈப்போ சாலை N24 ஆகிய சாலைகளுக்கு முதன்மைச் சாலையாக அமைகிறது.

இறுதியில் இந்தச் சாலை, காராக்-தம்பின் நெடுஞ்சாலை -ஐ கோலா பிலா நகரத்தில் சந்திக்கிறது.

1920-களில் பிரித்தானியர்களால் இந்தச் சாலை அமைக்கப்பட்டது. 48 மீட்டர் உயரமுள்ள புக்கிட் புத்தூஸ் மேம்பாலம் மலேசியாவின் நான்காவது உயரமான பாலமாகும். புக்கிட் புத்தூஸ் சாலை என்று அழைக்கப்படும் பாரோய் முதல் உலு பெண்டுல் வரையிலான சிரம்பான்-கோலா பிலா சாலை, அதன் குறுகிய மற்றும் ஆபத்தான கூர்மையான சாலை முனைகளுக்குப் பெயர் பெற்றது.

புக்கிட் புத்தூஸ் மேம்பாலம் உட்பட புதிய 6.7 கிமீ புறவழிச்சாலையின் கட்டுமானம் 2006=ஆம் ஆண்டு தொடங்கப்பட்டு 2009-ஆம் ஆண்டின் தொடக்கத்தில் நிறைவடைந்தது. நவம்பர் 2009-இல் புறவழிச்சாலை போக்குவரத்துக்கு திறக்கப்பட்டது. பழைய சிரம்பான்-கோலா பிலா சாலை; புக்கிட் புத்தூஸ் லாமா சாலை என மீண்டும் அரசிதழில் வெளியிடப்பட்டது.

இந்த நெடுஞ்சாலையின் பெரும்பாலான பகுதி, ஜேகேஆர் R5 (JKR R5) சாலைத் தரத்தின் கீழ் அமைக்கப்பட்டுள்ளது.

மேலும் அதிகபட்ச வேக வரம்பு 90 கி.மீ. (56 மைல்) வரை அனுமதிக்கப் படுகிறது. அத்துடன், சில பிரிவுகளில் விசையுந்து பாதைகளும் உள்ளன.^[2]

• மலேசிய கூட்டரசு சாலை (ஆங்கிலம்: Malaysia Federal Route; மலாய்: Laluan Persekutuan Malaysia)
• மலேசிய நெடுஞ்சாலை: (ஆங்கிலம்: Malaysian Highway; மலாய்: Laluan Malaysia)
• மலேசிய விரைவுச்சாலை: (ஆங்கிலம்: Malaysian Expressway; மலாய்: Lebuhraya Malaysia)

• செனவாங்
• பாரோய்
• செரி மெனாந்தி
• கோலா பிலா