2009 இந்தியப் பொதுத் தேர்தல்

இந்தியப் பொதுத் தேர்தல், 2009

← 2004 16 ஏப்ரல், 22/23 ஏப்ரல், 30 ஏப்ரல், 7 மே மற்றும் 13 மே 2009 2014 →
மக்களவையின் அனைத்து 543 இடங்களுக்கும்
பதிவு செய்த வாக்காளர்கள்	716,985,101
வாக்களித்தோர்	58.21% 0.14%
First party Second party Third party   தலைவர் மன்மோகன் சிங் அத்வானி பிரகாஷ் காரத் கட்சி காங்கிரசு பாஜக மார்க்சிஸ்ட் கம்யூனிஸ்டு கட்சி கூட்டணி ஐ.மு.கூ தே.ச.கூ மூன்றாம் அணி தலைவரான ஆண்டு 22 மே 2004 1 ஜூன் 2004 11 ஏப்ரல் 2005 தலைவர் போட்டியிட்ட தொகுதி அசாம் (மாநிலங்களவை) காந்திநகர் - முந்தைய தேர்தல் 145 இடங்கள் 138 இடங்கள் 43 இடங்கள் வென்ற இருக்கைகள் 206 116 16 மாற்றம் 61 ▼22 ▼27 மொத்த வாக்குகள் 119,111,019 78,435,381 22,219,111 விழுக்காடு 28.55% 18.80% 5.33% மாற்றம் 0.25% ▼ 3.36% ▼0.33%
தேர்தலின் முடிவுகள்
முந்தைய இந்தியப் பிரதமர் மன்மோகன் சிங் ஐக்கிய முற்போக்குக் கூட்டணி இந்தியப் பிரதமர்-தேர்வாள் மன்மோகன் சிங் ஐக்கிய முற்போக்குக் கூட்டணி

இந்தியக் குடியரசின் பதினைந்தாவது மக்களவையை தேர்தல் 5 கட்டங்களாக 2009ல் நடைபெற்றது. இது 30 ஆண்டுகளுக்கு பிறகு மாற்றியமைக்கப்பட்ட தொகுதிகளை கொண்டு நடத்தப்பட்டது.^[1] தேர்தலில் வெற்றி பெற்ற உறுப்பினர்களைக் கொண்டு பதினைந்தாவது மக்களவை கட்டமைக்கப்பட்டது. ஆட்சியில் இருந்த இந்திய தேசிய காங்கிரசு தலைமையில் ஐக்கிய முற்போக்குக் கூட்டணி மீண்டும் வெற்றி பெற்று மன்மோகன் சிங் இரண்டாம் முறையாக பிரதமரானார்.

ஏப்ரல் 16, ஏப்ரல் 23, ஏப்ரல் 30, மே 7, மே 13 ஆகிய தேதிகளில் நடைபெறும் என தேர்தல் ஆணையம் அறிவித்தது. மணிப்பூரில் ஏப்ரல் 23 உள்ளூர் விடுமுறை ஆதலால் ஒரு நாள் முன்னதாக ஏப்ரல் 22 அன்று தேர்தல் நடைபெற்றது.^[2]

ஜம்மு காஷ்மீர், உத்திர பிரதேசம் ஆகிய மாநிலங்களில் 5 கட்டங்களிலும், பீகாரில் நான்கு கட்டங்களிலும், மகாராட்டிரம், மேற்கு வங்காளத்தில் மூன்று கட்டங்களிலும், ஆந்திரப்பிரதேசம், அசாம், ஜார்கண்ட், கர்நாடகா, மத்திய பிரதேசம், மணிப்பூர், ஒரிசா, பஞ்சாப் ஆகிய மாநிலங்களில் 2 கட்டங்களிலும் மற்ற மாநிலங்களில் ஒரே கட்டத்திலும் தேர்தல் நடைபெற்றது.

முதல் கட்டம் - ஏப்ரல் 16 - அந்தமான் நிக்கோபார் தீவுகள், அருணாசலப் பிரதேசம், சத்தீஸ்கர், கேரளம், லட்சத்தீவுகள், மேகாலயா, மிசோரம், நாகாலாந்து, ஆந்திரப் பிரதேசம், அஸ்ஸாம், ஜார்க்கண்ட், மணிப்பூர், ஒரிசா, மகாராட்டிரம், பீகார், ஜம்மு காஷ்மீர், உத்திரப் பிரதேசம்

இரண்டாம் கட்டம் - ஏப்ரல் 23 - கோவா, திரிபுரா, ஆந்திரப் பிரதேசம், அஸ்ஸாம், ஜார்க்கண்ட், மணிப்பூர், ஒரிசா, கர்நாடகம், மத்தியப் பிரதேசம், மகாராட்டிரம், ஜம்மு காஷ்மீர், உத்திரப் பிரதேசம்.

மூன்றாம் கட்டம் - ஏப்ரல் 30 தமன் தியூ, தாத்ரா மற்றும் நகர் ஹவேலி, குஜராத், சிக்கிம், கர்நாடகம், மத்தியப் பிரதேசம், மகாராட்டிரம், மேற்கு வங்காளம், பீகார், ஜம்மு காஷ்மீர், உத்திரப் பிரதேசம்.

நான்காம் கட்டம் - மே 7 - தில்லி, அரியானா, இராஜஸ்தான், பஞ்சாப், மேற்கு வங்காளம், பீகார், ஜம்மு காஷ்மீர், உத்திரப் பிரதேசம்.

ஐந்தாம் கட்டம் - மே 13 - சண்டிகர், இமாச்சலப் பிரதேசம், புதுச்சேரி, தமிழ்நாடு, உத்தராகண்டம், பஞ்சாப், மேற்கு வங்காளம், ஜம்மு காஷ்மீர், உத்திரப் பிரதேசம்.

குறிப்பு:-

• கட்டம் 2அ - இது மணிப்பூருக்கு மட்டும் (ஏப்ரல் 23 விடுமுறையாதலால் தனி நிகழ்ச்சி நிரல்)
• கட்டம் 3ஆ - இது ஜம்மு காஷ்மீருக்கு மட்டும் (ஏப்ரல் 13, 14 விடுமுறையாதலால் தனி நிகழ்ச்சி நிரல்)
• கட்டம் 3இ - இது குஜராத், தமன் தியூ, தாத்ரா மற்றும் நகர் ஹவேலி & சிக்கிமுக்கு மட்டும் (ஏப்ரல் 10 இம் மாநிலக்களுக்கு \ யூபி-ங்களுக்கு விடுமுறை இல்லை ஆனால் மூன்றாம் கட்டத்தில் தேர்தல் நடக்கும் மற்ற மாநிலங்களுக்கு அன்று விடுமுறையாதலால் தனி நிகழ்ச்சி நிரல்)
• கட்டம் 5ஆ - இது உத்திரப் பிரதேசத்திற்கு மட்டும் (ஏப்ரல் 27 விடுமுறையாதலால் தனி நிகழ்ச்சி நிரல்)

குறிப்பு (*) - சராசரியாக வாக்களித்தோர் (விழுக்காட்டில்)

(**) - வாக்களித்தோர் (விழுக்காட்டில்)

ஆந்திரப் பிரதேசம், ஒரிசா, சிக்கிம் ஆகிய மாநிலங்களின் சட்டமன்றங்கள் முறையே மே 30, ஜூன் 29, ஜூன் 23 ஆகிய தேதிகளில் முடிவதால் இவற்றிற்கு பொதுத் தேர்தலுடன் இணைத்து தேர்தல் நடத்தப்படுகிறது

• ஐக்கிய முற்போக்குக் கூட்டணி - United Progressive Alliance

• இந்திய தேசிய காங்கிரசு
• தேசியவாத காங்கிரசு கட்சி
• இராச்டிரிய ஜனதா தளம்
• லோக் சனசக்தி கட்சி
• திராவிட முன்னேற்றக் கழகம்
• விடுதலைச் சிறுத்தைகள்

• பீகாரில் லாலு பிரசாத் யாதவின் இராச்டிரிய ஜனதா தளம் இராம் விலாசு பாசுவான் தலைமையிலான லோக் சன சக்தி கட்சியிடம் செய்து கொண்ட உடன்படிக்கைப்படி இராச்டிரிய ஜனதா தளம் 24 இடங்களிலும் லோக் சன சக்தி கட்சி 12 இடங்களிலும் போட்டியிடும். காங்கிரசுக்கு 3 இடங்களை அவை ஒதுக்கியுள்ளன.^[7]. தொகுதி பங்கீடு பேச்சுவார்த்தைக்கு காங்கிரசு அழைக்கப்படவில்லை. 3 இடங்கள் ஒதுக்கப்பட்டிருப்பதால் காங்கிரசு அதிருப்தியில் உள்ளது. இவ்வுடன்படிக்கையை ஏற்றுக்கொள்ள முடியாது என அறிவித்துள்ளது.^[8]

• மகாராட்டிராவில் இந்திய தேசிய காங்கிரசுக்கும் தேசியவாத காங்கிரசு கட்சிக்கும் தொகுதிகளை பகிர்ந்து கொள்வதில் உடன்பாடு ஏற்பட்டுள்ளது. இதன் படி இந்திய தேசிய காங்கிரசு 26 இடங்களிலும், தேசியவாத காங்கிரசு கட்சி 22 இடங்களிலும் போட்டியிடுகின்றன.^[9][10]

• தமிழகத்தில் பா.ம.க அதிமுகவுடன் மக்களவை தேர்தலில் கூட்டணி வைக்க அக்கட்சியின் பொது குழு முடிவெடுத்துள்ளது,^[11][12] அதைத்தொடர்ந்து மத்திய அமைச்சர்களாக உள்ள அன்புமணி இராமதாசு & வேலு ஆகியோர் இன்னும் 2 நாட்களில் பதவி விலக உள்ளனர்.^[13][14]

• தேசிய ஜனநாய கூட்டணி

• பாரதிய ஜனதா கட்சி
• சிவசேனா
• ஜனதா தளம் (ஐக்கிய)

+ மகாராட்டிராவில் சிவசேனாவுக்கும் பாஜகவுக்கும் தொகுதிகளை பகிர்ந்து கொள்வதில் உடன்பாடு ஏற்பட்டுள்ளது. இதன் படி சிவசேனா 22 இடங்களிலும், பாஜக 26 இடங்களிலும் போட்டியிடுகின்றன ^[15].

• ஐக்கிய தேசிய முற்போக்கு கூட்டணி

• இந்திய பொதுவுடமைக் கட்சி (மார்க்சியம்)
• பகுஜன் சமாஜ் கட்சி
• இந்திய பொதுவுடமைக் கட்சி
• தெலுங்கு தேசம் கட்சி
• அனைத்திந்திய பார்வார்டு ப்ளாக்
• அனைத்திந்திய அண்ணா திராவிட முன்னேற்றக் கழகம்
• மறுமலர்ச்சி திராவிட முன்னேற்றக் கழகம்

• பிஜு ஜனதா தளம்^[16][17] - தேசிய ஜனநாய கூட்டணியில் இருந்த பிஜு ஜனதா தளம் பாஜகவுடனான தனது உறவை முறித்துக்கொண்டது ^[18]. இது வரை எந்த கூட்டணியிலும் இணையவில்லை எனவும் தேர்தலுக்கு பிறகு கூட்டணி வைத்து அரசில் பங்கேற்பது எனவும் முடிவெடுத்துள்ளது. எனினும் இக்கட்சியை மூன்றாவது அணியில் இணைக்க இந்திய பொதுவுடமைக் கட்சி (மார்க்சியம்) தலைவர்கள் முயன்று வருகிறார்கள்.

• சமாஜ்வாதி கட்சி உடன் காங்கிரசு உத்திரப்பிரதேசத்தில் வைக்க முயன்ற கூட்டணி, தொகுதி ஒதுக்கீட்டில் ஏற்பட்ட சிக்கல் காரணமாக முறிந்தது.^[19]

• அகில இந்திய திரிணாமுல் காங்கிரசு உடன் மேற்கு வங்காளத்தில் காங்கிரசு கட்சி உடன்படிக்கை செய்து கொண்டு தேர்தலை சந்திக்கிறது ^[20],^[21]., உடன்படிக்கைப்படி காங்கிரசு 12 இடங்களிலும் திரிணாமுல் காங்கிரசு 28 இடங்களிலும் போட்டியிடும்^[22].

• வாக்குரிமை கொண்டோர்: 713,77 கோடி
• வாக்குப் பதிவு நிலையங்கள்: 834,944
• காவலர்கள்: 2.1 மில்லியன்
• தேர்தல் அலுவலர்கள்: 46,90,575 லட்சம்
• இத்தேர்தலில் போட்டியிட்ட மொத்த வேட்பாளர்கள் = 8070, அதில் ஆண் வேட்பாளர்கள் = 7514 பெண் வேட்பாளர்கள் = 556
• அதிகளவாக தென் சென்னை தொகுதியில் 43 வேட்பாளர்கள் போட்டியிட்டனர், குறைந்தளவாக நாகாலாந்தில் 3 வேட்பாளர்கள் போட்டியிட்டனர்.
• மின் வாக்குப்பதிவு இயந்திரங்கள்: 1.1 மில்லியன்

ஆதாரங்கள்:^[23][24][25]

காங்கிரசு தலைமையிலான ஐக்கிய முற்போக்குக் கூட்டணி 262 இடங்களிலும் பாசக தலைமையிலான தேசிய ஜனநாய கூட்டணி 160 இடங்களிலும் இடதுசாரிகள் உள்ள மூன்றாவது அணி 79 இடங்களிலும் 4வது அணி 28 இடங்களிலும் மற்றவர்கள் 14 இடங்களிலும் வென்றார்கள்.^[26] அதிக இடங்களில் வென்ற ஐக்கிய முற்போக்குக் கூட்டணி ஆட்சி அமைத்தது.

மூலம்: இந்திய தேர்தல் ஆணையம்^[27]

தமிழ்நாட்டில் இந்திய நாடாளுமன்றத் தேர்தல், 2009

• இந்திய தேர்தல் ஆணையம் - (ஆங்கில மொழியில்)
• India: Democracy's dance - (ஆங்கில மொழியில்)

• தேர்தலின் திசைகள்
• தேர்தல்-2009