Дамок у Каломне

«Дамо́к у Кало́мне» — жартоўная паэма Аляксандра Сяргеевіча Пушкіна, напісаная ім у 1830 годзе ў Болдзінскую восень (скончана 10 кастрычніка)^[1]. Напісана актавамі, прычым першыя строфы прысвечаны металітаратурнаму абмеркаванню вартасцей гэтай страфы.

Паэма створана ў адказ на папрокі «Северной пчелы» пра тое, што Пушкін не піша «сур'ёзныя» творы ў славу поспехаў рускай зброі. Ён намерваўся друкаваць паэму ананімна, але пазней адмовіўся ад гэтай задумы і выключыў з друкаванага варыянта звязаныя з гэтай тэмай строфы.

Чарнавых варыянтаў паэмы не захавалася, адзіная рукапісная крыніца — так званы «Белавы аўтограф з папраўкамі», які захоўваецца ў рукапісным аддзеле Пушкінскага Дома (ПД, ф. 244, оп. 1, № 905)^[2]. Упершыню надрукавана ў 1833 годзе ў альманаху «Новоселье» з не зусім патлумачанай датыроўкай 1829 годам^[3].

У першай рэдакцыі 54 актавы: 22 актавы прадмовы, 30 актаў асноўнага тэксту і 2 актавы заканчэння. Канчатковы варыянт складаецца з 40 актаў. Пры публікацыі таксама быў прапушчаны эпіграф: «Modo vir, modo femina», Ovidius^[4].

Паэма перакладзена на беларускую мову Аркадзем Куляшовым.

• Беларускі пераклад Аркадзя Куляшова