Сухапутныя войскі Рэспублікі Беларусь

Сухапутныя войскі Рэспублікі Беларусь
Сухапутныя войскі Рэспублікі Беларусь
	Эмблема Сухапутных войскаў Рэспублікі Беларусь
Гады існавання	з 20 сакавіка 1992 года па цяперашні час
Краіна	Беларусь
Падпарадкаванне	Міністэрства абароны Рэспублікі Беларусь
Уваходзіць у	Узброеныя сілы
Тып	Від узброеных сіл
Колькасць	11 700 (2023)
Дыслакацыя	Беларусь;
Камандзіры
Вядомыя камандзіры	генерал-маёр Аляксандр Мікалаевіч Нікіцін

Сухапу́тныя во́йскі Рэспу́блікі Белару́сь — адзін з відаў Узброеных сілаў Рэспублікі Беларусь.

У Рэспубліцы Беларусь Сухапутныя войскі з’яўляюцца самым шматлікім і рознабаковым па баявым складзе відам Узброеных Сіл. Яны валодаюць вялікай агнявой і ўдарнай магутнасцю, высокай манеўранасцю і самастойнасцю.

Сухапутныя войскі прызначаны для вырашэння задач па адбіццю ўдараў праціўніка і яго разгрому ў выпадку развязвання ім агрэсіі. Выкарыстоўваючы абаронныя магчымасці, Сухапутныя войскі ў стане эфектыўна весці барацьбу з наземным і паветраным праціўнікам ва ўзаемадзеянні з Ваенна-паветранымі сіламі і войскамі супрацьпаветранай абароны.

Сухапутныя войскі складаюцца з родаў войскаў і спецыяльных войскаў. Роды войскаў і спецыяльныя войскі ў залежнасці ад характару задач, якія яны выконваюць, маюць уласцівыя ім узбраенне, ваенную тэхніку і арганізацыю.

Для вырашэння баявых задач Сухапутныя войскі маюць у сваім складзе механізаваныя злучэнні, ракетныя войскі і артылерыю, воінскую СПА, спецыяльныя войскі, часці і ўстановы тылавога і тэхнічнага забеспячэння.

Задачы Сухапутных войскаў

У мірны час:

падтрыманне баявога патэнцыялу, баявой і мабілізацыйнай гатоўнасці органаў кіравання, злучэнняў, воінскіх часцей і ўстаноў Сухапутных войскаў на ўзроўні, які забяспечвае адбіццё нападу лакальнага маштабу;
забеспячэнне пераводу войскаў з мірнага на ваенны час ва ўстаноўленыя тэрміны для выканання задач па адбіццю агрэсіі суперніка;
нясенне баявога дзяжурства вылучанымі сіламі і сродкамі;
падрыхтоўка органаў кіравання і войскаў да вядзення баявых дзеянняў і выканання іншых задач у адпаведнасці з іх прызначэннем;
стварэнне і ўтрыманне запасаў узбраення, ваеннай тэхнікі і матэрыяльных сродкаў у аб’ёмах, якія забяспечваюць гарантаванае рашэнне задач, якія стаяць перад Сухапутнымі войскамі;
удзел у ліквідацыі наступстваў аварый, катастроф і стыхійных бедстваў;
падтрыманне на высокім узроўні маральна-псіхалагічнага стану асабовага складу.

У ваенны час:

выкананне задач па плану стратэгічнага разгортвання Узброеных Сіл Рэспублікі Беларусь;
лакалізацыя (спыненне) магчымых ваенных канфліктаў, адбіццё агрэсіі праціўніка боегатовымі ў мірны час часцямі Сухапутных войскаў, а пры неабходнасці — з адмабілізаваннем злучэнняў і часцей;
адбіццё нападу ў любых умовах стратэгічнай абстаноўкі як самастойна, так і сумесна з узброенымі сіламі саюзнікаў;
правядзенне сумесна з ВПС і войскамі СПА Узброеных Сіл Рэспублікі Беларусь (пры ўдзеле узброеных сіл краін СНД, якія падпісалі Дагавор аб калектыўнай бяспецы) абарончых і контрнаступальнай аперацый па разгрому агрэсара;
нанясенне паражэння праціўніку і стварэнне перадумоў да спынення ваенных дзеянняў;
фарміраванне і падрыхтоўка рэзерваў, папаўненне страт войскаў у асабовым складзе, узбраенні і ваеннай тэхніцы па спецыяльнасцях і наменклатуры Сухапутных войскаў.

Аснову Сухапутных войскаў складаюць аператыўныя групіроўкі на Заходнім і Паўночна-заходнім аперацыйных накірунках, якія здольны ва ўмовах мірнага часу выканаць задачы па лакалізацыі і нейтралізацыі ўзброенага канфлікту, а пры неабходнасці весці лакальную вайну, забяспечваючы своечасовае аператыўна-стратэгічнае разгортванне ўсіх Узброеных Сіл, усёй ваеннай арганізацыі дзяржавы .

Арганізацыйна Сухапутныя войскі складаюцца з аператыўных групіровак войскаў, злучэнняў, воінскіх часцей родаў войскаў і спецыяльных войскаў, навучальных і іншых воінскіх часцей.

Структура

Сухапутныя войскі непасрэдна кіруюцца Міністэрствам абароны і арганізацыйна падзяляюцца на два аператыўных камандавання: Заходняе (польскі кірунак, штаб у Гродна) і Паўночна-Заходняе (прыбалтыйскі кірунак, штаб у Барысаве), а таксама асобныя воінскія часткі.

Колькасць асабовага складу Сухапутных войскаў па стану на 2022 год — 11.7 тыс. чалавек^[2].

Злучэнні і часці Сухапутных Войскаў цэнтральнага падпарадкавання

Назва фарміравання	Месца дыслакацыі	Заўвагі
Цэнтральны камандны пункт УС	г. Мінск
361-я асобная база аховы і абслугоўвання Мінабароны РБ	г. Мінск	Структура: батальён аховы, 2 аўтамабільных батальёна па абслугоўванню Мінабароны і рухомых пунктаў кіравання
465-я ракетная брыгада	г. Асіповічы	Тактычны / аператыўна-тактычны ракетны комплекс «Точка» або «Точка-У»
51-я Аршанская змяшаная артылерыйская група	г. Асіповічы
336-я рэактыўная артылерыйская брыгада	г. Асіповічы	300-мм 12-ствольная РСЗА «Смерч»
188-я гвардзейская Наўгародская інжынерная брыгада	г. Магілёў
52-і асобны спецыялізаваны пошукавы батальён	г. Мінск	Пошук і пахаванне астанкаў ваеннаслужачых ВС СССР, якія загінулі ў гады Другой сусветнай вайны на тэрыторыі Беларусі
Кіналагічны цэнтр Узброеных Сіл	аг. Калодзішчы
Узорна-паказальны аркестр УС РБ	г. Мінск

Злучэнні і часці Сухапутных Войскаў Заходняга аператыўнага камандавання

Шэўрон	Назва фарміравання	Месца дыслакацыі	Заўвагі
	6-я Кіеўска-Берлінская асобная механізаваная брыгада	г. Гродна
	11-я асобная механізаваная брыгада	г. Слонім
	111-я артылерыйская брыгада	г. Брэст
	1199-ы змяшаны артылерыйскі полк	г. Брэст
	557-я Слуцка-Варшаўская інжынерная брыгада	г. Гродна
	74-ы асобны Берлінскі полк сувязі	г. Гродна
	815-ы цэнтр тэхнічнага абслугоўвання	г. Баранавічы
	108-ы асобны полк матэрыяльнага забеспячэння	г. Навагрудак

Злучэнні і часці Сухапутных Войскаў Паўночна-заходняга аператыўнага камандавання

Назва фарміравання	Месца дыслакацыі	Заўвагі
120-я Рагачоўская асобная механізаваная брыгада	г. Мінск
19-я гвардзейская асобная механізаваная брыгада	г. Барысаў
231-я артылерыйская брыгада	в. Бароўка
427-ы рэактыўны артылерыйскі полк	в. Бароўка	на ўзбраенні РСЗА «Ураган»
86-я брыгада сувязі	аг. Калодзішчы
244-ы цэнтр радыёэлектроннай разведкі	г. Барысаў
10-ы асобны батальён РЭБ-Н	г. Барысаў
7-ы інжынерны полк	г. Барысаў
60-ы асобны Баранавіцкі полк сувязі	г. Барысаў
814-ы цэнтр тэхнічнага абслугоўвання	г. Барысаў
110-ы асобны полк матэрыяльнага забеспячэння	г. Барысаў

Тэхніка і ўзбраенне

Сухапутныя войскі маюць на ўзбраенні танкі, баявыя машыны пяхоты, бронетранспарцёры, артылерыю рознай магутнасці і прызначэння, супрацьтанкавыя ракетныя комплексы, зенітныя ракетныя комплексы, сродкі кіравання, аўтаматычную стралковую зброю.

Дадзеныя аб колькасці ўзятыя з IISS Military Balance 2022.

Тып	Вытворчасць	Прызначэнне	Колькасць	Заўвагі
Танкі
Т-72Б	СССР	Асноўны баявы танк	477^[2]
Т-72Б3	Расія	Асноўны баявы танк	20^[2]	На ўзбраенні 120 АМБр.
Баявыя машыны пяхоты
БМП-2	СССР	Баявая машына пяхоты	926^[2]
БТР-82А	Расія	Бронетранспарцёр	31+^[2] (~64 паводле падлікаў)	Станам на 2022 год пастаўлены 2 батальённыя камплекты (у 120 і 6 АМБр). Колькасць у 64 адзінкі вынікае з таго, што папярэдняя замова 2015 года ўключала ў сябе 32 такія машыны ў складзе аднаго батальённага камплекта.
Разведвальныя машыны
БРМ-1К	СССР	Баявая разведвальная машына	132^[2]
Бронетранспарцёры
МТ-ЛБ	СССР	Бронетранспарцёр	58^[2]
Артылерыйскія сістэмы
2С1 «Гваздзіка»	СССР	122-мм САУ	125^[2]
2С3 «Акацыя»	СССР	152-мм САУ	125^[2]
2С5 «Гіяцынт-С»	СССР	152-мм САУ	71^[2]
2С19 «Мста-С»	СССР	152-мм САУ	12^[2]
2А65 «Мста-Б»	СССР	152-мм гаўбіца	72^[2]
2С12 «Сані»	СССР	120-мм Мінамёт	14^[2]
Рэактыўныя сістэмы залпавага агню
БМ-21 Град, у тым ліку БМ-21А БелГрад	СССР — артылер. частка Беларусь — шасi	122-мм РСЗА	128^[2]
БМ-27 Ураган	СССР	220-мм РСЗА	36^[2]
БМ-30 Смерч	СССР	300-мм РСЗА	36^[2]
B-200 Паланэз	Беларусь	301-мм РСЗА	6^[2]
Флейта	Беларусь	80-мм РСЗА	н/д
Тактычныя ракетныя комплексы
Точка-У	СССР	ТРК з БЧ да 500 кг	36^[2]
9К720 «Іскандэр»	Расія — рэакт. частка Беларусь — шасi		невядома^[3]
Грузавікі і цягачы
МЗКЦ-7930	Беларусь	цягач	н/д
МАЗ-6317	Беларусь	грузавік	н/д
Інжынерная тэхніка (на 2023)^[4]
БАТ-2	СССР	пуцепракладчык	н/д
ІМР-2	СССР	інжынерны танк	н/д
БРЭМ-К	СССР Расія	браняваная рамонтна-эвакуацыйная машына	2
МТУ-20	СССР	танкавы мостаўкладчык	20
МТУ-55 (МТ-55А)	СССР	танкавы мостаўкладчык	4
УР-77	СССР	самаходная ўстаноўка размініравання	н/д
Супрацьтанкавае ўзбраенне
9П148 «Конкурс» 9П149 «Штурм» 9К111 «Конкурс» 9К115 «Метыс» 9К111 «Фагот» «Скіф» «Шэршань»	СССР СССР СССР СССР СССР Беларусь Беларусь	СТРК	75^[2] 85^[2] н/д н/д н/д н/д н/д
Сістэмы РЭБ
Навальніца-6	Беларусь	РЭБ	н/д
Навальніца-С^[5]	Беларусь	РЭБ	н/д
Р-327 «Кветка»^[6]	Беларусь	РЭБ	н/д
Стралковая зброя
АК-74^[7]	СССР	аўтамат	н/д
АКС-74У^[7]	СССР	аўтамат	н/д
VSK-100BP^[7]	Беларусь	аўтамат	н/д
VSK-100^[7]	Беларусь	аўтамат	н/д
Пісталет Макарава^[7]	СССР	пісталет	н/д
SMAR-100BPM^[7]	Беларусь	аўтамат	н/д
Аўтамат Калашнікава мадэрнізаваны^[7]	СССР	аўтамат	н/д
НСВ-12,7^[8]	СССР	станкавы кулямёт	н/д
Снайперская вінтоўка Драгунава^[8]	СССР	снайперская вінтоўка	н/д
РПК-74^[8]	СССР	ручны кулямёт	н/д
ПСМ^[8]	СССР	самазарадны пісталет	н/д
Кулямёт Калашнікава^[8]	СССР	адзіны кулямёт	н/д
ГП-25^[8]	СССР	падствольны гранатамёт	н/д
АГС-17^[8]	СССР	аўтаматычны стралковы гранатамёт	н/д
ММ-60 «Сапфір»^[9]	Беларусь	рэактыўны аднаразовы гранатамётны комплекс	н/д
БПЛА
Бусел	Беларусь	беспілотнік	н/д
Кондар	Беларусь	беспілотнік	н/д
Чакан	Беларусь	беспілотнік	н/д
Бекард	Беларусь	беспілотнік	н/д
Беркут (АГАТ)	Беларусь	беспілотнік	н/д
Беркут (Індэла)	Беларусь	беспілотнік	н/д
Буравеснік МБ	Беларусь	беспілотнік	н/д
Грыф-1	Беларусь	беспілотнік	н/д
Квадра	Беларусь	беспілотнік	н/д
Баражыруючая труба	Беларусь	беспілотнік	н/д
Лоўчы	Беларусь	беспілотнік	н/д
Маскіт	Беларусь	беспілотнік	н/д
Формула	Беларусь	беспілотнік	н/д