கிள்ளான் மக்களவைத் தொகுதி

கிள்ளான் (P110) மலேசிய மக்களவைத் தொகுதி சிலாங்கூர்
Klang (P110) Federal Constituency in Selangor
சிலாங்கூர் மாநிலத்தில் கிள்ளான் மக்களவைத் தொகுதி
மாவட்டம்	கிள்ளான் மாவட்டம்; சிலாங்கூர்
வாக்காளர் தொகுதி	கிள்ளான் தொகுதி
முக்கிய நகரங்கள்	கிள்ளான்; கிள்ளான் மாவட்டம்; கிள்ளான் துறைமுகம்
முன்னாள் தொகுதி
உருவாக்கப்பட்ட காலம்	1958
கட்சி	பாக்காத்தான்
மக்களவை உறுப்பினர்	கணபதிராவ் விருமன் (Ganabatirau Veraman)
வாக்காளர்கள் எண்ணிக்கை	209,052
தொகுதி பரப்பளவு	162 ச.கி.மீ
இறுதி தேர்தல்	பொதுத் தேர்தல் 2022

2022-இல் கிள்ளான் தொகுதியின் வாக்காளர்களின் இனப் பிரிவுகள்

  மலாயர் (26.44%)

  சீனர் (55.26%)

  இந்தியர் (17.09%)

  இதர இனத்தவர் (1.22%)

கிள்ளான் மக்களவைத் தொகுதி (மலாய்: Kawasan Persekutuan Klang; ஆங்கிலம்: Klang Federal Constituency; சீனம்: 巴生联邦选区) என்பது மலேசியா, சிலாங்கூர் மாநிலத்தில், கிள்ளான் மாவட்டத்தில் (Klang District) உள்ள ஒரு மக்களவைத் தொகுதி (P110) (Dewan Rakyat) ஆகும்.^[1]

கிள்ளான் தொகுதி 1958-ஆம் ஆண்டில் உருவாக்கப்பட்டது. 1959-ஆம் ஆண்டில் இருந்து மலேசிய நாடாளுமன்றத்தில் பிரதிநிதிக்கப் படுகிறது. 31 அக்டோபர் 2022-இல் வெளியிடப்பட்ட மத்திய அரசிதழின் படி (Federal Gazette issued on 31 October 2022), பாலிங் தொகுதி 56 தேர்தல் வட்டாரங்களாக (Polling Districts) பிரிக்கப்பட்டு உள்ளது.^[2]

கிள்ளான் நகரம் (Klang) மலேசியா, சிலாங்கூர் மாநிலத்தில், கிள்ளான் மாவட்டத்தில் அமைந்து உள்ள ஒரு நகரம். சா ஆலாம் பெருநகரம், சிலாங்கூர் மாநிலத்தின் தலைநகரமாக மாறுவதற்கு முன்னர், கிள்ளான் நகரம் சிலாங்கூர் மாநிலத்தின் தலைநகரமாகத் திகழ்ந்து உள்ளது.

இருப்பினும் வரலாறு சிறப்புமிக்க இந்த நகரம், இன்றும் சிலாங்கூர் மாநிலத்தின் அரச நகரமாக விளங்கி வருகிறது. கிள்ளான் எனும் பெயரில் கிள்ளான் மாவட்டமும் பெயர் கொண்டு உள்ளது. கிள்ளான் நகரம், கோலாலம்பூரில் இருந்து 32 கி.மீ மேற்கில் அமைந்து உள்ளது.

14-ஆம் நூற்றாண்டின் மஜபாகித் பேரரசின் நகரகிரேதாகமம் எனும் இலக்கியப் படைப்பில் கிள்ளான் குறிப்பிடப்பட்டு உள்ளது.

மேலும் 1409 முதல் 1433 வரை மலாக்காவிற்குப் பயணம் செய்த சீனக் கடல் படைத் தளபதி செங் கோவின் தொடக்கக் கால கடல்சார் வரைபடங்களில் கிள்ளான் ஆறு குறிக்கப்பட்டு பெயரிடப்பட்டும் உள்ளது.

15-ஆம் நூற்றாண்டில் மலாக்கா சுல்தானகத்தின் கட்டுப்பாட்டில் கிள்ளான் இருந்தது. மலாக்காவின் வரலாற்றுத் தலைவர் என்று கொண்டாடப்படுபவர் துன் பேராக். இவர் கிள்ளான் நகரத்தில் இருந்து தான் மலாக்காவிற்குச் சென்று மலாக்காவின் மூத்த அமைச்சரனார்.

17-ஆம் நூற்றாண்டில், சிலாங்கூர் கடலோரப் பகுதிகளில், இந்தோனேசியாவில் இருந்து பூகிஸ் மக்கள் குடியேறத் தொடங்கினர். சிலாங்கூர் சுல்தானகம் 1766-ஆம் ஆண்டில் உருவாக்கப்பட்டது.^[3][4]

மலேசியப் பொதுத் தேர்தல் 2022 வேட்பாளர் விவரங்கள்

சின்னம்	வேட்பாளர்	கட்சி	பெற்ற வாக்குகள்	(%)
	கணபதிராவ் விருமன் (Ganabatirau Veraman)	பாக்காத்தான்	115,539	70.49%
	செயசந்திரன் பெருமாள் (Jaya Chandran Perumal)	பெரிக்காத்தான்	23,738	14.48%
	தீ ஊய் லிங் (Tee Hooi Ling)	பாரிசான்	19,762	12.06%
	எட்ரின் ரம்லி (Hedrhin Ramli)	சுயேச்சை	3,016	1.84%
	லூ செங் வீ (Loo Cheng Wee)	சபா பாரம்பரிய கட்சி	1,140	0.70%
	தீபக் செய்கிசன் (Deepak Jaikishan)	சுயேச்சை	439	0.27%
	சந்திரா சிவராசன் (Chandra Sivarajan)	மலேசிய மக்கள் கட்சி	271	0.17%

• "Keputusan Pilihan Raya Suruhanjaya Pilihan Raya". Election Commission of Malaysia. Retrieved 2018-08-12.

• கிள்ளான்
• கிள்ளான் மாவட்டம்
• கிள்ளான் துறைமுகம்
• மலேசிய தேர்தல் தொகுதிகள்
• மலேசியப் பொதுத் தேர்தல், 2022