Краіны, якія прайшлі ў фінал Краіны, якія не прайшлі ў фінал Краіны, якія ўдзельнічалі раней
Галасаванне
Сістэма галасавання
Кожная краіна прысуджае 12, 10, 8—1 бал 10 песням на падставе галасоў прафесійнага журы і гледачоў.
Паўфінал — толькі глядацкія галасы.
Фінал: 50 % тэлегледачы + 50 % журы.
Гледачы з краін, якія не ўдзельнічаюць, могуць галасаваць праз спецыяльную анлайн-платформу, пры гэтым іх галасы сумуюцца і налічваюцца як адзін набор балаў.
Першы і другі паўфіналы адбыліся 9 і 11 мая, а фінал — 13 мая 2023 года[1]. У фінале конкурса перамогу атрымала прадстаўніца ШвецыіЛарын з песняй «Tattoo[en]».
Месца правядзення
Па традыцыі краіна, якая перамагла, прымае ў сябе наступны конкурс, аднак праз уварвання Расіі ва Украіну Еўрапейскі вяшчальны саюз (ЕВС) 17 чэрвеня 2022 года выступіў з заявай:
«Пасля аб’ектыўнага аналізу рэферэнтная група і кіруючая рада ЕВС з глыбокім шкадаваннем прыйшлі да высновы, што, улічваючы бягучыя абставіны, UA:PBC не можа выканаць гарантыі бяспекі, неабходныя вяшчальніку для правядзення, арганізацыі і вытворчасці песеннага конкурсу „Еўрабачанне“ у адпаведнасці з правіламі ЕВС». У сувязі з такім рашэннем і правіламі Еўрабачання, ЕВС пачынае перамовы з ВПС для правядзення конкурсу ў Вялікабрытаніі.
Разам з тым, у выпадку немагчымасці правядзення «Еўрабачання-2023» ва Украіне, пра сваю гатоўнасць прыняць мерапрыемства заявілі і вяшчальнікі з наступных краін: Італія, Іспанія (якія пазней адклікалі сваю заяўку), Нідэрланды, Польшча, Швецыя і Бельгія. 25 ліпеня 2022 года ЕВС пацвердзіў, што конкурс будзе праводзіцца ў Вялікабрытаніі, адначасова з гэтым стартаваў працэс пошуку горада-арганізатара. Паведамлялася, што ўкраінская грамадская тэлерадыёкампанія Suspilne адмовілася ад сваіх ранейшых пярэчанняў. Арганізатары прыйшлі да высновы, што мерапрыемства немагчыма правесці бяспечна, пакуль краіна знаходзіцца ў стане вайны з Расіяй, што раней выклікала рэзкую рэакцыю ўкраінскага ўрада, які заявіў, што прадставіў рабочы план па забеспячэнні бяспекі.
Іншыя краіны і адмовы
13 кастрычніка вяшчальнік Балгарыі на конкурсе «Еўрабачанне» ў сваім Twitter-акаўнце пацвердзіў, што не прыме ўдзел у 2023 годзе.
14 кастрычніка вяшчальнікі дзвюх краін — Чарнагорыі і Паўночнай Македоніі — таксама пацвердзілі, што яны не возьмуць удзел на конкурсе ў Ліверпулі у 2023 годзе.
Фармат
22 лістапада 2022 года ЕВС абвясціў пра змены ў сістэме галасавання на конкурсе 2023 года. Вынікі паўфіналу будуць вызначацца выключна галасаваннем гледачоў, як гэта было ў перыяд з 2004 па 2007 год, а вынікі фіналу будуць вызначацца як Нацыянальным журы, так і глядацкім галасаваннем, як гэта было пасля фіналу конкурсу 2009 года. У выпадку, калі краіна не можа прадставіць вынікі тэлегаласавання ў паўфінале, будзе выкарыстоўвацца рэзервовы вынік журы, і калі праблема захаваецца да фіналу, балы журы, прысуджаныя ў фінале, будуць падвоены, замяніўшы папярэднюю працэдуру выкарыстанне алгарытму для разліку і прысваення балаў на аснове краін з падобнымі мадэлямі голасу. Калі журы краіны дыскваліфікавана, балы тэлегаласавання ад гэтай краіны будуць падвоены і выкарыстаны ў якасці замены ў фінале. Працэдура выкарыстання разлічаных балаў застанецца ў якасці крайняй меры ў выпадку, калі краіна не можа прадставіць сапраўдны вынік журы або тэлегаласавання. Гледачы з краін, якія не ўдзельнічаюць у конкурсе, таксама змогуць галасаваць ва ўсіх шоу, пры гэтым іх галасы будуць падсумоўвацца і прадстаўляцца як адзін асобны набор балаў у раздзеле «астатні свет». Гэтыя гледачы змогуць галасаваць праз адмысловую онлайн-платформу, якая патрабуе наяўнасці крэдытнай або дэбетовай карты для праверкі.
Лёсаванне
Размеркаванне краін-удзельніц на паўфіналы адбылося 31 студзеня 2023 года ў Сэнт-Джордж холе. Цырымонія ўключала перадачу сімвалічных ключоў з эмблемай прымаючага горада ад мэра Турына (Стэфана Ло Русо) да мэра Ліверпуля (Джоан Андэрсан). Пасля цырымоніі прайшла жараб’ёўка. Першая частка лёсавання-размеркаванне «вялікай пяцёркі» (Вялікабрытанія, Германія, Італія, Іспанія, Францыя) і краіны-пераможцы мінулага года (Украіна) на паўфіналы пры галасаванні. Другая частка-размеркаванне краін-удзельніц па паўфіналах, якія адбудуцца 9 і 11 мая. Агулам 31 краіна былі раздзелены на 5 кошыкаў. У табліцы ніжэй паказана чарговасць «выцягвання» краін-удзельніц.
Першы паўфінал адбыўся 9 мая 2023 года ў 21:00 па цэнтральнаеўрапейскім летнім часе. У паўфінале прынялі ўдзел пятнаццаць краін. Краіны, якія ўдзельнічалі ў першым паўфінале, Германія, Італія, Францыя, а таксама краіны, якія не ўдзельнічалі ў конкурсе, але аб’яднаныя ў адну «краіну» пад назвай «астатні свет», галасавалі ў гэтым паўфінале.
Другі паўфінал адбыўся 11 мая 2023 года ў 21:00 па цэнтральнаеўрапейскім летнім часе. У паўфінале прымалі ўдзел шаснаццаць краін. Краіны, якія ўдзельнічаюць у другім паўфінале, Вялікабрытанія, Іспанія, Украіна, а таксама краіны, якія не ўдзельнічалі ў конкурсе, але аб’яднаныя ў адну «краіну» пад назвай «астатні свет», галасавалі ў гэтым паўфінале.
Фінал адбыўся 13 траўня 2023 а 21:00 па цэнтральнаеўрапейскім летнім часе. У фінале конкурсу прынялі ўдзел 26 краін: па 10 краін з кожнага паўфіналу, краіны «Вялікай пяцёркі» (Вялікабрытанія, Германія, Іспанія, Італія і Францыя) і краіна-пераможца мінулага конкурсу — Украіна. У фінале галасавалі журы і тэлегледачы ўсіх краін, якія ўдзельнічаюць у конкурсе гэтага года, а таксама тэлегледачы краін, якія не ўдзельнічаюць у конкурсе, але аб’яднаныя ў адну «краіну» пад назвай «Астатні свет».
.svg){kind=small}
.svg){kind=small}
.svg){kind=small}
