Украіна на конкурсе песні Еўрабачанне

Украіна прымае ўдзел у конкурсе песні «Еўрабачанне», пачынаючы з 2003 года.

У другі год свайго ўдзелу Украіна выйграла конкурс з песняй Русланы «Wild Dances». Другія месцы Украіне прынеслі ў 2007 і 2008 гадах Верка Сярдзючка з песняй «Dancing Lasha Tumbai» і Ані Лорак з песняй «Shady Lady» адпаведна. У 2011 годзе да тройкі лідараў наблізілася спявачка Міка Ньютон, заняўшы 4 месца. У 2013 годзе краіну прадставіла спявачка Злата Огневіч. Яна заняла 3 месца, саступіўшы Азербайджану і Даніі. У 2015 годзе краіна ўпершыню адмовілася ад удзелу ў конкурсе, паводле заявы Першага нацыянальнага канала Украіны — з-за нестабільнай фінансавай і палітычнай сітуацыі ў краіне^[1]. У 2016 годзе Украіна вярнулася на конкурс і спявачка Джамала, якая прадстаўляла краіну, выйграла Еўрабачанне-2016. Упершыню за ўсю гісторыю яе ўдзелу нацыянальны адбор праводзілі тэлеканалы UA: Перший і СТБ праводзілі сумесна. У 2018 годзе UA: Перший і СТБ трансляцыю конкурсу ўпершыню правелі сумесна. У 2022 годзе гурт Kalush Orchestra здабыў трэцюю перамогу на Еўрабачанні для Украіны.

Упершыню прыняць удзел у міжнародным конкурсе песні Еўрабачанне Украіна вырашыла ў сакавіку 2002 года^[2]. Пра само Еўрабачанне і магчымы ўдзел у ім загаварылі ў канцы мая 2002 года, калі Нацыянальная тэлекампанія Украіны правяла трансляцыю конкурсу Еўрабачанне-2002^[3]. Дэбют Украіны на конкурсе адбыўся ў 2003 годзе. Тагачасны музыкальны прадзюсар УТ-1 Алена Мазгавая высунула на конкурс свайго мужа Аляксандра Панамарова. За 50 тысяч долараў купляецца песня ў аўтара хіта «Diva», з якім на Еўрабачанні-1998 перамагла Дана Інтэрнэшнл. Але песня не выклікае такога фурору, у выніку 14 месца і 30 балаў.

     Пераможца

     Другое месца

     Трэцяе месца

     Апошняе месца

     Аўтаматычны праход у фінал

     Не прайшла ў фінал

     Не ўдзельнічала або была дыскваліфікавана

Год	Выканаўца	Краіна	Песня	Пераклад	Мова	Фінал		Паўфінал
						Месца	Балы	Месца	Балы
2009	Анастасія Прыходзька	Расія	«Мамо»	«Мама»	Руская, украінская	11	91	Краіна перамагла ў мінулым годзе
2015	Эдуард Раманюта	Малдова	«I Want Your Love»	«Я хачу тваёй любові»	англійская	Не прайшоў		11	41
2018	ALEKSEEV	Беларусь	«Forever»	«Назаўжды»	англійская	Не прайшоў		16	65