Долно Порој

Долно Порој
Долно Порој; Κάτω Πορόια
	Поглед на Долно Порој со планината Круша
	Долно Порој
	Местоположба во областа Долно Порој Местоположба на Долно Порој во општината Синтика и областа Централна Македонија
	Координати: 41°16.54′N 23°0.37′E / 41.27567°N 23.00617°E
Земја	Грција
Област	Централна Македонија
Округ	Серски
Општина	Синтика
Општ. единица	Беласица
Надм. вис.	200 м
Население (2011)
• Вкупно	424
Час. појас	EET (UTC+2)
• Лето (ЛСВ)	EEST (UTC+3)

Долно Порој (грчки: Κάτω Πορόια, Като Пороја) — село во Валовишко, Егејска Македонија, денес во општината Синтика на Серскиот округ во областа Централна Македонија, Грција. Населението брои 424 жители (2011).

Географија и местоположба

Сместено е на јужното подножје на планината Беласица, околу 3 километри западно од Горно Порој на надморска височина од 200 метри.

Историја

Селото во минатото било мешана населба во која според К`нчов живееле 750 Македонци и 1.600 Турци, во 1913 година е евидентирано со 1.279, а во 1920 година со 1.057 жители.Селото настрадало како во Балканските така и во Првата светска војна.Поголем број на македонски семејства и поединци за време на Втората балканска војна и непосредно по Првата светска војна пребегнале во Бугарија.Во 1924 година сите преостанати Турци, како и 56 Македонци се иселени во Турција, по сила на Лозанската конвенција.На местото од иселените Турци и пребегнатите Македонци грчките власти сместиле 200 бегалски семејства со вкупно 773 жители.Така селото повторно станала мешана населба која со 1928 година е евидентирано со 986 жители, во 1940 година има 1.265, а во 1941 година според бугарската статистика има 1.074 жители.Во 1951 се попишани 1.006, во 1961 година 864 ,во 1971 година 778, во 1981 година 689, во 1991 година 787,а во 2001 година има 627 жители.Намалувањето на бројот на жители се должи на големата миграција во градските центри.

Стопанство

Иако е ридско-планинско, селото е мошне богато , со развиено земјоделство и сточарство, за кои постојат погодни услови поради пространите пасишта во подножјето на Беласица.

Демографија

Селото до 1924 година е мешано со Македонци и Турци, по иселувањето на Турците и дел од Македонците селото е мешано со повеќе Грци и помалку Македонци.

Година	1900	1913	1920	1928	1940	1941	1951	1961	1971	1981	1991	2001
Население	2.350	1.279	1.057	986	1.265	1.074	1.006	864	778	689	787	627

Општествени установи

Во селото е сместено пошта кој го опслужува месното и околното население, поштински суд, како и полициската поткоманда со неколку истурени полициски станици во околните села.