Кешишлик

Кешишлик Αετοβούνι
Старото училиште
Кешишлик
Местоположба во областа Кешишлик Местоположба на Кешишлик во Серскиот округ и областа Централна Македонија
Координати: 41°17.1′N 23°15.34′E / 41.2850°N 23.25567°E / 41.2850; 23.25567
Земја	Грција
Област	Централна Македонија
Округ	Серски
Општина	Синтика
Општ. единица	Петрич
Надм. вис.	&10000000000000220000000220 м
Население
• Вкупно	иселено
Час. појас	EET (UTC+2)
• Лето (ЛСВ)	EEST (UTC+3)

Кешишлик (грчки: Αετοβούνι, Аетовуни; до 1927 г. Κεσισλίκ, Кесислик или Κισιολίτι, Кисјолити^[1]) — поранешно село во Серско, Егејска Македонија, на територијата на денешната општина Синтика на Серскиот округ, Грција.

Селото се наоѓало на јужните падини на Беласица, на 3 км северно од Хаџи Бејлик.

Името на селото доаѓа од турскиот поим keşişlik, „место кајшто живеат калуѓери“, избедено од keşiş.^[2]

На северозапад од селото, во местноста Големо Градиште имало оглем манастир поврзан со името на селото.^[2]

Во XIX и почетокот на XX век, Кешишлик бил македонски чифлик во Демирхисарската каза. Сè до 1912 г. бил сопственост на Акил-бег од Сер и имал над 100 куќи.^[2]

Во „Етнографија на вилаетите Адријанопол, Монастир и Салоника“ се вели дека во 1873 г. Кајшли-чифлик (Kaïchli-tchiflik) било село со 45 домаќинства на 140 Македонци.^[3][4]

Во 1891 г. Георги Стрезов напишал за селото:

Според статистиката на Васил К’нчов („Македонија. Етнографија и статистика“) во 1900 г. селото броело 300 жители, сите Македонци.^[6]

По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Кешишлик (Kichichlik) живееле 560 Македонци, сите под Егзархијата.^[3][7]

Во 1912 г. турците го разрушиле Кешишлик под изговор дека жителите криеле оружје и убиле над 60 лица. Целото население пребегало во Бугарија.^[2]

За време на Првата балканска војна во октомври 1912 г. селото е купирано од бугарска војска. За време на Втората балканска војна на 9 јули 1913 г. Кешишлик е опожарен од грчка војска.^[8] По војната селото е припоено кон Грција согласно Букурешкиот договор. Пописите од 1913 и 1920 г. го водат како растурена населба.^[9]

Наследници на бегалци од селото денес живеат во Свети Врач, Петрич и околината.^[2]

Во 1920-тите властите во селото довеле грчки колонисти. На пописот од 1928 г. Кешишлик (Κεσισλίκ) е претставено како чисто дојденско село со 315 жители (82 семејства).^[10]

Во 1940 г. населението броело 464 жители. Интересно е тоа што во 1941 г. статистиката на бугарската окупациска власт го води селото со дури 850 жители. Во 1951 г. во Кешишлик се попишани 465 лица.^[9] Во претстојниот период жителите се преселиле во новото село Долно Хаџи Бејлик, но сепак си ги задржале имотите во Кешишлик.^[9]

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија