டாமன்சாரா மக்களவைத் தொகுதி

டாமன்சாரா (P106) மலேசிய மக்களவை தொகுதி சிலாங்கூர்
Damansara (106) Federal Constituency in Selangor
சிலாங்கூர் மாநிலத்தில் டாமன்சாரா மக்களவைத் தொகுதி
மாவட்டம்	பெட்டாலிங் மாவட்டம்; கோம்பாக் மாவட்டம் சிலாங்கூர்
வாக்காளர் தொகுதி	டாமன்சாரா தொகுதி
முக்கிய நகரங்கள்	டாமன்சாரா; டாமன்சாரா பெர்டானா டாமன்சாரா ஜெயா, ஆரா டாமன்சாரா, பண்டார் உத்தாமா டாமன்சாரா, முத்தியாரா டாமன்சாரா, டாமன்சாரா உத்தாமா, கோத்தா டாமன்சாரா, சுங்கைவே
முன்னாள் தொகுதி
உருவாக்கப்பட்ட காலம்	1958
நீக்கப்பட்ட காலம்	சிலாங்கூர் தெங்கா தொகுதி (1975)
கட்சி	பாக்காத்தான்
இதற்கு முன்னர் நடப்பில் இருந்த தொகுதி	(2022)
மக்களவை உறுப்பினர்	கோவிந்த் சிங் தியோ (Gobind Singh Deo)
வாக்காளர்கள் எண்ணிக்கை	241,978 (2022)[1]
தொகுதி பரப்பளவு	65 ச.கி.மீ[2]
இறுதி தேர்தல்	பொதுத் தேர்தல் 2022[3]

2022-இல் டாமன்சாரா மக்களவை தொகுதியின் வாக்காளர்களின் இனப் பிரிவுகள்:

  மலாயர் (22.9%)

  சீனர் (66.2%)

  இந்தியர் (9.9%)

  இதர இனத்தவர் (1.0%)

டாமன்சாரா மக்களவை தொகுதி^[4] (மலாய்: Kawasan Persekutuan Damansara; ஆங்கிலம்: Damansara Federal Constituency; சீனம்: 白沙罗国会议席) என்பது மலேசியா, சிலாங்கூர், பெட்டாலிங் மாவட்டம்; கோம்பாக் மாவட்டம் ஆகிய மாவட்டங்களில் அமைந்துள்ள ஒரு மக்களவை தொகுதி (P106) ஆகும்.

டாமன்சாரா மக்களவை தொகுதி 1958-ஆம் ஆண்டில் உருவாக்கப்பட்டது. இந்தத் தொகுதியில் 1959-ஆம் ஆண்டில், அதன் முதலாவது மக்களவைப் பொதுத் தேர்தல் நடைபெற்றது. பின்னர், இறுதியாக 2022-ஆம் ஆண்டில், பொதுத் தேர்தல் நடைபெற்றது.

அத்துடன் 1959-ஆம் ஆண்டில் இருந்து டாமன்சாரா மக்களவை தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.

பெட்டாலிங் ஜெயா மாநகரம் சிலாங்கூர், பெட்டாலிங் மாவட்டத்தில் அமைந்து உள்ள ஒரு நகரம். பெட்டாலிங் ஜெயா பெருநகரத்தின் ஒரு புறநகர்ப் பகுதியாகவும் டாமன்சாரா நகரம் விளங்குகிறது. இந்த நகரத்திற்கு அருகில் ஓடும் டாமன்சாரா நதியின் (Sungai Damansara) பெயரால் இந்தப் புறநகர்ப் பகுதி அழைக்கப் படுகிறது.^[5]

1974-க்கு முன்னர், டாமன்சாரா என்பது ஒரு முக்கிம். கிள்ளான் மாவட்டத்தின் துணை மாவட்டமாக இருந்தது. சிலாங்கூர் மாநிலத் தலைநகர் சா ஆலாம், சுபாங் ஜெயா, பண்டார் சன்வே, கிளானா ஜெயா, கோத்தா கெமுனிங், புத்ரா அயிட்ஸ் போன்ற பகுதிகள், முன்னர் காலத்தில் டாமன்சாரா துணை மாவட்டத்தின் கட்டுப்பாட்டில் இருந்தன.

இன்றைய நிலையில், டாமன்சாராவின் எல்லை வரையறை பெரிய அளவில் பரந்து விரிந்து உள்ளது. பெட்டாலிங் ஜெயா நகரத்தின் வடக்குப் புறநகர்ப் பகுதி; கெப்போங், சுங்கை பூலோ புறநகர்ப் பகுதிகள்; மற்றும் கிழக்கில் சிகாம்புட் புறநகர்ப் பகுதி; தெற்கில் கிளானா ஜெயா புறநகர்ப் பகுதி போன்ற பல புறநகர்ப் பகுதிகளை உள்ளடக்கி உள்ளது.^[6]

பெட்டாலிங் மாவட்டம் கிள்ளான் பள்ளத்தாக்கின் நடுவில் அமைந்துள்ளது. இதனால், அண்மைய காலங்களில் இந்த மாவட்டத்தில் மிகப்பெரிய நகரமயமாக்கல் ஏற்பட்டுள்ளது. 2020-ஆம் ஆண்டின் அதிகாரப் பூர்வமான மக்கள் தொகை கணக்கெடுப்பின் படி 2,298,123 மக்கள் வசிக்கின்றார்கள்.

பெட்டாலிங் மாவட்டம் சுமார் 484.32 கிமீ² பரப்பளவைக் கொண்டுள்ளது. ஏராளமான நகர துணைப் பிரிவுகள், பழைய துணை நிர்வாகங்கள் (முக்கிம்) உள்ளன. இவை அனைத்தும் டாமன்சாரா, சுபாங் மற்றும் பெட்டாலிங் போன்ற ஒரே பெயர்களைப் பகிர்ந்து கொள்கின்றன. பெட்டாலிங் மாவட்டம் 4 முக்கிம் பிரிவுகளாகப் பிரிக்கப்பட்டுள்ளது.

• புக்கிட் ராஜா
• சுங்கை பூலோ
• டாமன்சாரா
• பெட்டாலிங்

மலேசியப் பொதுத் தேர்தல் 2022

பொது	வாக்குகள்	%	∆%
பதிவு பெற்ற வாக்காளர்கள் (Registered Electors)	239,103	-	-
வாக்களித்தவர்கள் (Turnout)	176,625	73.90%	▼ -9.86
செல்லுபடி வாக்குகள் (Total Valid Votes)	174,937	100.00%	-
கிடைக்காத அஞ்சல் வாக்குகள் (Unreturned Ballots)	715	-	-
செல்லாத வாக்குகள் (Total Rejected Ballots)	973	-	-
பெரும்பான்மை (Majority)	124,619	71.23%	▼ -7.21
வெற்றி பெற்ற கட்சி:		பாக்காத்தான்
சான்றுகள்: மலேசிய தேர்தல் ஆணையம்[8]

மலேசியப் பொதுத் தேர்தல் 2022 (சுபாங் தொகுதி)

சின்னம்	வேட்பாளர்	கட்சி	வாக்குப்பதிவு	%	∆%
	கோவிந்த் சிங் தியோ (Gobind Singh Deo)	பாக்காத்தான் (PH)	142,875	81.67%	-7.33 ▼
	லிம் சி சிங் (Lim Si Ching)	பெரிக்காத்தான் (PN)	18,256	10.44%	+10.44
	டான் கிம் துவான் (Tan Gim Tuan)	பாரிசான் (BN)	13,806	7.89%	-2.84 ▼

• டாமன்சாரா
• டாமன்சாரா பெர்டானா
• டாமன்சாரா ஜெயா
• பண்டார் உத்தாமா டாமன்சாரா
• ஆரா டாமன்சாரா
• முத்தியாரா டாமன்சாரா
• கோத்தா டாமன்சாரா

‎