Першая ліга чэмпіянату Беларусі па футболе 2021

Першая ліга чэмпіянату Беларусі па футболе 2021 Чэмпіянат Рэспублікі Беларусь па футболе сярод каманд Першай лігі
Падрабязнасці чэмпіянату
Час правядзення	17 красавіка — 27 лістапада
Колькасць удзельнікаў	12
Гарады	12
Прызавыя месцы
Чэмпіён	Арсенал (Дзяржынск) (1-ы раз)
Другое месца	Белшына (Бабруйск)
Трэцяе месца	Крумкачы (Мінск)
Статыстыка чэмпіянату
Згуляна матчаў	198
Забіта галоў	582  (2.94 за гульню)
Бамбардзір(ы)	Дзяніс Казлоўскі (Лакаматыў)  (29 мячоў)
← 2020 2022 →

Першая ліга чэмпіянату Беларусі па футболе 2021 (31-ы Чэмпіянат Рэспублікі Беларусь па футболе сярод каманд Першай лігі) — другі па рангу дывізіён (пасля Вышэйшай лігі) па футболе сярод беларускіх каманд 2021 года.

З-за адмовы некалькіх клубаў ад удзелу колькасць каманд была скарочана да 12, што ў сваю чаргу паўплывала на барацьбу. Хутка пасля пачатку ў лідары выйшлі дзяржынскі «Арсенал» і мінскія «Крумкачы», аднак падчас няўпэўненай сярэдзіны сезона да іх пачалі дацягвацца іншыя каманды, сярод якіх найбольш паспяховай была бабруйская «Белшына», якая здолела паціснуць «Крумкачоў» з другога радка і пагражала «Арсеналу». Іншыя клубы, такія як магілёўскі «Дняпро», гомельскі «Лакаматыў» і пінская «Хваля», доўгі час знаходзіліся ў сярэдзіне табліцы, трывала адбіралі ачкі ў лідараў і прэтэндавалі на прызавыя месцы. Упартая барацьба цягнулася да апошніх тураў, але каманды ў выніку засталіся на сваіх месцах — «Арсенал» перамог у турніры і разам з «Белшынай» выйшаў у Вышэйшую лігу, «Крумкачы» толькі ў апошнім туры гарантавалі трэцяе месца, адарваўшыся ад «Хвалі».

Склад удзельнікаў сезона 2021 доўгі час заставаўся нявызначным. Першапачаткова планавалася, што ў турніры прымуць удзел 16 каманд: у параўнанні з сезонам 2020 у Вышэйшую лігу мусілі выйсці рэчыцкі «Спадарожнік» і «Гомель», з Вышэйшай лігі ў Першую пераходзілі бабруйская «Белшына» і «Смалявічы», з Другой лігі ў Першую падымаліся магілёўскі «Дняпро» і петрыкаўскі «Шахцёр», у выніку чаго колькасць удзельнікаў павінна была павялічыцца з 14 да 16.

Аднак, у гэтым становішчы хутка ўзніклі цяжкасці з-за адмовы некалькіх клубаў працягваць выступы. У студзені 2021 года з’явілася інфармацыя, што «Смалявічы» не выступяць у Першай лізе і спыняюць існаванне, з-за фінансавых цяжкасцей адмовіліся працягваць удзел у Першай лізе «Ашмяны-БДУФК». У той жа час з турніру ў Вышэйшай лізе знялася «Гарадзея», яе месца магла заняць адна з каманд Першай лігі, што ў сваю чаргу паўплывала б на яе склад. У лютым 2021 года быў агучаны новы план на сезон: «Смалявічы» мусілі стаць фарм-клубам жодзінскага «Тарпеда-БелАЗ» і ўсё ж згуляць у Першай лізе, у Вышэйшую лігу замест «Гарадзеі» пайшла «Смаргонь», замест яе, а таксама «Ашмянаў-БДУФК», запрашаліся каманды з Другой лігі — «Баранавічы» і «Асіповічы»^[1].

У сакавіку стала зразумела, што такі план не зможа рэалізавацца. Спачатку «Асіповічы» заявілі, што не пойдуць у Першую лігу^[2], неўзабаве стала вядома, што не выступіць у Першай лізе светлагорскі «Хімік» і ў горадзе плануецца заявіць новую каманду «Светлагорск» у Другую лігу^[3]. Пазней «Смалявічы» пацвердзілі, што клуб усё ж не прыме ўдзел у Першай лізе і згуляе ў Другой лізе^[4]. Доўгі час заставаўся пад пытаннем удзел у Першай лізе мікашэвіцкага «Граніта», бо ў сакавіку каманда так і не выйшла з адпачынку. Такім чынам, колькасць патэнцыйных удзельнікаў скарачалася да 12.

2 красавіка 2021 года было афіцыйна абвешчана, што ў Першай лізе ў сезоне 2021 згуляе 12 каманд^[5], што стала найменшай колькасцю за ўсю гісторыю турніру. 5 красавіка на нарадзе з клубамі быў вызначаны фармат правядзення турніру: кожнай каманды згуляе з кожнай па тры разы, такім чынам усяго будзе праведзена 33 туры^[6]. 7 красавіка адбылася жараб’ёўка турніру^[7].

• «Белшына» (Бабруйск) (15-е месца ў Вышэйшай лізе 2020)
• «Дняпро» (Магілёў) (1-е месца ў Другой лізе 2020)
• «Шахцёр» (Петрыкаў) (2-е месца ў Другой лізе 2020)
• «Баранавічы» (4-е месца ў Другой лізе 2020, атрыманне месца ў Першай лізе замест клубаў, якія адмовіліся)

• «Спадарожнік» (Рэчыца) (1-е месца ў Першай лізе 2020, выхад у Вышэйшую лігу)
• «Гомель» (2-е месца ў Першай лізе 2020, выхад у Вышэйшую лігу)
• «Смаргонь» (6-е месца ў Першай лізе 2020, атрыманне месца ў Вышэйшай лізе замест «Гарадзеі», якая адмовілася)
• «Ашмяны-БДУФК» (10-е месца ў Першай лізе 2020, адмова ад удзелу ў Першай лізе ў сезоне 2021)
• «Граніт» (Мікашэвічы) (13-е месца ў Першай лізе 2020, адмова ад удзелу ў Першай лізе ў сезоне 2021)
• «Хімік» (Светлагорск) (14-е месца ў Першай лізе 2020, адмова ад удзелу ў Першай лізе ў сезоне 2021)

Баранавічы

Хваля

Белшына

Орша

Крумкачы

Лакаматыў

Ліда

Слонім-2017

Нафтан

Шахцёр

Дняпро

Арсенал

Геаграфія ўдзельнікаў сезона 2021

М	Каманда	Г	В	Н	П	Мячы	±	А	Заўвагі
1	Арсенал (Дзяржынск)	33	20	8	5	59 − 22	+37	68	Выхад у Вышэйшую лігу
2	Белшына (Бабруйск)	33	19	6	8	69 − 42	+27	63
3	Крумкачы (Мінск)	33	17	9	7	58 − 31	+27	60	Стыкавыя матчы
4	Хваля (Пінск)	33	16	8	9	49 − 39	+10	56
5	Дняпро (Магілёў)	33	15	10	8	58 − 38	+20	55
6	Лакаматыў (Гомель)	33	15	9	9	56 − 39	+17	54
7	Шахцёр (Петрыкаў)	33	13	7	13	50 − 56	−6	46
8	Нафтан (Наваполацк)	33	11	11	11	44 − 46	−2	44
9	Орша	33	9	7	17	41 − 60	−19	34
10	Баранавічы	33	7	7	19	38 − 72	−34	28
11	Ліда	33	4	9	20	33 − 75	−42	21
12	Слонім-2017	33	3	7	23	27 − 62	−35	16

Г — гульні, В — перамогі, Н — нічыі, П — паражэнні, Галы — забітыя і прапушчаныя галы, ± — розніца галоў, А — ачкі

Крыніца: football.by
¹ Каманда, якая гуляе на хатнім стадыёне, паказана ў левым слупку.
Колеры: сіні = перамога гаспадараў; жоўты = нічыя; чырвоны = перамога гасцей.

Прыведзены вынікі ўсіх матчаў, згуляных на 27 лістапада 2021
Крыніца: football.by
¹ Каманда, якая гуляе на хатнім стадыёне, паказана ў левым слупку.
Колеры: сіні = перамога гаспадараў; жоўты = нічыя; чырвоны = перамога гасцей.

Па выніках сезона клуб «Крумкачы», які заняў трэцяе месца ў Першай лізе, атрымаў права на стыкавыя матчы за месца ў Вышэйшай лізе супраць мазырскай «Славіі» (14-е месца ў Вышэйшай лізе). Па суме дзвюх сустрэч «Славія» захавала месца ў Вышэйшай лізе на наступны год.

2 снежня 2021 18:30	Славія (Мазыр)	1:0 (0:0)	Крумкачы (Мінск)	Стадыён: «Юнацтва», Мазыр Гледачоў: 1560 Суддзя: Віталь Севасцьянік (Гродна)
	Ф. Нарх  90+2'	football.by

5 снежня 2021 14:00	Крумкачы (Мінск)	0:0 (0:0)	Славія (Мазыр)	Стадыён: САК «Алімпійскі», Мінск Гледачоў: 1100 Суддзя: Павел Каранец (Жодзіна)
		football.by

№	Ігрок	Клуб	Галы
1	Дзяніс Казлоўскі	Лакаматыў	29
2	Кірыл Сідарэнка	Дняпро	19
3	Рамазан Ісаеў	Белшына	17
4	Іскандар Зарабекаў	Нафтан	16
5	Арцём Кійко	Арсенал	14
6	Аляксей Цяслюк	Хваля	12
7	Марцін Арцюх	Баранавічы	11

Крыніца: Football.By

• Профіль на сайце kick-off.by (руск.)
• Профіль на сайце football.by (руск.)