Шекерли

Шекерли Ζαχαράτο
Шекерли
Местоположба во областа Шекерли Местоположба на Шекерли во Општина Кукуш и областа Централна Македонија
Координати: 41°1′N 22°53′E / 41.017°N 22.883°E / 41.017; 22.883
Земја	Грција
Област	Централна Македонија
Округ	Кукушки округ
Општина	Кукуш
Општ. единица	Кукуш
Надм. вис.	&10000000000000232000000232 м
Население (2001)[1]
• Вкупно	101
Час. појас	EET (UTC+2)
• Лето (ЛСВ)	EEST (UTC+3)

Шекерли или Шекерлија (грчки: Ζαχαράτο, Захарато, до 1927 Σεκερλή, Секерли)^[2] — село во Општина Кукуш во Кукушкиот округ, Егејска Македонија, денес во областа Централна Македонија, Грција.

Селото се наоѓа на 4 километри североисточно од градот Кукуш, на неколку километри од грчко-македонската граница, во близина на североисточниот брег на Дојранското Езеро. Селото се наоѓа на надморска височина од 232 метри.

Во „Етнографија на Адријанопол, Монастир и Салоника“ се вели дека во 1873 г. Шекерли се состоело од 22 семејства со 100 жители Македонци^[3][4] Според статистиката на Васил К’нчов („Македонија. Етнографија и статистика“) во 1900 година Шекерли имало 65 жители Македонци^[3][5].

Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 80 Македонци и работело егзархиско училиште^[3][6].

Во текот на Втората балканска војна, селото било опожарено од страна на грчките војски а самото македонско население било принудено да побегне од своите домови. Голем дел од македонското население заминало од селото кон Македонија и Бугарија^[7].

По крајот на Балканските војни, селото било вклучено во составот на Грција. На пописот од 1913 година и на пописот од 1920 година селото било евидентирано како напуштена населба.

Според Лозанскиот договор, во селото било населено грчко население од Мала Азија, Источна Тракија и Понд и селото било повторно населено. Во 1926 година, селото било преименувано во Захарато.^[8]

Во 1928 година селото било чисто бегалско со 213 жители бегалци.^[9], додека во 1940 година селото броело 312 жители.

Селото во пописот од 1951 година броело 186 жители, на пописот од 1961 година, во селото живееле 1733 жители, во 1971 година имало 109 жители, во 1981 година имало 94 жители, додека во 1991 година имало 85 жители^[10]. Денеска, населението на селото е 101 жител според пописот од 2001 година.

Големата разлика во бројот на население во периодот од 1951 до 1961 година се должи или на печатна грешка или на стационирање на грчки војници во самото село.

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија

Родени во Шекерли

• Тано Панов (1876/1880 - ?)^[11]
• Христо Гоцев^[12]