லெங்கோங் மக்களவைத் தொகுதி

லெங்கோங் (P055) மலேசிய மக்களவைத் தொகுதி பேராக்
Lenggong (P055) Federal Constituency in Perak
பேராக் மாநிலத்தில் லெங்கோங் மக்களவைத் தொகுதி (P55 Lenggong)
மாவட்டம்	உலு பேராக் மாவட்டம் பேராக்
வாக்காளர்களின் எண்ணிக்கை	36,950 (2023)[1]
வாக்காளர் தொகுதி	லெங்கோங் தொகுதி[2]
முக்கிய நகரங்கள்	கிரிக், லெங்கோங், குரோ, பெத்தோங்
பரப்பளவு	4,521 ச.கி.மீ[3]
முன்னாள் தொகுதி
உருவாக்கப்பட்ட காலம்	2003
கட்சி	பாரிசான் நேசனல்
மக்களவை உறுப்பினர்	சம்சுல் அனுவார் நசுரா (Shamsul Anuar Nasarah)
மக்கள் தொகை	37,428 (2020)[4]
முதல் தேர்தல்	மலேசியப் பொதுத் தேர்தல், 2004
இறுதித் தேர்தல்	மலேசியப் பொதுத் தேர்தல், 2022[5]

2022-இல் லெங்கோங் மக்களவைத் தொகுதியின் வாக்காளர்களின் இனப் பிரிவுகள்:

  மலாயர் (84.9%)

  சீனர் (11.8%)

  இந்தியர் (1.8%)

  இதர இனத்தவர் (1.4%)

லெங்கோங் மக்களவைத் தொகுதி (மலாய்: Kawasan Persekutuan Lenggong; ஆங்கிலம்: Lenggong Federal Constituency; சீனம்: 玲珑国会议席) என்பது மலேசியா, பேராக், உலு பேராக் மாவட்டத்தில் (Hulu Perak District) அமைந்துள்ள ஒரு மக்களவைத் தொகுதி (P055) ஆகும்.^[6]

லெங்கோங் மக்களவைத் தொகுதி 2003-ஆம் ஆண்டில் உருவாக்கப்பட்டது. முதன்முதலாக 2004-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக, 2022-ஆம் ஆண்டில் பொதுத் தேர்தல் நடைபெற்றது.

2004-ஆம் ஆண்டில் இருந்து லெங்கோங் மக்களவைத் தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.

லெங்கோங் நகரம், மலேசியா, பேராக் மாநிலத்தில் ஒரு சிறிய கிராமப் புறப் பட்டணம். ஈப்போ மாநகரத்தில் இருந்து 100 கி.மீ. வடக்கே உள்ளது. கோலாகங்சார் பட்டணத்தில் இருந்து கிரிக் பட்டணத்திற்குப் போகும் வழியில் இந்தப் பட்டணம் அமைந்து இருக்கிறது. தீபகற்ப மலேசியாவில் அகழ்வாராய்ச்சிக்கு மிகவும் புகழ் பெற்ற இடம்.

இந்த நகரத்தைச் சுற்றிலும் பல நூறு சுண்ணாம்பு குன்றுகளும், மலைகளும் உள்ளன. ரப்பர், செம்பனைத் தோட்டங்களும் உள்ளன. இங்குள்ள காடுகள் 90 இலட்சம் ஆண்டுகள் பழமையானவை. இங்கே சீனர்கள் அதிகமாக வாழ்கிறார்கள்.

லெங்கோங் நகரை ஒரு திறந்த வெளி கண்காட்சியகம் என்று அழைப்பதும் உண்டு. பழங்காலத்தில் பயன் படுத்தப் பட்ட மண் பாண்டங்கள், ஆயுதங்கள், கல் ஆயுதங்கள் பொது மக்களின் பார்வைக்கு வைக்கப் பட்டு உள்ளன.

பல ஆயிரம் ஆண்டுகளுக்கு முன்னால் மனிதர்கள் இங்கே வாழ்ந்து இருக்கிறார்கள். அந்த மனிதர்களின் எலும்பு கூடுகளில் சில கிடைத்து உள்ளன. ஓர் எலும்புக் கூட்டிற்குப் பேராக் மனிதன் எலும்புக் கூடு என்று பெயர் வைக்கப் பட்டு உள்ளது. அது 11,000 ஆண்டுகள் பழமையானது.

மலேசியப் பொதுத் தேர்தல் 2022

	வேட்பாளர்	கட்சி	செல்லுபடி வாக்குகள்	பெற்ற வாக்குகள்	%	∆%
	சம்சுல் அனுவார் நசுரா (Shamsul Anuar Nasarah)	பாரிசான்	27,679	12,588	45.48%	- 8.49 % ▼
	முகமது ரிபாட் ரசுமான் (Muhammad Rifaat Razman)	பெரிக்காத்தான்	-	11,709	42.30%	+ 42.30%
	ஜுரே லத்தீப் ரோசுலி (Jurey Latiff Mohd Rosli)	பாக்காத்தான்	-	3,382	12.22%	- 4.72% ▼

• கிரிக்
• லெங்கோங்
• குரோ
• ஈப்போ
• பெத்தோங்