கோப்பேங் மக்களவைத் தொகுதி

கோப்பேங் (P071) மலேசிய மக்களவைத் தொகுதி பேராக்
Gopeng (P071) Federal Constituency in Perak
பேராக் மாநிலத்தில் கோப்பேங் மக்களவைத் தொகுதி (P71 Gopeng)
மாவட்டம்	கம்பார் மாவட்டம் கிந்தா மாவட்டம் பேராக்
வாக்காளர்களின் எண்ணிக்கை	143,657 (2022)[1]
வாக்காளர் தொகுதி	கோப்பேங் தொகுதி[2]
முக்கிய நகரங்கள்	கோப்பேங், கம்பார், கோத்தா பாரு (பேராக்), மம்பாங் டி அவான், கோலா டிப்பாங், மாலிம் நாவார், லாவான் கூடா, சிம்பாங் பூலாய்
பரப்பளவு	577 ச.கி.மீ[3]
முன்னாள் தொகுதி
உருவாக்கப்பட்ட காலம்	1984
கட்சி	பாக்காத்தான் அரப்பான்
மக்களவை உறுப்பினர்	தான் கார் கிங் (Tan Kar Hing)
மக்கள் தொகை	216,236 (2020) [4]
முதல் தேர்தல்	மலேசியப் பொதுத் தேர்தல், 1986
இறுதித் தேர்தல்	மலேசியப் பொதுத் தேர்தல், 2022[5]

2022-இல் கோப்பேங் மக்களவைத் தொகுதியின் வாக்காளர்களின் இனப் பிரிவுகள்:^[6]

  சீனர் (44.7%)

  மலாயர் (42.8%)

  இந்தியர் (9.6%)

  இதர இனத்தவர் (2.9%)

கோப்பேங் மக்களவைத் தொகுதி (மலாய்: Kawasan Persekutuan Gopeng; ஆங்கிலம்: Gopeng Federal Constituency; சீனம்: 务边国会议席) என்பது மலேசியா, பேராக், கம்பார் மாவட்டம் (Kampar District); கிந்தா மாவட்டம் (Kinta District) ஆகிய இரு மாவட்டங்களில் அமைந்துள்ள ஒரு மக்களவைத் தொகுதி (P071) ஆகும்.^[7]

கோப்பேங் மக்களவைத் தொகுதி 1984-ஆம் ஆண்டில் உருவாக்கப்பட்டது. இந்தத் தொகுதியில், முதன்முதலாக 1986-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக, 2022-ஆம் ஆண்டில் நடைபெற்றது.

1986-ஆம் ஆண்டில் இருந்து கோப்பேங் மக்களவைத் தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.

கோப்பேங் நகரம், பேராக், கம்பார் மாவட்டத்தில் உள்ள ஒரு நகர்ப்பகுதி. கோப்பேங் நகரத்திற்கு மிக அருகில் சிம்பாங் பூலாய் எனும் நகரம் உள்ளது. பேராக் மாநிலத்தில் முதன்முதலில் ஈயம் தோண்டி எடுக்கப்பட்ட நகரங்களில் கோப்பேங் நகரமும் ஒன்றாகும்.

1890-ஆம் ஆண்டு வரை கிந்தா பள்ளத்தாக்கில் கோப்பேங் ஒரு முன்னணி ஈயச் சுரங்க நகரமாக விளங்கியது. 1850-ஆம் ஆண்டுகளிலேயே மிகவும் புகழ் பெற்ற நகரமாக விளங்கியது.

1900-ஆம் ஆன்டுகளில் கோப்பேங் நகரத்தைச் சுற்றிலும் நிறைய ரப்பர் தோட்டங்கள் இருந்தன. தமிழர்களும் கணிசமான அளவில் இருந்தனர். அதே சமயத்தில் பிரித்தானியர்களுக்குச் சொந்தமான ஈயச் சுரங்கங்களிலும் தமிழர்கள் வேலை செய்தனர்.

பிரித்தானியர்கள் அந்தச் சுரங்கங்களை மூடியதும் தமிழர்கள் சொந்தமாகக் காய்கறிகளைப் பயிரிட்டனர். ஆடு மாடுகளை வளர்த்தனர். கோப்பேங்கில் லாவான் கூடா எனும் ஒரு தமிழர்ப் பகுதி உள்ளது. இங்கு கணிசமான அளவிற்கு தமிழர்கள் உள்ளனர். ஓரளவிற்கு வசதியாகவும் வாழ்கின்றனர்.

மலேசியப் பொதுத் தேர்தல் 2022

	வேட்பாளர்	கட்சி	செல்லுபடி வாக்குகள்	பெற்ற வாக்குகள்	%	∆%
	தான் கார் கிங் (Tan Kar Hing)	பாக்காத்தான்	103,638	55,880	53.92%	- 7.83% ▼
	முகமது பர்கான் அப்துல் ரகீம் (Muhammad Farhan Abdul Rahim)	பெரிக்காத்தான்	-	28,732	27.72%	+ 27.72%
	திங் சாவோ சோங் (Ting Zhao Song)	பாரிசான்	-	18,393	17.75%	- 6.41 % ▼
	பாலசந்திரன் கோபால் (Balachandran Gopal)	வாரிசான்	-	633	0.61%	+ 0.61%

• கோப்பேங்
• கம்பார்
• மம்பாங் டி அவான்
• கோலா டிப்பாங்
• மாலிம் நாவார்
• கோத்தா பாரு
• மலேசியத் தேர்தல் தொகுதிகள்