பாகன் செராய் மக்களவைத் தொகுதி

பாகன் செராய் (P058) மலேசிய மக்களவைத் தொகுதி பேராக்
Bagan Serai (P058) Federal Constituency in Perak
பேராக் மாநிலத்தில் பாகன் செராய் மக்களவைத் தொகுதி (P58 Bagan Serai)
மாவட்டம்	கிரியான் மாவட்டம் பேராக்
வாக்காளர்களின் எண்ணிக்கை	80,293 (2022)[1]
வாக்காளர் தொகுதி	பாகன் செராய் தொகுதி[2]
முக்கிய நகரங்கள்	பாகன் செராய், பாரிட் புந்தார், நிபோங் திபால், கோலா குராவ், செமாங்கோல், அலோர் பொங்சு
பரப்பளவு	770 ச.கி.மீ[3]
முன்னாள் தொகுதி
உருவாக்கப்பட்ட காலம்	1974
கட்சி	பெரிக்காத்தான் நேசனல்
மக்களவை உறுப்பினர்	இட்ரிஸ் அகமது (Idris Ahmad)
மக்கள் தொகை	92,986 (2020) [4]
முதல் தேர்தல்	மலேசியப் பொதுத் தேர்தல், 1974
இறுதித் தேர்தல்	மலேசியப் பொதுத் தேர்தல், 2022[5]

2022-இல் பாகன் செராய் மக்களவைத் தொகுதியின் வாக்காளர்களின் இனப் பிரிவுகள்:

  மலாயர் (78.6%)

  சீனர் (12.4%)

  இந்தியர் (8.9%)

  இதர இனத்தவர் (0.1%)

பாகன் செராய் மக்களவைத் தொகுதி (மலாய்: Kawasan Persekutuan Bagan Serai; ஆங்கிலம்: Bagan Serai Federal Constituency; சீனம்: 峇眼色海国会议席) என்பது மலேசியா, பேராக், கிரியான் மாவட்டத்தில் (Kerian District) அமைந்துள்ள ஒரு மக்களவைத் தொகுதி (P058) ஆகும்.^[6]

பாகன் செராய் மக்களவைத் தொகுதி 1974-ஆம் ஆண்டில் உருவாக்கப்பட்டது. முதன்முதலாக 1974-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக, 2022-ஆம் ஆண்டில் பொதுத் தேர்தல் நடைபெற்றது.

1974-ஆம் ஆண்டில் இருந்து பாகன் செராய் மக்களவைத் தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.

பாகன் செராய், பேராக், கிரியான் மாவட்டத்தில், பினாங்கு பெருநகரத்தில் இருந்து 52 கி.மீ. தொலைவில் அமைந்துள்ளது. கிரியான் நெல் அறுவடை திட்டத்தின் கீழ், பாகன் செராய் நகரம் ஒரு முக்கியமான நெல் சேகரிப்பு மையமாக விளங்குகிறது. மலேசியாவின் மிகப் பழைமையான நீர்ப் பாசனத் திட்டமான கிரியான் நீர்ப் பாசனத் திட்டம் (Kerian Irrigation Scheme) இங்குதான் உள்ளது.^[7]

பாகன் செராய் நகருக்கு அருகில் செமாங்கோல்; அலோர் பொங்சு; பாரிட் புந்தார்; கோலா குராவ்; கோலா கூலா நகரங்கள் உள்ளன. பாகன் செராய் மக்களவைத் தொகுதியின் பெயரும் பாகன் செராய் என அழைக்கப் படுகிறது. இந்த நகரத்தைச் சுற்றிலும் நிறைய ரப்பர், செம்பனைத் தோட்டங்கள் உள்ளன.

இங்கு வசிக்கும் மலாய் குடியிருப்பாளர்களில் பெரும்பாலோர் இந்தோனேசியாவின் பஞ்சார்மாசின் எனும் இடத்தில் இருந்து குடிபெயர்ந்தவர்கள். இங்குள்ள கடைகள் பெரும்பாலும் சீனர், மலாய் மக்களுக்குச் சொந்தமானவையாக உள்ளன.

இந்தியர்கள் கணிசமான அளவு ரப்பர் தோட்டங்களில் வேலை செய்கிறார்கள். மலாய் மக்கள் வேளாண் நடவடிக்கைகளில் ஈடுபட்டு உள்ளனர். பாகன் செராயில் அதிகமாக நெல் வயல்கள்; செம்பனைத் தோட்டங்கள் உள்ளன.

மலேசியப் பொதுத் தேர்தல் 2022

பொது	வாக்குகள்	%	∆%
பதிவு பெற்ற வாக்காளர்கள் (Registered Electors)	80,293
வாக்களித்தவர்கள் (Turnout)	63,521	77.88%	▼ - 3.72%
செல்லுபடி வாக்குகள் (Total Valid Votes)	62,533	100.00%
கிடைக்காத அஞ்சல் வாக்குகள் (Unreturned Ballots)	93
செல்லாத வாக்குகள் (Total Rejected Ballots)	895
பெரும்பான்மை (Majority)	18,551	29.31%	+ 2.95
வெற்றி பெற்ற கட்சி	பெரிக்காத்தான் நேசனல்
சான்றுகள்: மலேசிய தேர்தல் ஆணையம் [8]

மலேசியப் பொதுத் தேர்தல் 2022

	வேட்பாளர்	கட்சி	செல்லுபடி வாக்குகள்	பெற்ற வாக்குகள்	%	∆%
	இட்ரிஸ் அகமது (Idris Ahmad)	பெரிக்காத்தான்	62,533	33,753	53.98%	+ 53.98%
	சுல் எல்மி கசாலி (Zul Helmi Ghazali)	பாரிசான்	-	15,202	24.31%	- 12.13 % ▼
	சித்தி ஆயிசா செயிக் இசுமாயில் (Siti Aishah Shaik Ismail)	பாக்காத்தான்	-	13,195	21.10%	- 6.38% ▼
	அகமது லுக்மான் அகமது யகயா (Ahmad Luqman Ahmad Yahya)	தாயக இயக்கம்	-	383	0.61%	+ 0.61%

• பாகன் செராய்
• பாரிட் புந்தார்
• நிபோங் திபால்
• கோலா குராவ்
• செமாங்கோல்
• அலோர் பொங்சு