தாப்பா மக்களவைத் தொகுதி

தாப்பா (P072) மலேசிய மக்களவைத் தொகுதி பேராக்
Tapah (P072) Federal Constituency in Perak
பேராக் மாநிலத்தில் தாப்பா மக்களவைத் தொகுதி (P72 Tapah)
மாவட்டம்	பத்தாங் பாடாங் மாவட்டம் பேராக்
வாக்காளர்களின் எண்ணிக்கை	61,946 (2022)[1]
வாக்காளர் தொகுதி	தாப்பா தொகுதி[2]
முக்கிய நகரங்கள்	தாப்பா, பீடோர், சுங்கை, கம்பார், செண்டிரியாங், சிலிம் ரீவர், பேராங்
பரப்பளவு	893 ச.கி.மீ[3]
முன்னாள் தொகுதி
உருவாக்கப்பட்ட காலம்	1984
கட்சி	பாரிசான் நேசனல்
மக்களவை உறுப்பினர்	எம். சரவணன் (Saravanan Murugan)
மக்கள் தொகை	61,946 (2020) [4]
முதல் தேர்தல்	மலேசியப் பொதுத் தேர்தல், 1986
இறுதித் தேர்தல்	மலேசியப் பொதுத் தேர்தல், 2022[5]

2022-இல் தாப்பா மக்களவைத் தொகுதியின் வாக்காளர்களின் இனப் பிரிவுகள்:^[6]

  சீனர் (24.2%)

  மலாயர் (45.6%)

  இந்தியர் (13.8%)

  இதர இனத்தவர் (16.4%)

தாப்பா மக்களவைத் தொகுதி (மலாய்: Kawasan Persekutuan Tapah; ஆங்கிலம்: Tapah Federal Constituency; சீனம்: 打巴国会议席) என்பது மலேசியா, பேராக், பத்தாங் பாடாங் மாவட்டம் (Batang Padang District) மாவட்டத்தில் அமைந்துள்ள ஒரு மக்களவைத் தொகுதி (P072) ஆகும்.^[7]

தாப்பா மக்களவைத் தொகுதி 1984-ஆம் ஆண்டில் உருவாக்கப்பட்டது. இந்தத் தொகுதியில், முதன்முதலாக 1986-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக, 2022-ஆம் ஆண்டில் நடைபெற்றது.

1986-ஆம் ஆண்டில் இருந்து தாப்பா மக்களவைத் தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.

தாப்பா நகரம் பேராக் மாநிலத்தில் வளர்ச்சி பெற்று வரும் ஒரு நகரம். இந்த நகரம் நவீன மயமாகி வருகிறது. பல புதிய சாலைகள் இந்த நகரை அலங்கரிக்கின்றன. மேற்குப் பகுதியில் இருக்கும் தெலுக் இந்தான் நகரை இந்த நகரத்தின் புதிய நெடுஞ்சாலைகள் இணைக்கின்றன. முன்பு காலங்களில் போக்குவரவுகளுக்கு ஆறுகளே முதன்மையாக விளங்கின.

இந்த நகரத்திற்கு அருகாமையில் பீடோர், சுங்கை, கம்பார், துரோலாக் போன்ற நகரங்கள் உள்ளன. மலேசியாவில் புகழ்பெற்ற கேமரன் மலைக்குச் செல்லும் நுழைவாயிலாகவும் இந்த நகரம் அமைகின்றது. 2010-ஆம் ஆண்டுகள் வரையில், கேமரன் மலைக்குச் செல்பவர்கள், தாப்பாவில் இருந்து செல்வது வழக்கம்.

தற்போது சிம்பாங் பூலாய் நகரில் இருந்து கேமரன் மலைக்கு, புதிய இருவழி நெடுஞ்சாலை அமைக்கப்பட்டு உள்ளது. அண்மைய காலங்களில் பழைய தாப்பா பாதையைப் பயன்படுத்துபவர்களின் எண்ணிக்கை குறைந்து வருகிறது. ஈப்போ மாநகரத்தில் இருந்து 60 கி.மீ. தொலைவில் தாப்பா நகரம் இருக்கிறது.

தாப்பா நகரில் இருந்து 20 கி.மீ. தொலைவில் லாத்தா கிஞ்சாங் எனும் நீர்வீழ்ச்சி இருக்கிறது. இந்த நீர்வீழ்ச்சியை அடைவதற்கு செண்டிரியாங் எனும் சிறுநகரத்தைத் தாண்டிச் செல்ல வேண்டும். இந்த நீர்வீழ்ச்சியைச் சுற்றியுள்ள காடுகளில் பழங்குடி மக்கள் வாழ்கிறார்கள். தாப்பா மலை அடிவாரக் காடுகளில் பல பழங்குடியினர் கிராமங்கள் உள்ளன.

மலேசியப் பொதுத் தேர்தல் 2022

பொது	வாக்குகள்	%	∆%
பதிவு பெற்ற வாக்காளர்கள் (Registered Electors)	61,946
வாக்களித்தவர்கள் (Turnout)	45,537	71.81%	▼ + 6.94%
செல்லுபடி வாக்குகள் (Total Valid Votes)	44,481	100.00%
கிடைக்காத அஞ்சல் வாக்குகள் (Unreturned Ballots)	90
செல்லாத வாக்குகள் (Total Rejected Ballots)	966
பெரும்பான்மை (Majority)	5,064	11.38%	- 9.68
வெற்றி பெற்ற கட்சி	பாரிசான் நேசனல்
சான்றுகள்: மலேசிய தேர்தல் ஆணையம் [8]

மலேசியப் பொதுத் தேர்தல் 2022

	வேட்பாளர்	கட்சி	செல்லுபடி வாக்குகள்	பெற்ற வாக்குகள்	%	∆%
	மு. சரவணன் (Saravanan Murugan)	பாரிசான்	44,481	18,398	41.36%	- 3.11 % ▼
	சரசுவதி கந்தசாமி (Saraswathy Kandasami)	பாக்காத்தான்	-	13,334	29.98%	- 12.79% ▼
	முகமது யாட்சா முகமது (Muhammad Yadzan Muhammad)	பெரிக்காத்தான்	-	12,115	27.24%	+ 27.24%
	மியோர் நோர் அயிதிர் சுகைமி (Mior Nor Haidir Suhaimi)	தாயக இயக்கம்	-	335	0.75%	+ 0.75%
	முகமது அக்பர் சரீப் அலி யாசின் (Mohamed Akbar Sherrif Ali Yasin)	வாரிசான்	-	200	0.45%	+ 0.45%
	எம். கதிரவன் (M Karthiravan)	சுயேச்சை	-	99	0.22%	+ 0.22%

• பாசிர் சாலாக்
• ஆயர் தாவார்
• தஞ்சோங் துவாலாங்
• லங்காப்
• தெலுக் இந்தான்
• மலேசியத் தேர்தல் தொகுதிகள்