ယွန်းပညာကောလိပ် (ပုဂံ)

	ယွန်းပညာကောလိပ် (ပုဂံ)
	ယွန်းကောလိပ်
	;
တည်ထောင်ခုနှစ်	၂၀၀၃; ၂၂ နှစ် အကြာက
တည်နေရာ	ညောင်ဦးမြို့နယ်၊ မန္တလေးတိုင်းဒေသကြီး
ပိုင်ဆိုင်မှု	သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန
ဝဘ်ဆိုတ်	ltcbagan.edu.mm

ယွန်းပညာကောလိပ် (ပုဂံ) (အင်္ဂလိပ်: Lacquerware Technology College) သည် မန္တလေးတိုင်းဒေသကြီး၊ ညောင်ဦးမြို့နယ်ရှိ ယွန်းပညာဆိုင်ရာ ကောလိပ်တစ်ခုဖြစ်သည်။ယွန်းကောလိပ်ဟုလည်း သိကြသည်။မြန်မာနိုင်ငံတွင် ယွန်းအတတ်ပညာသင်ကြားပေးနေသော တစ်ခုတည်းသော အစိုးရကောလိပ်ဖြစ်သည်။သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန၊ အသေးစားစက်မှုလက်မှုလုပ်ငန်း ဦးစီးဌာန လက်အောက်တွင် တည်ရှိသည်။^[၁]

သမိုင်းကြောင်း

ယွန်းကောလိပ်ကို ၁၉၂၄ခုနှစ်တွင် ယွန်းလုပ်ငန်း အတတ်သင်ကျောင်း၊ ၁၉၉၅ခုနှစ်တွင် မြန်မာ့ယွန်းသိပ္ပံ၊ ၂၀၀၃ခုနှစ်တွင် ယွန်းပညာကောလိပ်အဖြစ် အဆင့်အဆင့် ဖွင့်လှစ်ခဲ့သည်။ယခင်က သမဝါယမ ဝန်ကြီးဌာန၊ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန လက်အောက်များတွင် တည်ရှိခဲ့ပြီး ၂၀၂၁ခုနှစ် ဇွန်လမှစ၍ သမဝါယမနှင့် ကျေးလက်ဖွံ့ဖြိုးရေး ဝန်ကြီးဌာန လက်အောက်သို့ ရောက်ရှိခဲ့သည်။^[၁]^[၂]

တည်နေရာ

ယွန်းကောလိပ်သည် မန္တလေးတိုင်းဒေသကြီး၊ ညောင်ဦးမြို့နယ်၊ ပုဂံမြို့ဟောင်းရှိ ဗူးဘုရား၏ အရှေ့ဘက်တွင် တည်ရှိသည်။

သင်တန်းများ

ယွန်းကောလိပ်တွင် ယွန်းအတတ်ပညာ (၁)နှစ် ဒီပလိုမာသင်တန်း၊ ယွန်းအတတ်ပညာ (၂)နှစ် ဒီပလိုမာသင်တန်း၊ အထက်တန်းယွန်းပညာသင်တန်းများ ဖွင့်လှစ်ထားသည်။(၂)နှစ် ဒီပလိုမာသင်တန်းတွင် သမဝါယမ ပေါင်းကူးသင်တန်းများပါ ဖွင့်လှစ်ထားရှိသည်။ထိုသင်တန်းများအောင်မြင်ပြီး အဆင့်မီပါက သမဝါယမတက္ကသိုလ်များတွင် ဆက်လက် တက်ရောက်နိုင်သည်။^[၃]

ဘာသာရပ်များ

ယွန်းဘာသာရပ်

အခြေခံထည်ဘာသာရပ်
အနက်ထည်ဘာသာရပ်
ကညစ်ယွန်းဘာသာရပ်
ရွှေဇဝါယွန်းဘာသာရပ်
သားရိုးပန်းကြွဘာသာရပ်
ပန်းချီ၊ ပန်းပု ဘာသာရပ်
နိုင်ငံတကာယွန်းဘာသာရပ်

သမဝါယမ ပေါင်းကူးဘာသာရပ်

သမဝါယမပညာဘာသာရပ်
စီမံခန့်ခွဲမှုပညာဘာသာရပ်
စာရင်းအင်းပညာဘာသာရပ်
ဝါဏိဇ္ဇဗေဒဘာသာရပ်
ဘောဂဗေဒဘာသာရပ်
မြန်မာစာဘာသာရပ်
အင်္ဂလိပ်စာဘာသာရပ်
သချာင်္ဘာသာရပ်
စီးပွားရေးပထဝီဘာသာရပ်
မြန်မာ့ရေးရာဘာသာရပ်
သတင်းအချက်အလက်နှင့် နည်းပညာဘာသာရပ်

ပြတိုက်နှင့်ခန်းမ

ယွန်းပြတိုက်

ကောလိပ်အတွင်းရှိ ယွန်းပြတိုက်တွင် ပုဂံခေတ်မှစ၍ ခေတ်အဆက်ဆက် အသုံးပြုခဲ့သော ယွန်းထည်ပစ္စည်းများကို ပြည်သူများ လေ့လာနိုင်ရန် ဖွင့်လှစ်ထားရှိသည်။ယွန်းပြတိုက်ကို ၁၉၇၂-၇၃ ခုနှစ်တွင် စတင်အကောင်အထည်ဖော်ခဲ့ပြီး ၁၉၇၃ ခုနှစ် စက်တင်ဘာလ ၃၀ရက်နေ့တွင် စတင်ဖွင့်လှစ်ခဲ့သည်။ ယခင်ကယွန်းပြတိုက် အဆောက်အဦးသည် သံကူကွန်ကရစ်တစ်ထပ် အဆောက်အဦးဖြစ်သည်။ ရှေးဟောင်းယွန်းပစ္စည်းများပိုမိုစုဆောင်းလာနိုင်သည့်အတွက် ကဏ္ဍအလိုက် ခွဲခြားပြသရန် သံကူကွန်ကရစ်(၂)ထပ် အဆောက်အဦးအား ပြတိုက်အဖြစ်မွမ်းမံ၍၂၀၁၆ ခုနှစ် ဇွန်လ ၁ရက် နေ့တွင် မူလအဆောက်အဦးမှ ပြောင်းရွှေ့ဖွင့်လှစ်ခဲ့သည်။^[၄]

ယွန်းနည်းစဉ်ခန်းမ

ယွန်းနည်းစဉ်ခန်းမမှာ ကောလိပ်အတွင်းရှိ ယွန်းထည်ပစ္စည်းထုတ်လုပ်မှု အဆင့်ဆင့်ကို အများပြည်သူ လေ့လာနိုင်သော နေရာဖြစ်သည်။အခြေခံ ဝါးကို စတင်ပြုလုပ်ပုံမှစ၍ နောက်ဆုံးအဆင့်အထိ လေ့လာနိုင်သောနေရာဖြစ်သည်။^[၅]